Կարեն Խուրշուդյան

Կարեն Հրաչիկի Խուրշուդյան (մայիսի 4, 1979(1979-05-04), Վաղարշապատ, Հայկական ԽՍՀ, ԽՍՀՄ), հայ բանաստեղծ, թարգմանիչ, իրավաբան, գրական և հասարակական գործիչ, 2021 թվականից Հայաստանի գրողների միության անդամ^[1], 2023 թվականից Հայաստանի գրողների միության վարչության անդամ։ Գրել է բանաստեղծություններ, պոեմներ, քառյակներ, պատմվածքներ, քննադատական ու հրապարակախոսական հոդվածներ, կատարել է թարգմանություններ^[2][3]։

Վիքիպեդիայում կան հոդվածներ Խուրշուդյան ազգանունով այլ մարդկանց մասին։

Կարեն Հրաչիկի Խուրշուդյան
Ծնվել է	4 մայիսի 1979
Ծննդավայր	Վաղարշապատ, Հայկական ԽՍՀ, ԽՍՀՄ
Մասնագիտություն	բանաստեղծ, իրավաբան, գրական և հասարակական գործիչ
Ազգություն	հայ
Քաղաքացիություն	Հայաստան  Ֆրանսիա
Կրթություն	Արմավիրի համալսարան, Հյուսիսային համալսարան, ՀՀ ԳԱԱ
Անդամակցություն	ՀԳՄ
Ամուսին	Աստղիկ Արզումանյան
Զավակներ	Առնո Խուրշուդյան Միհրան Խուրշուդյան

Կենսագրություն

Կարեն Խուրշուդյանը ծնվել է 1979 թվականի մայիսի 4-ին Վաղարշապատ քաղաքում։ Հայրը՝ Հրաչիկ Ռազմիկի Խուրշուդյանը, մահացել է ավտովթարից։ Մայրը՝ Գայանե Մելքոնի Մելքոնյանը(հետագայում` Խուրշուդյան), եղել է ասմունքող, լեհական պարբերականը հրապարակել է նրան նվիրված հոդված («PRZYJAŹŃ» ILUSTROWANY MAGAZYN պատկերազարդ ամսագիր, հունվարի 11, 1976, N2 (1405)։ Պապը՝ Ռազմիկ Սարգսի Խուրշուդյանը, եղել է Հունան Ավետիսյանի զինակիցը, հայտնի բացառիկ արիությամբ՝ «Հուշեր Մեծ Հայրենականից» գրքում (գլուխ «Թամանցու օրագրից», էջ 98-104)^[4]։ Տատիկը՝ Լիանը (Զարուհի Մուրադյան), Անդրանիկ Օզանյանի զինակից^[փա՞ստ], մսավաճառ Զոխեցի Խաչոյի դուստրն էր, հայտնի էր քուֆթայի պատրաստման իր վարպետությամբ և առատաձեռնությամբ^[փա՞ստ]։

2005 թվականից բնակվում է Ֆրանսիայի Մարսել քաղաքում^[փա՞ստ]։

Ամուսնացած է, ունի երկու որդի^[փա՞ստ]։

Կրթություն

1985-1996 թվականներին սովորել է Վաղարշապատի Անաստաս Միկոյանի անվան թիվ 1 միջնակարգ դպրոցում։ 2021 թվականին ճանաչվել է դպրոցի պատվավոր սան։ 2022 թվականին Վաղարշապատի Մ. Մաշտոցի անվան թիվ 1 հիմնական դպրոցի գրադարանն անվանակոչվել է բանաստեղծ Կարեն Խուրշուդյանի անունով («Վաղարշապատի Մ. Մաշտոցի անվան թիվ 1 հիմնական դպրոց» ՊՈԱԿ-ի կառավարման խորհրդի 2022 թվականի օգոստոսի 31-ի համար 1 նիստի 8-րդ կետի որոշում, տնօրեն՝ Լ․ Պետրոսյան)։

Վաղարշապատի Մ. Մաշտոցի անվան թիվ 1 հիմնական դպրոց ՊՈԱԿ-ի գրադարան

1996-2001 թվականներին ուսանել է Արմավիր համալսարանի իրավաբանական ֆակուլտետում՝«Իրավագիտություն» մասնագիտությամբ (տրված է Դիպլոմ (գերազանցության) 2001 թվականի հունիսի 6-ին, գրանցման համարը՝ N000209):

