Սիփան (գյուղ)

Սիփան, գյուղ Հայաստանի Արագածոտնի մարզի Ալագյազ համայնքում։

Անվան այլ կիրառումների համար տե՛ս՝ Սիփան (այլ կիրառումներ)

Գյուղ
Սիփան
Երկիր	Հայաստան
Մարզ	Արագածոտնի մարզԱրագածոտնի մարզ
Համայնք	Ալագյազ (համայնք)
Գյուղապետ	Թենգիզ Մամոյան
Այլ անվանումներ	Թամբ, Պամբ, Պամբակ, Պամբ, Փամբակ, Փամբ Քրդի
Մակերես	11.76 կմ²
ԲԾՄ	2100 մետր
Պաշտոնական լեզու	հայերեն
Բնակչություն	275[1] մարդ (2004)
Ազգային կազմ	Հայեր, Եզդիներ
Կրոնական կազմ	Հայ Առաքելական եկեղեցի
Ժամային գոտի	UTC+4
Սիփան (գյուղ) (Հայաստան) Սիփան (գյուղ) (Արագածոտնի մարզ)

Գյուղը հիմնադրվել է 1870-ական թվականներին։

Նախկինում Պամբ Քրդական անվանումով ընդգրկված է եղել Երևանի նահանգի Ալեքսանդրապոլի գավառում^[2]։

Անվանումներ

Հնում կոչվել է Թամբ, Պամբ, Պամբակ, Պամբ, Փամբակ, Փամբ Քրդի անվանումներով։ Սիփան է վերանվանվել 1978 թվականին^[3]։

Աշխարհագրություն

Գյուղը տեղադրված է Փամբակի լեռնաշղթայի հարավային լանջերին։ Գտնվում է ծովի մակարդակից 2100 մ բարձրության վրա։ Կլիման բարեխառն լեռնային է։ Ձմեռները տևական են, ցուրտ, հաստատուն ձնածածկույթով։ Ամառները տաք են, համեմատաբար խոնավ։ Հուլիսյան միջին ջերմաստիճանը տատանվում է 16-18-ի սահմաններում, հունվարյանը՝ -6,-8-ի սահմաններում։ Մթնոլորտային տարեկան տեղումների քանակը 450-600 մմ։ Բնական լանդշաֆտները սևահողային տափաստաններ են։

Բնակչություն

Գյուղում տարբեր ժամանակերում տարբեր է եղել ազգային կազմի համամասնությունը։ Ներկայումս էլ մեծ բաժին ունեն քրդերը (եզդիները), որոնք տեղափոխվել են Արևմտյան Հայաստանից և Կարսի մարզից։

Սիփանի ազգաբնակչության փոփոխությունը^[1].

Տարի	Բնակչություն
1873	292 մարդ	[4]
1897	382 մարդ	[4]
1926	336 մարդ	[4]
1939	443 մարդ	[4]
1959	350 մարդ	[4]
1979	473 մարդ	[4]
1989	391 մարդ	[4]
2001	264 մարդ	[4]
2004	275 մարդ	[4]
2011	182 մարդ	[5]

Տնտեսություն

Գյուղն ունի 48 տնտեսություն։ Ունի դպրոց, գրադարան, բուժկետ, կապի հանգույց։ Բնակչությունը զբաղվում է անասնապահությամբ և դաշտավարությամբ։

Ծանոթագրություններ

1. «Հայաստանի հանրապետության բնակավայրերի բառարան» (PDF). Արխիվացված է օրիգինալից (PDF) 2014 թ․ սեպտեմբերի 12-ին. Վերցված է 2014 թ․ սեպտեմբերի 12-ին.
2. «Հայաստանի և հարակից շրջանների տեղանունների բառարան», հտ 4, էջ 625
3. «Արագածոտնի մարզպետարան». Արխիվացված է օրիգինալից 2013 թ․ փետրվարի 17-ին. Վերցված է 2013 թ․ մայիսի 1-ին.
4. Հայաստանի բնակավայրերի բառարան (հայ.) — Երևան: 2008. — էջ 180. — 184 p.
5. Հայաստանի 2011 թ. մարդահամարի արդյունքները (հայ.)

Արտաքին հղումներ

• Սիփան (գյուղ) բնակավայրը «GEOnet Names Server» կայքում։
• 2001 թվականի Հայաստանի մարդահամարի արդյունքները, Հայաստանի վիճակագրական կոմիտե
• Kiesling, Rediscoving Armenia, p. 22, available online at the US embassy to Armenia's website Արխիվացված 2008-06-26 Wayback Machine