Ցզյանսու

Ցզյանսու (չինարեն՝ 江苏省), նահանգ Արևելյան Չինաստանում, Յանցզի գետի ստորին հոսանքի շրջանում, ողողվում է Արևելա–Չինական և Դեղին ծովերի ջրերով։ Տարածությունը 100 հազար կմ² է, բնակչությունը կազմում է 79,2 մլն (2012^[2])։ Երկրի ամենախիտ բնակեցված նահանգն է։ Վարչական կենտրոնը՝ Նանկին։ Գտնվում է Չինական մեծ հարթավայրի հարավ–արևելյան մասում։ Կլիման մերձարևադարձային է, մուսսոնային։ Տարեկան տեղումները հյուսիսում 600-900 մմ են, հարավում՝ մինչև 1200 մմ։ Ցզյանսու ՉԺՀ ինդուստրիալ–ագրարային զարգացած տնտեսական շրջաններից է, տալիս է երկրի արդյունաբերական համախառն արտադրանքի 6%–ը։ Արդյունահանվում է ածուխ, երկաթի հանքանյութ, ապատիտ, կաոլին, աղ։ Զարգացած է տնայնագործությունը և գեղարվեստական արհեստագործությունը (ճենապակե և հնդկեղեգե իրեր)։ Մշակվում է տարածքի մոտ 60%–ը։ Գետերի ռեժիմը կարգավորելու և ոռոգման նպատակով ստեղծված է հիդրոտեխնիկական համալիր, այդ թվում՝ ոռոգիչ համակարգ։ Մշակում են բրինձ, ընդավորներ, ցորեն, գարի, եգիպտացորեն, բանջարաբոստանային կուլտուրաներ։ Երկրի բամբակագործական և շերամապահական գլխավոր շրջաններից է։

Ցզյանսու չինարեն՝ 江苏省
Երկիր	Չինաստան
Կարգավիճակ	Նահանգ
Մտնում է	Չինաստան
Վարչկենտրոն	Նանկին
Ամենաբարձր կետ	Mounts Yuntai?
Օրենսդրական մարմին	Jiangsu Provincial People's Congress?[1]
Քարտուղար	Լուո Ժիչուն
Նահանգապետ	Շի Թայֆեն
ՀՆԱ	7,191 տրիլիոն յուան
Հիմնական լեզու	Չինարեն
Բնակչություն (2012)	79 200 000 (5-րդ տեղ)
Խտություն	770
Ազգային կազմ	Հան՝ 99,6% Շե՝ 0,2%
Տարածք	102 600  (25-րդ տեղ)
Սահմանակցում է	Շանդուն, Անհոյ, Չժեցզյան և Շանհայ
Ժամային գոտի	UTC+8
Փոխարինեց	Ցզյանսու
ISO 3166-2 կոդ	CN-JS
jiangsu.gov.cn
Ցզյանսու Վիքիպահեստում

Ծանոթագրություններ

1. National Database of Laws and Regulations — 2021.
2. «Արխիվացված պատճենը». Արխիվացված է օրիգինալից 2019 թ․ հունվարի 7-ին. Վերցված է 2016 թ․ մարտի 10-ին.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։