2001-2004 թվականներին ուսանել է Երևանի Հյուսիսային համալսարանի իրավաբանական ֆակուլտետում՝ «Իրավագիտություն» մասնագիտությամբ (տրված է Դիպլոմ (գերազանցության) 2004 թվականի հունիսի 18-ին, գրանցման համար՝ 23274, ռեկտոր՝ Բ․ Մակիչյան)։

2004-2005 թվականներին՝ Հայաստանի գիտությունների ակադեմիայի փիլիսոփայության, սոցիոլոգիայի և իրավունքի ինստիտուտի ասպիրանտ-հայցորդ՝ Ռոբերտ Զավենի Ավագյանի ղեկավարությամբ (տրված է տեղեկանք #2475-38, ՀՀ ԳԱԱ փիլիսոփայության, սոցիոլոգիայի և իրավունքի ինստիտուտի տնօրեն Գ․Ա․Պողոսյանի կողմից):

2024 թվականի սեպտեմբերից ՀՀ ԳԱԱ Մ․ Աբեղյանի անվան գրականության ինստիտուտի հայցորդ է՝ «Նորագույն շրջանի հայ գրականություն» մասնագիտությամբ (Ժ․01․02), գիտական ղեկավարն է բ․գ․թ, պրոֆեսոր Սուրեն Աբրահամյանը (ՀՀ ԳԱԱ Մ․ Աբեղյանի անվան գրականության ինստիտուտի հրաման N 113, 04․09․2024, տնօրեն՝ Հ․ Որսկանյան):

Արվեստ

1985-2001 թվականներին Կարեն Խուրշուդյանը հաճախել է պարի դասընթացների՝ տարբեր պարուսույցների խմբերում (Մարգարիտա Գուրգենի խումբ (1985-1987), Ժաննա Խաչատրյանի խումբ (1987-1993), Իրինա Սարուխանյանի խումբ (մինչև 2001 թվական)։ Եղել է պարող, բազմաթիվ ազգային ու միջազգային մրցույթների դափնեկիր, պարուսույց։ Մասնակցել է բազմաթիվ պարահանդեսային պարերի մրցույթների և հանդես եկել «Զվարթնոց» պարահանդեսային պարերի անսամբլի կազմում Հայաստանի և արտերկրի բեմերում^[փա՞ստ]։

Աշխատանքային գործունեություն

2001-2005 թվականներին ղեկավարել է «Զվարթնոց» պարահանդեսային պարերի անսամբլը^[փա՞ստ]։

2001-2005 թվականներին աշխատել է որպես պարուսույց Պուշկինի անվան դպրոցում^[փա՞ստ]։

2001-2005 թվականներին եղել է պարուսույց Արտասահմանյան երկրների հետ մշակութային կապերի հայկական ընկերությունում (ԱՕԿՍ)^[փա՞ստ]։

2008-2011 թվականներին եղել է Մարսելում հայկական կազմակերպությունների համակարգող խորհուրդի վարչական քարտուղար^[փա՞ստ]։

2009 թվական, Շատո Գոմբերտի զբաղվածության կենտրոնում վարչական պատասխանատու^[փա՞ստ]։

2011-2014 թվականներ, Մարսելի բժշկական կլինիկայում բժշկական քարտուղար և թարգմանիչ^[փա՞ստ]։

