Սիդհարթ Մալհոթրա (հինդի՝ सिद्धार्थ मल्होत्रा, անգլ.՝ Sidharth Malhotra, հունվարի 16, 1985[1], Նյու Դելի, Հնդկաստան[2]), հնդիկ դերասան և մոդել։
| Սիդհարթ Մալհոթրա հինդի՝ सिद्धार्थ मल्होत्रा և անգլ.՝ Sidharth Malhotra | |
|---|---|
 | |
| Ծնվել է | հունվարի 16, 1985[1] (39 տարեկան) |
| Ծննդավայր | Նյու Դելի, Հնդկաստան[2] |
| Քաղաքացիություն |  Հնդկաստան |
| Կրոն | հինդուիզմ |
| Կրթություն | Navy Children School, Delhi? և Shaheed Bhagat Singh College? |
| Մասնագիտություն | մոդել, դերասան, կինոդերասան և սցենարիստ |
| Ամուսին | Կիարա Ադվանի[3] |
| Պարգևներ և մրցանակներ | |
 Sidharth Malhotra Վիքիպահեստում | |
կենսագրություն
Սիխարտխը ծնվել է 1985 թվականի հունվարի 16-ին, Դելիում, առևտրային նավատորմի նախկին կապիտան Սունիլի և տնային տնտեսուհի Ռիմիի ընտանիքում[4]։ Նա սովորել է Դոն Բոսկոյի և Բիռլ Վիդյա Նիտեկանդի (Նյու Դելի) դպրոցներում, այնուհետև ավարտել է Բախարատ Սինգհի ուսումնարանը[5]։ 18 տարեկան հասակում նա սկսել է մոդելի կարիերան, բայց չորս տարի հետո դժգոհության պատճառով որոշել է թողնել այդ մասնագիտությունը։
Կարիերան շարունակել է որպես դերասան, հաջող անցել է ֆիլմի լսումները, որի ռեժիսորն էր Անուբխավ Սինխը, սակայն ֆիլմը այդպես էլ չի թողարկվել։ Դրանից հետո Սիդխարտխը աշխատել է որպես ռեժիսոր Կարան Ջոհարի օգնական «Իմ անունը Կխան է» ֆիլմում։ 2012 թվականին դերասանը դեբյուտել է Կարան Ջոհարի «Տարվա ուսանող» ֆիլմում, երկու նորեկների` Դհավան Վարունի և Ալի Բխատի հետ։ Նրա հերոսը` Աբխիմանյու Սինգխը, ուսանող էր սահմանափակ բյուջեով, որը մրցում է իր հարուստ լավագույն ընկերոջ` Ռոխանի հետ դպրոցական ամենամյա առաջնությունում։ Ֆիլմն առևտրային հաջողություն է ունեցել։ Երկու տարի անց Սիդխարտխը նկարահանվել է «Նա ժպտում է, նա ծուղակում է» ռոմանտիկ կատակերգությունում, Պարինիտի Չոպրայի հետ[6][7]։ Նույն տարում թողարկվում է «Մի չարագործ» ֆիլմը, որտեղ նա կատարում էր անուղղելի հանցագործի` Գուռուի դերը, որի անբուժելի հիվանդ կնոջը սպանում է քրեական մարդասպանը։ Այս ֆիլմը առևտրային մեծ հաջողություն է ունեցել։
2015 թվականին դերասանը նկարահանվել է «Եղբայրներ» սպորտային դրամայում[8][9], բայց ֆիլմը չի արդարացրել սպասելիքները` ստանալով քննադատների բացասական գնահատականը և ցածր ցուցանիշներ ունենալով վարձույթում։ Նրա հաջորդ ֆիլմը 2016 թվականի «Կապուրը և որդիները» ընտանեկան դրաման էր։ Ֆիլմը ունեցել է առևտրային հաջողություն։ Նույն թվականանին թողարկվել է «Կրկին ու կրկին նայիր» ֆիլմը, որտեղ նա խաղում է մաթեմատիկոսի դերը, որը ճանապարհորդում է ժամանակի մեջ` հենց դրանով գիտակցելով ընտանեկան կյանքի կարևորությունը։ Ֆիլմում նրա խաղընկերն էր Կատրինա Կաիֆը։
2017 թվականին թողարկվել է «Ջենթլմենը» ֆիլմը, որտեղ դերասանը Ժակլին Ֆերնանդեսի խաղընկերն էր, նաև երգել է «Bandook Meri Laila» երգից հատված։ Սակայն նրա վոկալային ընդունակությունները չեն փրկել ֆիլմի ձախողումը վարձույթում[10]։ Նույն թվականին նա Ittefaq ֆիլմի րիմեյքում կատարել է սպանության մեջ կասկածվող Վիկրամի դերը, խաղալով Սոնակշի Սինհայի հետ[11]։ Ֆիլմը ունեցել է առևտրային հաջողություն։
Այժմ պատրաստվում է Aiyaary ֆիլմի թողարկմանը, որտեղ նա հանդես է գալիս բանակի մայորի դերում[12]։
Ֆիլմագրություն
| Տարի | Հայերեն անվանում | Բնօրինակ անվանում | Դեր | |
|---|---|---|---|---|
| 2012 | ֆ | Տարվա ուսանող | Student of the Year | Աբխիմանյու Սինգխ |
| 2014 | ֆ | Նա ժպտում է, նա ծուղակում է | Hasee Toh Phasee | Նիկխիլ Բխարադվաջ |
| 2014 | ֆ | Մի չարագործ | Ek Villain | Գուռու Պրատապ Սիգխ/Դիպու |
| 2015 | ֆ | Եղբայրները | Brothers | Մոնտի Ֆեռնանդեզ |
| 2016 | ֆ | Կապուրը և որդիները | Kapoor & Sons | Առջուն Կապուր |
| 2016 | ֆ | Կրկին ու կրկին նայիր | Baar Baar Dekho | Ջայ Վարմա |
| 2017 | ֆ | A Gentleman | Գաուրավ/Ռիշի | |
| 2017 | ֆ | Ittefaq | Վիկրամ | |
| 2017 | ֆ | Aiyaary | Major Jai Bakshi |
Ծանոթագրություններ
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
