From Wikipedia, the free encyclopedia
Նաբի Կեյտա (ֆր.՝ Naby Keïta, փետրվարի 10, 1995[1][2][3], Կոնակրի, Գվինեա), գվինեացի պրոֆեսիոնալ ֆուտբոլիստ։ Ներկայումս հանդես է գալիս Լիվերպուլի և Գվինեայի ազգային հավաքականի կազմում։ Խաղում է կենտրոնական կիսապաշտպանի դիրքում[4]։
![]() Կեյտան ՌԲ Լայպցիգի կազմում 2016 թվականին | |||
Անձնական տվյալներ | |||
Ամբողջական անուն | Naby Laye Keïta | ||
Քաղաքացիությունը |
![]() | ||
Ծննդյան ամսաթիվ | փետրվարի 10, 1995[1][2][3] (29 տարեկան) | ||
Ծննդավայր | Կոնակրի, Գվինեա | ||
Հասակ | 172 սմ | ||
Քաշ | 68 կգ | ||
Դիրք | կենտրոնական կիսապաշտպան | ||
Ակումբային տեղեկություններ | |||
Ներկա ակումբ |
![]() | ||
Համար | 8 | ||
Պատանեկան կարիերա | |||
2004-2012 |
![]() | ||
Մասնագիտական կարիերա* | |||
Տարի | Ակումբ | Խաղ (գոլ) | |
2013-2014 |
![]() | 23 | (4) |
2014-2016 |
![]() | 59 | (17) |
2016-2018 |
![]() | 58 | (14) |
2018-ներկա |
![]() | 26 | (2) |
Ազգային հավաքական‡ | |||
2013-ներկա |
![]() | 34 | (5) |
| |||
* Մասնագիտական կարիերայում ընդգրկված են միայն առաջնության խաղերը և գոլերը |
Կեյտան գվինեական Հորոյայի ակադեմիայի սան է[5][6][7]։ 2013 թվականին նա տեղափոխվեց Ֆրանսիայի երկրորդ դիվիզիոնում հանդես եկող Իստր[8]։ Իր պրոֆեսիոնալ դեբյուտը նշեց նոյեմբերի 22-ին՝ թիմի մեկնարկային կազմում խաղադաշտ դուրս գալով Նիմ Օլիմպիկի դեմ խաղում և այս խաղում դառնալով գոլի ու գոլային փոխանցման հեղինակ[9]։ 2014 թվականի հունվարի 31-ին Կեյտան 2 գոլային փոխանցման հեղինակ դարձավ Կրետեյի դեմ խաղում[10]։ Փետրվարի 14-ին գվինեացին խփեց Տուրի դեմ հանդիպման միակ գնդակը՝ 1-0 հաշվով հաղթանակ պարգևելով իր թիմին[11]։ Ապրիլի 7-ին Կեյտան հեռացվեց խաղադաշտից Մեցի դեմ խաղում՝ ստանալով երկրորդ դեղին քարտը հանդիպման 58-րդ րոպեին[12]։ Մայիսի 9-ին նա 2 գոլային փոխանցում տվեց Դիժոնի դեմ խաղում[13]։ Իստրի կազմում Կեյտան անցկացրեց 23 հանդիպում՝ դառնալով 4 գոլի և 9 գոլային փոխանցման հեղինակ։
2014 թվականի ամռանը Կեյտան տեղափոխվեց Ռեդ Բուլ Զալցբուրգ[14]։ Իր դեբյուտը ակումբի կազմում նշեց հուլիսի 26-ին՝ փոխարինելով Ալան Կարվալյոյին Վիներ Նոյշտադտի դեմ խաղում[15]։ Առաջին հանդիպումը եվրոպական առաջնություններում անցկացրեց հուլիսի 30-ին՝ Չեմպիոնների Լիգայի որակավորման երրորդ փուլի Ղարաբաղ Աղդամի դեմ խաղում[16][17]։ Իր առաջին գոլը Զալցբուրգի կազմում Կեյտան խփեց նոյեմբերի 27-ին՝ Եվրոպայի Լիգայի խմբային փուլի Սելտիկի դեմ խաղում[18][19]։ Ավստրիայի առաջնությունում առաջին գոլը խփեց 2015 թվականի փետրվարի 22-ին՝ Ռիդի դեմ խաղում[20]։ Ապրիլի 25-ին գվինեացին գոլի և