Պոնտորմո

Պոնտորմո (իսկական անունը՝ Ջակոբո Կարուչի Jacopo Carucci, մայիսի 24, 1494, Էմպոլի, Ֆլորենցիա, Տոսկանա, Իտալիա - դեկտեմբերի 31, 1556(1556-12-31)^[1][2] կամ հունվարի 2, 1557(1557-01-02)^[3], Ֆլորենցիա, Ֆլորենցիայի դքսություն^[4]), իտալացի գեղանկարիչ, Ֆլորենցիայի գեղանկարչության դպրոցի ներկայացուցիչ, մաներիզմի հիմնադիրներից մեկը։

Պոնտորմո իտալ.՝ Jacopo da Pontormo
Ծնվել է	մայիսի 24, 1494
Ծննդավայր	Էմպոլի, Ֆլորենցիա, Տոսկանա, Իտալիա
Վախճանվել է	դեկտեմբերի 31, 1556(1556-12-31)[1][2] (62 տարեկան) կամ հունվարի 2, 1557(1557-01-02)[3] (62 տարեկան)
Մահվան վայր	Ֆլորենցիա, Ֆլորենցիայի դքսություն[4]
Մասնագիտություն	նկարիչ և գծանկարիչ
Ոճ	մաներիզմ
Ժանր	դիմապատկեր
Ուշագրավ աշխատանքներ	Visitation of Carmignano?, Vertumnus and Pomona?, Pucci Altarpiece?, The Deposition from the Cross? և Q3693900?
Ուսուցիչ	Պիերո դի Կոզիմո, Անդրեա դել Սարտո և Լեոնարդո դա Վինչի
Աշակերտներ	Անյոլո Բրոնզինո և Ջովանի Բատիստա Նալդինի
Հայր	Bartolommeo di Jacopo di Martino?
Jacopo Pontormo Վիքիպահեստում

Ստեղծագործություն

10 տարեկան հասակում, կորցնելով հորը, Պոնտորմոն մեկնել է Ֆլորենցիա, որտեղ անցկացրել է իր ամբողջ կյանքը։ Սովորել է Պիեռո դի Կոզիմոյի և Անդրեա դել Սարտոյի մոտ։ Պոնտորմոյի վաղ աշխատանքների վրա նկատելի է Լեոնարդո դա Վինչիի և Սարտոյի ազդեցությունը (Պոջո ա Կայանոյում Մեդիչիների վիլլայի կամարամահիկի զարդանկարը)։ Ավելի ուշ նրա ստեղծագործության վրա իր ազդեցությունն է ունեցել Դյուրերի փորագրությունների հետ ծանոթությունը։ Պոնտորմոն աստիճանաբար հեռացել է Վերածննդի ավանդույթից։

Նրա նշանավոր գործերն են՝ «Քրիստոսը Էմմաուսում» (1525, Ուֆֆիցի, Ֆլորենցիա), «Մադոննան Սուրբ Հովսեփի և Հովհաննես Մկրտիչի հետ» (Էրմիտաժ, Սանկտ Պետերբուրգ), «Մարիամի և Եղիսաբեթի հանդիպումը» (Սան-Միքելե եկեղեցի, Կարմինյանո, 1528-1530)։

«Իջեցում խաչից»

Պոնտորմոյի լավագույն աշխատանքներից մեկը «Իջեցում խաչից» ստեղծագործությունն է (1528, Ֆլորենցիա, Սանտա-Ֆելիչիտա^[en] եկեղեցի)։ Նկարում բացակայում է տարածական հարաբերությունների հստակությունը, կերպարները մոտ են առաջին պլանին։ Կոմպոզիցիայի ամուր հենարանի բացակայությունն ստեղծում է անկայունության տպավորություն, ընդգծում է զարգացող մաներիզմի առաջին գործերից մեկի դրամատիզմը և լարվածությունը։

Կերպարն արվեստում

• Նկարչի կյանքին է նվիրված «Պոնտորմո^[it]» ֆիլմը (2003, ռեժիսոր Ջովանի Ֆագո, Իտալիա), որի գլխավոր դերում հանդես է գալիս Ջո Մանտենյան։

Պատկերասրահ

• 
  «Սուրբ Հիերոնիմոս», 1525-1530, Աշխարհի թանգարան, Ստորին Սաքսոնիա, Հաննովեր
• 
  «Իջեցում խաչից», 1525-1528, Ալտարական նկար Ֆլորենցիայի Սանտա-Ֆելիչիտա եկեղեցու Կապոնիի կապելլայում
• 
  «Մադոննան նորածնի, Սուրբ Հովսեփի և Հովհաննես Մկրտիչի հետ», շուրջ 1520, Էրմիտաժ, Սանկտ Պետերբուրգ
• 
  «Մարիամի և Եղիսաբեթի հանդիպումը», Սան-Միքելե, Կարմինյանո, 1529