«Մահվան» պարտիա կամ «արմագեդոն», շախմատում` նոկաուտ համակարգով անցկացվող մրցաշարերում վճռորոշ պարտիա կայծակնային շախմատի կանոններով։ Խաղացվում է ոչ սովորական կանոններով. ամբողջ պարտիայի համար սպիտակներին տրվում է 5 րոպե, իսկ սևերին` 4, սակայն սպիտակներին ձեռնտու է միայն հաղթանակը, քանի որ ոչ-ոքի արդյունքի դեպքում հաղթող կողմ են ճանաչվում սևերը։
Անվան այլ կիրառումների համար տե՛ս՝ Արմագեդոն (այլ կիրառումներ)
«Մահվան» պարտիա
| Ենթակատեգորիա | ակնթարթային մահվան կանոն, արագ շախմատ  | |
|---|---|---|
| Մասն է | շախմատային տերմինաբանություն | |
| Մարզաձև | շախմատ | |
| Կոչվել է ի պատիվ | Արմագեդոն | |
«Արմագեդոն» բառը շախմատային բառապաշարում հայտնվել է համեմատաբար վերջերս՝ 1990-ական թվականների վերջին։ Նորամուծության անհրաժեշտությունը ծագեց այն ժամանակ, երբ նոկաուտ համակարգով մրցաշարերում անհրաժեշտ էր ելք գտնել մրցախաղերում կայծակնային պարտիաների հավասար ելքով ավարտվող անվերջանալի շարքից։ Հաղթողին որոշելու համար երբեմն անհրաժեշտություն էր լինում մեկ օրվա ընթացքում անցկացնել 10 և ավելի պարտիա։ Այդժամ ծնվեց վճռորոշ պարտիա անցկացնելու գաղափարը, որը ստացավ «մահվան» պարտիա կամ «արմագեդոն» անունը։ Այդպես կոչվեց այն վայրի անունով, որտեղ, ըստ Նոր կտակարանի Հայտնության գրքի, պետք է տեղի ունենա պատերազմ չարի և բարու միջև՝ խորհրդանշելով աշխարհի վերջը։
Ժամանակին այս նորամուծությունը միարժեքորեն չընդունվեց. ոմանք ողջունում էին այն, ոմանք՝ անողոքաբար քննադատում՝ մեղադրելով ոչ օբյեկտիվ լինելու մեջ[1]։ Այսօր հիմնականում կիրառվում է Աշխարհի գավաթի մրցախաղերում, ինչպես նաև նոկաուտ համակարգով անցկացվող որոշ այլ մրցաշարերում։
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