գոլային փոխանցման հեղինակ դարձավ Ռիդի դեմ խաղում, իսկ հանդիպումն ավարտվեց 2-1 հաշվով[21]։ Հունիսի 3-ին նա մեկնարկային կազմում խաղադաշտ դուրս եկավ Ավստրիայի գավաթի Աուստրիա Վիեննայի դեմ խաղում[22]՝ օգնելով իր թիմին հաղթել 2-0 հաշվով և նվաճել գավաթը[23][24]։ Իր առաջին մրցաշրջանում Կեյտան անցկացրեց 44 հանդիպում՝ դառնալով 6 գոլի և 3 գոլային փոխանցման հեղինակ[25], իսկ Ռեդ Բուլ Զալցբուրգը հաղթեց նաև Ավստրիայի առաջնությունը[26]։
2015 թվականի հոկտեմբերի 17-ին Կեյտան գոլի և 2 գոլային փոխանցման հեղինակ դարձավ Ադմիրա Վակերի դեմ խաղում[27]։ Հոկտեմբերի 24-ին նա գոլ խփեց Ռիդի դեմ խաղում՝ օգնելով Զալցբուրգին հաղթել 2-1 հաշվով[28][29]։ Նոյեմբերի 22-ին գվինեացին գոլի և գոլային փոխանցման հեղինակ դարձավ Շտուրմ Գրացի դեմ խաղում[30]։ Դեկտեմբերի 13-ին՝ Ռապիդ Վիեննայի դեմ խաղում Կեյտան դարձավ գոլի և գոլային փոխանցման հեղինակ, իսկ հանդիպումն ավարտվեց 2-0 հաշվով[31]։ 2016 թվականի փետրվարի 28-ին գվինեացին դուբլ ձևակերպեց Աուստրիա Վիեննայի դեմ խաղում[32]։ Մարտի 3-ին Կեյտան երկարաձգեց իր պայմանագիրը ակումբի հետ մինչև 2021 թվականը[33]։ Մայիսի 19-ին նա գոլ խփեց Ավստրիայի գավաթի Ադմիրա Վակերի դեմ խաղում[34]՝ օգնելով իր թիմին հաղթել 5-0 հաշվով և նվաճել գավաթը[35][36]։ 2015-16 մրցաշրջանում Ռեդ Բուլ Զալցբուրգը երկրորդ տարին անընդմեջ հաղթեց Ավստրիայի առաջնությունը[37][38], իսկ Կեյտան ճանաչվեց առաջնության տարվա լավագույն ֆուտբոլիստ[39][40]։ Ակումբի կազմում նա անցկացրեց 81 հանդիպում՝ դառնալով 20 գոլի և 11 գոլային փոխանցման հեղինակ։
2016 թվականի հունիսի 20-ին Կեյտան միացավ Ռեդ Բուլ Զալցբուրգի քույր-ակումբ ՌԲ Լայպցիգին[41][42]։ Իր դեբյուտը նշեց օգոստոսի 20-ին՝ թիմի մեկնարկային կազմում խաղադաշտ դուրս գալով Գերմանիայի գավաթի Դինամո Դրեզդենի դեմ խաղում[43]։ Առաջին հանդիպումը Բունդեսլիգայում անցկացրեց սեպտեմբերի 10-ին՝ փոխարինման մտնելով Բորուսիա Դորտմունդի դեմ խաղում և գոլի հեղինակ դառնալով այս հանդիպման 89-րդ րոպեին[44][45]։ Հոկտեմբերի 23-ին Կեյտան դուբլ ձևակերպեց Վերդեր Բրեմենի դեմ խաղում[46]։ 2017 թվականի հունվարի 28-ին՝ Հոֆենհայմի դեմ խաղում գվինեացին դարձավ 2 գոլային փոխանցման հեղինակ՝ օգնելով իր թիմին հաղթել 2-1 հաշվով[47]։ Փետրվարի 25-ին Կեյտան 2 գոլային փոխանցում տվեց Քյոլնի դեմ խաղում[48]։ Ապրիլի 1-ին նա դուբլ ձևակերպեց Դարմշտադտի դեմ խաղում[49]։ Իր առաջին մրցաշրջանում Կեյտան դարձավ 8 գոլի և 8 գոլային փոխանցման հեղինակ անցկացրած 32 հանդիպումներում[50] և ընդգրկվելով Բունդեսլիգայի խորհրդանշական հավաքականում[51], իսկ Լայպցիգը զբաղեցրեց 2-րդ հորիզոնականը առաջնությունում[52][53]։