2015-2016 թվականներ, Մարսելում Հայաստանի գլխավոր հյուպատոսի օգնական^[փա՞ստ]։

2015 թվականից Բուշ Դյու Ռոն դեպարտամենտում պետծառայող՝ վարչական օգնական^[փա՞ստ]։

Հասարակական գործունեություն

2005 թվականից՝ Մարսելի Խաչատուր Աբովյան Վարժարանի^[5] ակտիվ անդամ, իսկ 2016 թվականից՝ նախագահ (պետական նույնացման համակարգում վարժարանի համարը՝ 500 745 112 000 10, Վարժարանի հռչակագրի պետական անդորրագիրի համարը N133013983)։ Նրա նախագահության օրոք Վարժարանն արձանագրել է գրանցումների նշանակալի զարգացում` 12 աշակերտից հասնելով 200 աշակերտի, որոնց ուսուցանել են 14-ից ավելի ուսուցիչներ, տնօրենների խորհրդի տարբեր տարքային 10 անդամ^[փա՞ստ]։ Ասոցիացիան, բացի հայոց լեզվից կազմակերպել է նաև մշակութային տարբեր դասընթացներ և նորեկների համար ֆրանսերենի ուսուցման դասեր։ Կարեն Խուրշուդյանն ավարտել է նախագահի պաշտոնում իր առաջին մանդատը նշանակալի ապոթեոզով՝ Ֆարոյի պալատում ֆրանսահայ նշանակալի բարերարների հետ միասին բարեգործական գալա, որի մասին զեկուցեցին և հրապարակեցին ֆրանսիական ազգային մամուլի կարևորագույն խմբագրականներ, մասնակցել են Էջմիածնի քաղաքապետ Դիանա Գասպարյանը, Ադրիանա Կարեմբոն և Մարտին Վասալը^[6][7][8]։

Խաչատուր Աբովյան Վարժարան 2019

Խաչատուր Աբովյան Վարժարան 2021

2005 թվականի սեպտեմբերից Ֆրանսիայի Հայ Սկաուտ HSF ասոցիացիայի ակտիվ անդամ է(պետական նույնացման համակարգում ասոցիացիայի համարը՝ 430 047 704 000 19, Ասոցիացիայի հռչակագրի պետական անդորրագիրի համարը W133001625)^[փա՞ստ]։

2005- 2011 թվականներին եղել է JAF-ի Ֆրանսիայի հայ երիտասարդների ասոցիացիայի անդամ, պարուսույց (պետական նույնացման համակարգում ասոցիացիայի համարը՝ 431 907 369 000 18)^[փա՞ստ]: «Արարատ մոն ամուր» ներկայացման համար վերաբեմադրել է Վանուշ Խանամիրյանի «Փարաջանովի կոլաժներ» խորագրով գեղարվեստական մասը^[փա՞ստ]։

2007 թվականից՝ որպես հայկական կազմակերպությունների համակարգող խորհրդի քարտուղար, այնուհետև մեծ խորհրդի անդամ։ CCAF-SUD^[9] հանդիսանում է Ֆրանսիայի հարավում հայկական համայնքի ներկայացուցչական մարմինը՝ «Հայկական կազմակերպությունները համակարգող խորհուրդը» (պետական նույնացման համակարգում ասոցիացիայի համարը՝ 501 192 611 000 17, ասոցիացիայի հռչակագրի պետական անդորրագիրի համարը W133000605)։

2019 թվականին ընտրվել է համանախագահ^[10],

2019 թ-ին ընտրվեց CCAF SUD Հայկական Կազմակերպությունները Համակարգող Խորհրդի համանախագահ

2020 թվականին ընտրվել է փոխնախագահ^[11][12]։

2020 թվականի սեպտեմբերի 27-ին սկսված պատերազմի առաջին օրից Կարեն Խուրշուդյանը ֆեսբուքյան էջով հրապարակել է «Հրատապ օգնություն Հայաստանին» ծրագիրը, որի արդյունքում համակարգվել և Հայաստան է ուղարկվել տասնյակ տոննա քաշով հումանիտար օգնություն^[13][14][15]։

2020 թվական, Հայ ազգային ասոցիացիայի (ՀԱԱ) հիմնադիր անդամ։ ՀԱԱ (ANA)^[16] Արցախյան 44-օրյա պատերազմի օրերին ստեղծված կազմակերպություն է՝ կոչված ներկայացնելու նոր ճանապարհ սփյուռքի միավորման համար։

2021 թվականի մայիսի 30-ին տեղի ունեցած «Եվրոպայի հայերի միության» խորհրդի առցանց ժողովին ընտրվել է հոգաբարձության խորհրդի անդամ^[փա՞ստ]։

2021 թվականի ապրիլի 6-ին Խաչատուր Աբովյանի անվան հայկական պետական մանկավարժական համալսարանի և Մարսելի Խաչատուր Աբովյանի անվան հայկական վարժարանի միջև կնքել է հուշագիր^[17]։

