Սերվեյոր 2

Սերվեյոր-2, (անգլ.՝ Surveyor-2), ԱՄՆ ՆԱՍԱ-ի Սերվեյոր ծրագրի շրջանակներում իրականացված առաքելություն, որով նախատեսվում էր Լուսնի մակերևույթին կատարել փափուկ վայրէջք, և ուսումնասիրել Լուսնի մակերևույթը պատրաստվելով Ապոլոն ծրագրի իրականացմանը։ Արձակվել է 1966 թվականի սեպտեմբերի 20-ին Քանավերալ տիեզերակայանից, Ատլաս Կենտավր կրող հրթիռով։ Սերվեյոր ծրագիրը ղեկավարվում էր Ռեակտիվ շարժման լաբորատորիայի կողմից, իսկ կայանը կառուղցվել էր Հյուզ էյրքրաֆք ընկերության կողմից։

Սերվեյոր 2

Կազմակերպություն	ՆԱՍԱ
Հիմնական կապալառուներ	ՌՇԼ
COSPAR ID	1966-084A[1]
NSSDCA ID	1966-084A
SCN	02425
Գործարկման ամսաթիվ	1966 սեպտեմբերի 20, 12:32:00 UTC[1]
Գործարկման վայր	Քանավերալ
Գործարկման հրթիռ	Ատլաս Կենտավր
Աշխատանքի ավարտ	1967 սեպտեմբերի 23
Զանգված	995,2 կգ[2]

Ուղղիչ իմպուլսի գործադրման ժամանակ տեղի ունեցավ վթար, որի հետևանքով կայանի նկատմամբ վերահսկողությունը կորցվեց։ Կայանի հետ կապն ընդհատվեց սեպտեմբերի 22-ին։

Կայանի կառուցվածք

Կայանը բաղկացած էր շարժիչային (հետագծի ուղղման 3 հեղուկահրթիռային շարժիչներ և պինդ վառելիքով աշխատող արգելակման շարժիչ) և էներգետիկ, (արևային և քիմիական մարտկոցներ) տեղակայանքներից, ռադիոտեխնիկական սարքավորումներից, կողմնորոշման և թռիչքի կառավարման համակարգից։

Կայանի վրա տեղակայված էր Լուսնի վրա վայրէջք կատարելուց հետո նկարահանումներ կատարելու հեռուստատեսային խցիկներ։

Կայանի առավելագույն տրամագիծը ըստ վայրէջքի բացված շասսիի հենարանների 4,27 մ էր, բարձրությունը (հավաքված շասսիի դեպքում) մոտ 3 մ, մեկնարկային զանգվածը՝ 995,2 կգ, վայրէջքից հետո՝ 292 կգ։

Թռիչք

Սերվեյոր 2-ը արձակվել է 1966 թվականի սեպտեմբերի 20-ին Քանավերալ տիեզերակայանից, Ատլաս Կենտավր կրող հրթիռով։ Կայանը արձակվել է ուղիղ դեպի Լուսինը հետագծով, առանց միջանկյալ ուղեծրերի դուրս բերելը։

Թռիչքի նպատակն էր Կենտրոնական ծովածոցը։ Կրող հրթիռը ուղղել էր Սերվեյոր 2-ը դեպի Լուսին, սակայն ըստ հետագծի վայրէջքի վայրը նպատակակետից 130 կմ հեռու էր։ Ուղղիչ իմպուլսի գործադրման ժամանակ, շարժիչներից մեկը չաշխատեց, որի հետևանքով կայանը սկսեց անկանոն պտտվել։ Առաքելության փրկության փորձերը ձախողվեցին։ Կայանի հետ կապն ընդհատվեց սեպտեմբերի 22-ի առավոտյան 9:35-ին: Կայանը բախվեց Լուսնին Կոպեռնիկ խառնարանում։ Բախման պահին կայանի արագությունը կազմում էր 2,6 կմ/վ^[3]։

Տես նաև

• Լունա ծրագիր
• Լունար օրբիտեր ծրագիր
• Ռեյնջեր ծրագիր

Ծանոթագրություններ

1. NASA. «Surveyor 2». NASA. Վերցված է 2023 թ․ հունիսի 2-ին.
2. «Surveyor 2». NASA's Solar System Exploration website. Վերցված է 2022 թ․ դեկտեմբերի 2-ին.
3. «Boeing: Satellite Development Center - Scientific Exploration - Surveyor». Արխիվացված է օրիգինալից 2010 թ․ փետրվարի 7-ին. Վերցված է 2010 թ․ մարտի 31-ին.

Արտաքին հղումներ

• Labeled Lunar Orbiter 4 photograph showing the Surveyor 2 crash site: IV-114-H1
• Surveyor 2 flight performance Final report - Jan 1967 (PDF)
• Surveyor Program Results (PDF) 1969