2017 թվականի սեպտեմբերի 16-ին Կեյտան գոլային փոխանցում տվեց Ժան-Քևին Օգյուստենին Բորուսիա Մյոնխենգլադբախի դեմ խաղում, ապա հեռացվեց խաղադաշտից հանդիպման 83-րդ րոպեին[54]։ Հոկտեմբերի 25-ին նա երկու դեղին քարտ ստացավ Գերմանիայի գավաթի Բավարիա Մյունխենի դեմ խաղում՝ հեռացվելով խաղադաշտից 54-րդ րոպեին[55]։ Իր առաջին գոլը Չեմպիոնների Լիգայում Կեյտան խփեց նոյեմբերի 21-ին՝ խմբային փուլի Մոնակոյի դեմ խաղում[56][57]։ 2018 թվականի մարտի 18-ին գվինեացին գոլի և գոլային փոխանցման հեղինակ դարձավ Բավարիայի դեմ խաղում՝ օգնելով իր թիմին հաղթել 2-1 հաշվով[58][59]։ 2017-18 մրցաշրջանում նա ընդգրկվեց Եվրոպայի Լիգայի խորհրդանշական հավաքականում[60][61]։ ՌԲ Լայպցիգի կազմում Կեյտան անցկացրեց 71 հանդիպում՝ դառնալով 17 գոլի և 15 գոլային փոխանցման հեղինակ[62]։
2017 թվականի օգոստոսի 28-ին Լիվերպուլը պաշտոնապես հայտարարեց Կեյտայի տրանսֆերը 48 միլիոն ֆունտ ստերլինգի դիմաց գնելու մասին[63][64]։ 2017-18 մրցաշրջանից հետո ՌԲ Լայպցիգը ստացավ ևս 12 միլիոն եվրո գվինեացու տրանսֆերի համար[65][66]։ Կեյտան միացավ Լիվերպուլին 2018 թվականի հուլիսի 1-ին[67]` ստանալով 8 համարի մարզաշապիկը[68][69]։ Իր դեբյուտը Պրեմիեր Լիգայում նշեց օգոստոսի 12-ին՝ թիմի մեկնարկային կազմում խաղադաշտ դուրս գալով Վեստ Հեմ Յունայթեդի դեմ խաղում[70][71]։ Իր առաջին գոլը խփեց 2019 թվականի ապրիլի 5-ին՝ Սաութհեմպտոնի դեմ խաղում[72][73]։ Ապրիլի 9-ին Կեյտան գոլ խփեց Չեմպիոնների Լիգայի քառորդ եզրափակչի Պորտուի դեմ խաղում՝ օգնելով իր թիմին հաղթել 2-0 հաշվով[74][75]։ Ապրիլի 26-ին գվինեացին գոլի հեղինակ դարձավ Հադերսֆիլդ Թաունի դեմ հանդիպման 15-րդ վայրկյանին[76]՝ խփելով Լիվերպուլի պատմության ամենաարագ գոլը Պրեմիեր Լիգայում[77][78]։ 2018-19 մրցաշրջանում Կեյտան անցկացրեց 33 հանդիպում՝ դառնալով 3 գոլի և 1 գոլային փոխանցման հեղինակ[79], իսկ Լիվերպուլը հաղթեց Չեմպիոնների Լիգան[80][81]։
2019 թվականի օգոստոսի 4-ին Կեյտան փոխարինեց Ֆաբինյոյին Անգլիայի սուպերգավաթի Մանչեսթեր Սիթիի դեմ խաղում[82], սակայն Լիվերպուլը պարտվեց հետխաղյա 11-մետրանոցների հարվածաշարում[83][84]։ Օգոստոսի 13-ին նա ստացավ մկանային վնասվածք մարզման ժամանակ՝ բաց թողելով ավելի քան 1 ամիս[85][86][87]։
Գվինեայի ազգային հավաքականում իր դեբյուտը Կեյտան նշեց 2013 թվականի հուլիսի 28-ին՝ փոխարինման մտնելով Մալիի դեմ խաղում[88][89]։ 2015 թվականի ձմռանը նա մասնակցեց Աֆրիկայի ազգերի գավաթին[90], որտեղ Գվինեան հասավ քառորդ եզրափակիչ՝ 3-0 հաշվով պարտվելով Գանային[91][92]։ Իր առաջին գոլը հավաքականի կազմում խփեց նոյեմբերի 12-ին՝ Նամիբիայի դեմ խաղում[93]։ Նոյեմբերի 15-ին Կեյտան գոլի և գոլային փոխանցման հեղինակ դարձավ Նամիբիայի դեմ պատասխան խաղում[94]։ Իր առաջին հանդիպումը Գվինեայի ավագի թևկապով անցկացրեց 2017 թվականի հոկտեմբերի 7-ին՝ Թունիսի դեմ խաղում՝ այս խաղում դառնալով գոլի հեղինակ, ապա հեռացվելով խաղադաշտից հանդիպման 90-րդ րոպեին[95]։