2021 թվականի ապրիլի 8-ին Երևանի մշակույթի և արվեստի պետական քոլեջի(ԵՄԱՊՔ) և Մարսելի Խաչատուր Աբովյանի անվան հայկական վարժարանի միջև կնքվել է ակադեմիական, մշակութայի, կրթական աջակցությանն, ինչպես նաև ուսումնամեթոդական  և նյութատեխնիկական բազայի երկկողմ ամրապնդման, դասախոսկան  անձնակազմին  հրավիրելու համատեղ գիտահետզոտական, փորձի փոխանակման, կրթական ծրագրերի  մշակման կատարելագործման և ուսանողների պրակտիկայի կազմակերպման ուղղություններով համագործակցության հուշագիր^[18]։

2023 թվականին Խաչատուր Աբովյանի տուն–թանգարանը (տնօրեն՝ Սյուզաննա Խոջամիրյան) եւ Ֆրանսիայի Մարսել քաղաքի «Խաչատուր Աբովյան» վարժարանը (նախագահ՝ Կարեն Խուրշուդյան) կնքել են համագործակցության հուշագիր^[19]:

Գրական ուղի

Կարեն Խուրշուդյանը մի քանի գրքի հեղինակ է, նրա ստեղծագործությունները թարգմանվել են անգլերեն, ֆրանսերեն, իսպաներեն, գերմաներեն, ռուսերեն, պարսկերեն, արդի հինդի (հայտնի նաև որպես մանակ) ^[20]։

Գրքեր

• «Աստծո Ոստան»^[21], Երեւան, Արմավ հրատարակչություն, 2020, 99 էջ։
• «Սահարայի մենավորը», Երեւան, Արմավ հրատարակչություն, 2021, 202 էջ^[22]։
• «Աշխարհն իմ շուրթերին»^[23], Երեւան, Արմավ հրատարակչություն, 2022, 299 էջ։ Ժողովածուն ներառում է տարբեր տարիների գրած բանաստեղծությունները, որոնք թարգմանվել են ֆրանսերեն, անգլերեն, իսպաներեն, գերմաներեն, ռուսերեն, պարսկերեն և հինդի լեզուներով։ Թարգմանությունների հայերեն բնագրերը տրվում են գրքի սկզբնամասում։
• «Լռության ձայնը», բանաստեղծությունների ժողովածու, Երեւան, Արմավ հրատարակչություն, 2024, 215 էջ։

Թարգմանություններ

Այս հեղինակի կատարած թարգմանությունների ցանկը կարող եք որոնել «Թարգմանչաց արվեստ» շտեմարանի «Թարգմանիչներ» բաժնում

Կարեն Խուրշուդյանը կատարել է գեղարվեստական թարգմանություններ։ Բնագրային թարգմանությամբ լույս են տեսել հետևյալ գրքերը․

• 2023 թվական, Պոլ Էլյուար «Ցավի մայրաքաղաք, որին հաջորդում Է սեր պոեզիա»(բնագրից), «Արմավ» հրատարակչություն, Երևան, 2023, 235 էջ։
• 2023 թվական, Բորիս Վիան (Վերնոն Սյուլիվան) «Բոլոր մեռյալների մաշկը նույնն է»(բնագրից), «Արմավ» հրատարակչություն, Երևան, 2023, 171 էջ։

Համահեղինակային ժողովածուներ

• 2021 թվական, «ՄԵՆՔ ԵՎ ԱՇԽԱՐՀԸ» մատենաշարի «Ֆրանսիայի մագնիսական ուժը», բանաստեղծություններ, էջ 111-115։
• 2022 թվական, Արդի հայ պոեզիա, «ՍՐՏԱԳԻՐ» անթոլոգիա, ՀԳՄ, «Արմավ» հրատարակչություն, էջ 206-207։
• 2023 թվական, «ՄԵՆՔ ԵՎ ԱՇԽԱՐՀԸ» մատենաշարի «Ամերիկան հեռու և մոտ» ժողովածու, ՀԳՄ, բանաստեղծություններ, էջ 88-89։
• 2024 թվական, Արդի հայ պոեզիա, «Պոեզիա» անթոլոգիա, ՀԳՄ, «Ծիծեռնակ» հրատարակչություն, էջ 151 -152։
• 2024 թվական, «Գրականությունը միասնականության կամուրջ» ժամանակակից գրականության մատենաշար հայերեն լեզվով, Հայաստանի Մշակույթի Գործիչների Միություն, էջ 136-140։

