Որսորդության և բնության թանգարան (Փարիզ)

Որսորդության և բնության թանգարան (ֆր.՝ Musée de la chasse et de la nature), թանգարան Փարիզում, որ նվիրված է որսորդական զենքերին, խորհրդանիշերին, արվեստի՝ որսորդության հետ կապ ունեցող գործերին^[3]։ Թանգարանը ճանապարհորդական գրքույկներում հայտնի է որպես ապշեցուցիչ, տարօրինակ և անսպասելի^[4][5][6][7]։

Որսորդության և բնության թանգարան
Տեսակ	թանգարան
Երկիր	Ֆրանսիա
Տեղագրություն	Փարիզի 3-րդ շրջան
Վայր	Hôtel de Guénégaud? և Շամբոր
Հասցե	75003Rue des Archives? (62)
Հիմնադրվել է	1967[1]
Այցելուներ	53 704 մարդ (2019)[2]
Կայք	chassenature.org/index2.html

Հավաքածու

Թանգարանը պարունակում է մոտ 6.000 ցուցանմուշ՝ մեծ մասամբ զենք և նկարներ։

Հավաքածուում են գտնվում Ռուբենսի, Յան Բրեյգել Ավագի, 15-րդ դարից մինչև ժամանակակից նկարիչների գործեր։

Զենքի ցուցադրությունը սկսվում է որսորդական սառը զենքերից՝ նիզակից, որսորդական դանակներից, 16-17-րդ դարերի խաչաղեղներից։

Հրազենի ցուցադրությունը սկսվում է 16-17-րդ դարերի զինատեսակներից՝ ներկայացնելով որսորդական զենքի զարգացման բոլոր հիմնական փուլերը։

• 
  Ֆիլիպ Գեղեցիկը՝ Բուրգունդիայի դուքսը՝ ձեռքին բազե
• 
  Վարազի գլուխ
• 
  Ավարի սենյակ

Պատմություն

Սկզբնական շրջանում թանգարանը զբաղեցրել է մի մասը Գեգենո առանձնատան (ֆր.՝ Hôtel de Guénégaud), որը պատկանել է թանգարանը կառավարող Որսորդության և բնության ֆոնդին։ 1971 թվականին Ֆրանսիայի մշակույթի նախարարության որոշմամբ թանգարանի հավաքածուի նկարների մի մասը փոխադրվել է Շամբորի ամրոց, որը նախապես կառուցված է եղել որպես Ֆրանցիսկ 1-ինի որսորդական տուն։ 2002 թվականին Որսորդության և բնության ֆոնդը փեռք է բերում ևս մեկ առանձնատուն (ֆր.՝ Hôtel de Mongelas)՝ առաջինից ոչ հեռու գտնվող, իսկ 2007 թվականին այնտեղ է տեղափոխում իր ողջ հավաքածուն^[8]։

Գործնական տեղեկություն

Թանգարանը գտնվում է Փարիզի 3-րդ շրջանում. մետրոյի մոտակա կայարաններն են Hôtel de Ville, République և Rambuteau:

Թանգարանի հասցեն է՝ 62, rue des Archives, 75003 Paris:

Աշխատանքային օրեր՝ երեքշաբթիից կիրակի, ժամեր՝ 11:00 — 18:00:

Ծանոթագրություններ

1. https://www.chassenature.org/le-musee
2. Ministry of Culture of France Fréquentation des Musées de France — Ministry of Culture of France.
3. «Musée de la Chasse et de la Nature». Les Musée et ses Collections. Վերցված է 2011 թ․ օգոստոսի 31-ին.
4. Cantu, Juan and Dorothy McLeod (2010). Let's Go Paris: The Student Travel Guide. Harvard Student Agencies. էջ 77. ISBN 1-59880-709-9.(չաշխատող հղում)
5. Dorkin, Paige (2007 թ․ փետրվար). «Running with Deer and Hunting with Hounds». The Paris Times. Վերցված է 2011 թ․ օգոստոսի 31-ին.
6. «Eric Poitevin au Musée de la Chasse». Photosapiens SARL. Արխիվացված է օրիգինալից 2016 թ․ մարտի 4-ին. Վերցված է 2011 թ․ օգոստոսի 31-ին.
7. «Musée de la Chasse et de la Nature: Stuffed with fantasy». Paris Unlike. Արխիվացված է օրիգինալից 2012 թ․ մարտի 27-ին. Վերցված է 2011 թ․ օգոստոսի 31-ին.
8. «Musée de la Chasse: Hunting in Paris». Mad About Paris. Արխիվացված է օրիգինալից 2016 թ․ մարտի 24-ին. Վերցված է 2011 թ․ օգոստոսի 31-ին.

Արտաքին հղումներ

• Թանգարանի պաշտոնական կայքէջ Արխիվացված 2009-05-01 Wayback Machine

Վիքիպահեստն ունի նյութեր, որոնք վերաբերում են «Որսորդության և բնության թանգարան (Փարիզ)» հոդվածին։