Ռույ Գոնսալես դի Կլավիխո

Ռույ Գոնսալես դե Կլավիխո (իսպ.՝ Ruy Gonzáles de Clavijo, 14-րդ դար, Մադրիդ, Մադրիդ, Կաստիլիա և Լեոն^[1] - ապրիլի 2, 1412(1412-04-02)^[1], Մադրիդ, Մադրիդ, Կաստիլիա և Լեոն), իսպանացի դիվանագետ, ուղեգրող։

Ռույ Գոնսալես դի Կլավիխո
Ծնվել է	14-րդ դար
Ծննդավայր	Մադրիդ, Մադրիդ, Կաստիլիա և Լեոն[1]
Մահացել է	ապրիլի 2, 1412(1412-04-02)[1]
Մահվան վայր	Մադրիդ, Մադրիդ, Կաստիլիա և Լեոն
Գերեզման	Մադրիդ
Քաղաքացիություն	Իսպանիա
Երկեր	Embassy to Timur?
Մասնագիտություն	ճանապարհորդ հետազոտող, դիվանագետ, գրող և պատմաբան
Ruy González de Clavijo Վիքիպահեստում

1403-1406 թվականներին եղել է Լենկթեմուրի մոտ Կաստիլիայի թագավոր Հենրի III պատվիրակության կազմում։ Պատվիրակության ցամաքային ուղին անցել է Հայաստանով (մեկնում՝ Տրապիզոն-Երզնկա-Կարին-Ալաշկերտ-Բայազետ-Մակու-Խոյ, վերադարձ՝ Խոյ-Ալաշկերտ-Անի-Կարս-Կարին-Թորթում-Տրապիզոն)։

Անցած բնակավայրերի և դրանց բնակիչների վերաբերյալ Կլավիխոն գրառումներ է արել, պահել է ճամփորդական օրագիր, որի հիման վրա հետագայում կազմել է ուղեգրություն ձեռագրերը պահվում են Իսպանիայի ազգային գրադարանում (Մադրիդ) և Բրիտանական թանգարանում (Լոնդոն)։

Այն արժեքավոր տեղեկություններ է պարունակում Հայաստանի և արևելյան մի շարք երկրների տնտեսական ու քաղաքական իրավիճակի մասին։ Առաջին անգամ հրատարակվել է 1582 թվականին, Սևիլյայում, հետագայում վերահրատարակվել և թարգմանվել է այլ լեզուներով։ Հայերեն թարգմանված են Հայաստանին վերաբերող առանձին գլուխներ ու հատվածներ։

Երկեր

• Ruy González de Clavijo, La embajada a Tamorlán. Francisco López Estrada, ed. (Madrid։ Castalia, 1999).
• Ruy González de Clavijo, Embassy to Tamerlane tr. G. Le Strange (1928).
• Ruy González de Clavijo, Embassy to Tamerlane, 1403-1406, translated by Guy Le Strange, with a new Introduction by Caroline Stone (Hardinge Simpole, 2009).

Ծանոթագրություններ

1. Deutsche Nationalbibliothek Record #119099306 // Gemeinsame Normdatei (գերմ.) — 2012—2016.

Վիքիպահեստն ունի նյութեր, որոնք վերաբերում են «Ռույ Գոնսալես դի Կլավիխո» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 476)։