Սկավառակագրություն

Տարի	Վերնագիր	Բառերի հեղինակ	Երաժշտության հեղինակ	Կատարող
2020	Ապրելու ենք[24]	Կարեն Խուրշուդյան,Մարինե Գյուլումյան	Մարինե Գյուլումյան	Հակոբ Ղասաբյան, Կառոլին Յորգանցյան, Մադլեն Սինգեր/Տաբանու, Էրմոնիա, Անգինե Ռաստքելենյան, Լիլիան
2021	Մայրիկ[25]	Կարեն Խուրշուդյան	Մարինե Գյուլումյան	Վարդուհի Աբրահամյան
2021	Իմ քաղաք[26][27]	Կարեն Խուրշուդյան	Միլենա Մութաֆյան	Միլենա Մութաֆյան
2021	Արի	Կարեն Խուրշուդյան	Մարինե Գյուլումյան	Քրիստինե Պեպելյանը
2022	Հերոս մայրեր[28]	Կարեն Խուրշուդյան	Մարինե Գյուլումյան	Սոնա Շահգելդյան
2022	Օրերը	Կարեն Խուրշուդյան	Միլենա Մութաֆյան	Միլենա Մութաֆյան
2023	Սիրուն խոսքեր	Կարեն Խուրշուդյան	Միլենա Մութաֆյան	Միլենա Մութաֆյան
2023	Բալլադ - Ձոն հայրենիքիս[29]	Կարեն Խուրշուդյան	Արամ Խաչատրյան	Ադամ Բարո

Պարգևներ

• 2022 թվական, Երևանի Շառլ Ազնավուրի անվան մշակույթի և արվեստի պետական քոլեջը պարգևատրել է Կարեն Խուրշուդյանին քոլեջի առաջին Ոսկե մեդալով, հայ ազգային մշակույթը և կրթությունը հանրահռչակելու, հասարակական և այլ ոլորտներում ներդրած ավանդի ու մատուցած ծառայության համար՝ ի նպաստ Հայաստանի Հանրապետության ^[30]։

• 2023 թվական, Հայ առաքելական եկեղեցու և Հայաստանի գրողների միության հետ համատեղ իրականացվող «Կանթեղ» թարգմանական մրցանակաբաշխության դափնեկիր^[31]։

