Սարատակ (Շիրակի մարզ)

Սարատակ (նախկին անվանումը՝ Իմրխան), գյուղ Հայաստանի Հանրապետության Շիրակի մարզի Արթիկի տարածաշրջանում, մարզկենտրոնից 17 կմ հարավ, Կարկաչան գետի աջափնյակում։ Վերանվանվել է Սարատակ 1940 թ. հունիսի 1-ին^[3]։

Անվան այլ կիրառումների համար տե՛ս՝ Սարատակ (այլ կիրառումներ)

Գյուղ
Սարատակ
Երկիր	Հայաստան
Մարզ	ՇիրակիՇիրակի մարզ|Շիրակի
Համայնք	Շիրակի մարզ և Արթիկի շրջան
Մակերես	11.3 կմ²
ԲԾՄ	1560 մետր
Պաշտոնական լեզու	հայերեն
Բնակչություն	1321[1] մարդ (2011)
Ազգային կազմ	հայեր
Ժամային գոտի	UTC+4
Հեռախոսային կոդ	+374 244[2]
Փոստային ինդեքս	3022
Սարատակ (Շիրակի մարզ) (Հայաստան)

Բնակչություն

Ըստ Հայաստանի 2011 թ. մարդահամարի արդյունքների՝ Սարատակի մշտական բնակչությունը կազմել է 1321, առկա բնակչությունը՝ 1318 մարդ^[1]։ 1831 թվից ի վեր բնակիչները գրեթե ամբողջությամբ հայեր են^[4], որոնց նախնիները 1830 թ.-ին գաղթել են Վերին Բասենի Կամրջագեղ գյուղից^[5]։

Սարատակի բնակչության փոփոխությունը ժամանակի ընթացքում՝ ստորև.

Տարի	Բնակչություն
1831	191 մարդ	[6]
1873	565 մարդ	[6]
1897	878 մարդ	[6]
1926	923 մարդ	[6]
1939	1112 մարդ	[6]
1959	1062 մարդ	[6]
1970	1181 մարդ	[6]
1979	1142 մարդ	[6]
1989	1429 մարդ	[6]
2001	1274 մարդ	[6]
2011	1321 մարդ	[7]

Տնտեսություն

Բնակչությունը զբաղվում է անասնապահությամբ, հացահատիկի, կերային կուլտուրաների, ծխախոտի մշակությամբ և բանջարաբուծությամբ։

Պատմամշակութային կառույցներ

Սարատակում կա 1862 թվականին կառուցած Սուրբ Մինաս եկեղեցին, որը վերաօծվել է 2016 թվականին^[8]։

Սարատակի հայտնի մարդիկ

• Արտավազդ Իգնատյան - պատմաբան, մանկավարժական գիտությունների թեկնածու։
• Հակոբ Սողոմոնյան (1949) - արձակագիր, թարգմանիչ, լրագրող։

Պատկերասրահ

• 
  Սուրբ Մինաս եկեղեցու ընդհանուր տեսքը
• 
  Եկեղեցու ինտերիերը
• 
  Սուրբ Մինասի զանգակատունը

Տես նաև

• Սարատակի պատմության և մշակույթի անշարժ հուշարձանների ցանկ (Շիրակի մարզ)

Ծանոթագրություններ

1. 2011 թ Հայաստանի մարդահամարի արդյունքները
2. http://www.cfoa.am/HTML/option/7.htm(չաշխատող+հղում)
3. «Հայաստանի և հարակից շրջանների տեղանունների բառարան», հտ. 4, էջ 518
4. Զավեն Կորկոտյան, «Խորհրդային Հայաստանի բնակչությունը վերջին հարյուրամյակում (1831-1931)»
5. Նահապետյան Ա., Վերին Բասենի սանջակի 1835 թվականի Օսմանական մարդահամարը որպես հայկական ծագումնաբանության աղբյուր. Քյոփրյուքյոյ գյուղի օրինակը ԳԱԱ Շիրակի հայագիտական հետազոտությունների կենտրոն Արխիվացված 2020-06-05 Wayback Machine
6. Հայաստանի բնակավայրերի բառարան (հայ.) — Երևան: 2008. — 184 p.
7. Հայաստանի 2011 թ. մարդահամարի արդյունքները (հայ.)
8. «Հայ առաքելական եկեղեցու ամենաերիտասարդ թեմն ամենահարուստն է եկեղեցիներով». armenpress.am. Վերցված է 2023 թ․ հոկտեմբերի 13-ին.

Արտաքին հղումներ

• Սարատակ գյուղի էջը CAA կայքում Արխիվացված 2011-08-20 Wayback Machine

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 10, էջ 213)։