2019 թվականի հունիսի 12-ին Դիավարան ընդգրկվեց Աֆրիկայի ազգերի գավաթի համար վերջնական կազմում[96][97]՝ անցկացնելով 2 հանդիպում, իսկ Գվինեան դուրս մնաց գավաթի 1/8 եզրափակչից՝ 3-0 հաշվով պարտվելով Ալժիրին[98][99]։
2019 թվականի հոկտեմբերի 21-ի դրությամբ[100]
Ակուբ | Մրցաշրջան | Առաջնություն | Գավաթ | Եվրոպա | Այլ | Ընդհանուր | ||||||
---|---|---|---|---|---|---|---|---|---|---|---|---|
Դիվիզիոն | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | ||
Իստր | 2013–14 | Լիգա 2 | 23 | 4 | 0 | 0 | — | 23 | 4 | |||
Ռեդ Բուլ Զալցբուրգ | 2014–15 | Ավստրիայի Բունդեսլիգա | 30 | 5 | 4 | 0 | 10 | 1 | — | 44 | 6 | |
2015–16 | 29 | 12 | 5 | 2 | 3 | 0 | 37 | 14 | ||||
Ընդհանուր | 59 | 17 | 9 | 2 | 13 | 1 | 0 | 0 | 81 | 20 | ||
ՌԲ Լայպցիգ | 2016–17 | Գերմանիայի Բունդեսլիգա | 31 | 8 | 1 | 0 | — | — | 32 | 8 | ||
2017–18 | 27 | 6 | 2 | 1 | 10 | 2 | 39 | 9 | ||||
Ընդհանուր | 58 | 14 | 3 | 1 | 10 | 2 | 0 | 0 | 71 | 17 | ||
Լիվերպուլ | 2018–19 | Պրեմիեր Լիգա | 25 | 2 | 1 | 0 | 6 | 1 | 1 | 0 | 33 | 3 |
2019–20 | 1 | 0 | 0 | 0 | 1 | 0 | 2 | 0 | 4 | 0 | ||
Ընդհանուր | 26 | 2 | 1 | 0 | 7 | 1 | 3 | 0 | 37 | 3 | ||
Կարիերայի ընդհանուր | 166 | 37 | 13 | 3 | 30 | 4 | 3 | 0 | 212 | 44 |
2019 թվականի հոկտեմբերի 21-ի դրությամբ[101]
Գվինեա | ||
---|---|---|
Տարի | Խաղեր | Գոլեր |
2013 | 1 | 0 |
2014 | 7 | 0 |
2015 | 11 | 2 |
2016 | 4 | 0 |
2017 | 5 | 3 |
2018 | 4 | 0 |
2019 | 2 | 0 |
Ընդհանուր | 34 | 5 |
# | Ամսաթիվ | Մարզադաշտ | Մրցակից | Հաշիվ | Արդյունք | Մրցաշար |
---|---|---|---|---|---|---|
1. | Նոյեմբերի 12, 2015 | Սեմ Նույոմ մարզադաշտ, Վինդհուկ, Նամիբիա | ![]() |
1–0 | 1–0 | ԱԱ 2018 Որակավորում |
2. | Նոյեմբերի 15, 2015 | Մոհամեդ V մարզադաշտ, Կասաբլանկա, Մարոկկո | ![]() |
2–0 | 2–0 | |
3. | Հունիսի 10, 2017 | Բուակե մարզադաշտ, Բուակե, Կոտ դ'Իվուար | ![]() |
3–2 | 3–2 | Աֆրիկայի գավաթ 2019 Որակավորում |
4. | Օգոստոսի 31, 2017 | Սեպտեմբերի 28 մարզադաշտ, Կոնակրի, Գվինեա | ![]() |
1–0 | 3–2 | ԱԱ 2018 Որակավորում |
5. | Հոկտեմբերի 7, 2017 | Սեպտեմբերի 28 մարզադաշտ, Կոնակրի, Գվինեա | ![]() |
1–0 | 1–4 |
Ռեդ Բուլ Զալցբուրգ
Լիվերպուլ
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.