Տես նաև

• Հայաստանի գրողների միության անդամների ցանկ

Արտաքին հղումներ

• Exclusif - Karen Khurshudyan, président de l'école Abovian, Diana Gasparyan, maire de Echmiadzine, à la soirée caritative organisée au Palais du Pharo, au profi
• PHOTOS. Trop mignonne ! Adriana Karembeu pose avec sa fille Nina et son mari lors d'une soirée
• Adriana Karembeu maman : sa fille Nina a bien grandi !
• Կարեն Խուրշուդյան^[32]Կոմիտասի արձանի պղծումը ծայրահեղական «Գորշ գայլեր»-ի քաղաքականությունն է. Կարեն Խուրշուդյան Արխիվացված 2020-11-01 Wayback Machine
• Եվրոպայից 3 ինքնաթիռ, 2 բեռնատար, 1 կոնտեյներ ապրանք է ուղարկվել Հայաստան․ Կարեն Խուրշուդյան
• Եվրոպայից 3 ինքնաթիռ, 2 բեռնատար, 1 կոնտեյներ ապրանք է ուղարկվել Հայաստան․ Կարեն Խուրշուդյան. ՏԵՍԱՆՅՈՒԹ
• Կ․ Խուրշուդյանի նախագահած վարժարանի պաշտոնական էջը
• Կ․ Խուրշուդյանի Ինստագրամի պաշտոնական էջ
• Message de Karen Khurshudyan
• CCAF-SUD^[9]
• CCAF Sud : deux co-présidents élus Ani Stepanow et Karen Khurshudyan
• Սփյուռքը հարկավոր է պահել աչքի լույսի պես. Կարեն Խուրշուդյան
• https://www.iravunk.com/?p=194193&l=am, Կրակել են Մարսելի «Սուրբ Սահակ եւ Սուրբ Մեսրոպ» մշակույթի կենտրոնի վրա
• Մարսելի Խաչատուր Աբովյան վարժարանի 200 աշակերտները ՀԻՇՈՒՄ են եւ ՊԱՀԱՆՋՈՒՄ (տեսանյութ)
• «Ո՞վ հիմնավորեց այն միտքը, որ մշակույթի նախարարություն պետք չէ»
• «Առանց Սփյուռքի նախարարաության չեմ կարծում, որ կկարողանան ավելի օպտիմալ հայրենադարձություն կազմակերպել»
• Գարո Փայլանն ուզում է վերջ տալ հայերի եւ քրդերի միջեւ եղած 103-ամյա ատելությանը
• Մարսելի հայ փոքրիկները կժամանեն Հայաստան
• Կ․ խուրշուդյան, «Ինչից խռով եք, ինձ էլ է տանջում, բայց Արարատից խռով չմնաք»
• Կկայանա մարսելաբնակ Կարեն Խուրշուդյանի անդրանիկ գրքի շնորհանդեսը
• Հուշագիր՝ ՀՊՄՀ-ի և Մարսելի «Խաչատուր Աբովյան» վարժարանի միջև
• Հուշագիր` ՀՊՄՀ-ի և Մարսելի «Խաչատուր Աբովյան» վարժարանի միջև
• Ընթերցողներին ներկայացվեց բանաստեղծ Կարեն Խուրշուդյանի «Աստծո ոստան» գիրքը
• Կարեն Խուրշուդյանը գրել է իր առաջին գիրքը. Ինչի՞ մասին է «Աստծո ոստանը»
• Տեղի ունեցավ Կարեն Խուրշուդյանի «Աստծո ոստան» գրքի շնորհանդեսը
• БЫЛО БЫ ВЕРНО ВОВЛЕЧЬ ДИАСПОРУ В ЖИЗНЬ АРМЕНИИ
• ՃԻՇՏ ԿԼԻՆԵՐ ՍՓՅՈՒՌՔԸ ՆԵՐԱՌԵԼ ՀԱՅԱՍՏԱՆԻ ԿՅԱՆՔԻ ՄԵՋ
• Ավելի լավ օրինակներ, քան Ռուսաստանն է «եղբայրաբար» իրականացրել վերջին 100 տարիների ընթացքում, մենք չենք կարող գտնել Արխիվացված 2021-06-04 Wayback Machine
• Գրքի շնորհանդես
• Լուրեր Հ1^[33]
• Ֆրանսահայ գրողի երկխոսությունն աշխարհի հետ^[34]
• Հարցազրույց «Ազգ և Եկեղեցի» հաղորդաշարին, Հայր Կոմիտաս Վարդապետ Հովնանյանի հետ
• РУСАРМИНФО -ի հետ հարցազրույց
• Թարգմանչաց տոնին հայտնի դարձան «Կանթեղ» մրցանակաբաշխության դափնեկիրները

Ծանոթագրություններ

1. Սփյուռքահայ գրողների ցանկ, ՀԳՄ կայքէջ
2. https://courrier.am/fr/les-surrealistes-paul-eluard-et-boris-vian-traduits-en-armenien, Կարեն խուրշուդյանի թարգմանությամբ լույս տեսած գրքերի մասին Le Courrier d’Erevan կայքում
3. https://armhanq.com/27938/, Ներկայացվել են Կարեն Խուրշուդյանի թարգմանած Պոլ Էլյուարի և Բորիս Վիանի գրքերը
4. (ՀԱՅԿ. ՍՍՀ «Գիտելիք» Ընկերություն, ԴՈՍԱԱՖ-Ի Հանրապետական կոմիտե, Երևան 1968, խմբագիր Աշոտ Հարությունյան
5. Խաչատրուր Աբովյան Վարժարան
6. https://iravunk.com/sim/?p=98670&l=am, Ֆարոյի պալատը միավորեց հայ մշակույթն ու ֆրանսիական ճարտարապետությունը
7. https://www.purepeople.com/media/exclusif-karen-khurshudyan-president_m5152838, Exclusif - Karen Khurshudyan, président de l'école Abovian, Purepeople.com
8. https://www.youtube.com/watch?v=5yM6RiFMbD0, Karen Khurshudyan, président de l'Ecole ABOVIAN avant la Soirée de Gala du 26 octobre 2019
9. «CCAF-SUD». Արխիվացված է օրիգինալից 2020 թ․ նոյեմբերի 1-ին. Վերցված է 2021 թ․ մարտի 22-ին.
10. https://www.armenews.com/spip.php?page=article&id_article=7730, Message de Karen Khurshudyan, Nouvelles d´Arménie Magazine
11. Սփյուռքը հարկավոր է պահել աչքի լույսի պես. Կարեն Խուրշուդյան
12. http://diaspora.gov.am/hy/news/444, Հանդիպում Եվրոպայի հայերի հետ
13. https://miasin.am/%D5%BD%D6%83%D5%B5%D5%B8%D6%82%D5%BC%D6%84%D5%A8-%D5%B0%D5%A1%D6%80%D5%AF%D5%A1%D5%BE%D5%B8%D6%80-%D5%A7-%D5%BA%D5%A1%D5%B0%D5%A5%D5%AC-%D5%A1%D5%B9%D6%84%D5%AB-%D5%AC%D5%B8%D6%82%D5%B5%D5%BD%D5%AB/, Սփյուռքը հարկավոր է պահել աչքի լույսի պես. Կարեն Խուրշուդյան
14. «Հրատապ օգնություն Հայաստանին» ծրագիրի
15. «Հրատապ օգնություն Հայաստանին» ծրագիրի
16. ՀԱԱ
17. Հուշագիր՝ ՀՊՄՀ-ի և Մարսելի «Խաչատուր Աբովյան» վարժարանի միջև
18. https://www.aznavourcollege.com/page/newsarticles/item/--21/, ԵՄԱՊՔ-ի և Մարսելի Խաչատուր Աբովյանի անվան վարժարանի միջև կնքվեց համագործակցության հուշագիր
19. https://arevelk.am/articles/hvoushagir-abvovyani-anvouny-krvogh-hastatvouthyvounneri-mijeu, Հուշագիր՝ Աբովյանի անունը կրող հաստատությունների միջեւ
20. https://www.aznavourcollege.com/medija/novosti-articles/params/category/0/item/3732800/, Բանաստեղծ Կ․ Խուրշուդյանը ներկայացրել է իր գրքերը՝ թարգմանված տարբեր լեզուներով
21. Աստծո Ոստան
22. https://wua.am/%D5%B0%D5%A1%D5%B5%D5%BF%D5%A1%D6%80%D5%A1%D6%80%D5%B8%D6%82%D5%A9%D5%B5%D5%B8%D6%82%D5%B6-108/, «Սահարայի մենավորը» գրքի մասին ՀԳՄ պաշտոնական կայքում
23. https://tert.nla.am/archive/NLA%20TERT/Grakantert/2022/28_ocr.pdf, Աշխարհն իմ շուրթերին, շնորհանդես, Գրական թերթ, 9 սեպտեմբերի, 2022
24. Ապրելու ենք
25. Մայրիկ
26. Իմ քաղաք
27. Իմ քաղաք
28. Հերոս մայրեր
29. Բալլադ - Օդ իմ հայրենիքին
30. https://www.aznavourcollege.com/page/newsarticles/item/item-1-28/, Կ.Խուրշուդյանը պարգեւատրվել է Երեւանի Շ.Ազնավուրի անվան քոլեջի առաջին Ոսկե մեդալով
31. https://www.armenpress.am/arm/news/1121992.html, «Կանթեղ» մրցանակաբաշխության դափնեկիրները
32. «Կոմիտասի արձանի պղծումը ծայրահեղական «Գորշ գայլեր»-ի քաղաքականությունն է. Կարեն Խուրշուդյան». Արխիվացված է օրիգինալից 2020 թ․ նոյեմբերի 1-ին. Վերցված է 2021 թ․ մարտի 9-ին.
33. Լուրեր Հ1
34. Ֆրանսահայ գրողի երկխոսությունն աշխարհի հետ