Կասսանդրա Քլեր
գրող From Wikipedia, the free encyclopedia
գրող From Wikipedia, the free encyclopedia
Կասսանդրա Քլեր (անգլ.՝ Cassandra Clare, իրական անունը՝ Ջուդիթ Ռումելթ (անգլ.՝ Judith Rumelt), հուլիսի 27, 1973[1][2][3][…], Թեհրան, Իրան[2][3][4][…]), ամերիկուհի գրող։ Առավել հայտնի է որպես «Մահվան Գործիք» շարքի հեղինակ։
Կասսանդրա Քլեր անգլ.՝ Cassandra Clare | |
---|---|
![]() | |
Ծննդյան անուն | անգլ.՝ Judith Rumelt |
Ծնվել է | հուլիսի 27, 1973[1][2][3][…] (51 տարեկան) |
Ծննդավայր | Թեհրան, Իրան[2][3][4][…] |
Գրական անուն | Cassandra Clare |
Մասնագիտություն | գրող, սցենարիստ, մանկագիր, վիպասան, լրագրող և կինոպրոդյուսեր |
Լեզու | անգլերեն |
Քաղաքացիություն | ![]() ![]() |
Կրթություն | Բերնարդ քոլեջ |
Ժանրեր | դեռահասական գրականություն |
Ուշագրավ աշխատանքներ | մահվան զենք |
Կայք | cassandraclare.com |
![]() |
Կասսանդրա Քլերը ծնվել է ամերիկյան ընտանիքում, ովքեր ապրել են Թեհրանում։ Նրա հայրը՝ հայտնի ամերիկացի գիտնական, կորպորատիվ ռազմավարության մասնագետ Ռիչարդ Ռումելթն է։ Մորական պապը սարսափ ֆիլմերի պրոդյուսեր Մաքս Ռոզենբերգն է։ Դեռ 10 տարեկան չդառած՝ նա հասցրել է այցելել Ֆրանսիա, Մեծ Բրիտանիա և Շվեյցարիա։ Կասսանդրան ավարտել է Լոս Անջելեսի դպրոցը։ Ավագ դասարաններում նա սկսել է գրել պատմություններ՝ հիմնականում դասընկերների ժամանցի համար։
Ուսանողական տարիքում նա ապրել է Լոս Անջելեսում և Նյու Յորքում, որտեղ աշխատել է տարբեր ամսագրերում և հրատարակչություններում, այդ թվում նաև The Hollywood Reporter կինոյի մասին խոշորագույն ամսագրում։ 2004 թվականին նա սկսել է աշխատել իր «Ոսկորների քաղաք» վեպի վրա՝ հիացած լինելով Մանհեթենի քաղաքային տեսարանով։
Քլերը ընկերություն է անում գրող Հոլլի Բլեքի հետ, ում հետ գրել է մի քանի պատմվածքներ և «Մագիստրեում» գրքերի շարքը։ Ինչպես նաև գրողները մի անգամ չէ, որ հիշատակել են միմյանց հերոսներին իրենց ստեղծագործություններում։
Ներկայումս ապրում է Ամհերսթ քաղաքում, Մասսաչուսեթս նահանգ, իր ամուսնու՝ Ջոշուա Լյուիսի և երեք կատուների հետ։
Մինչև «Ոսկորների քաղաք» վեպի լույս տեսնելը Քլերը հայտնի է եղել իր ֆանֆիկներով՝ Cassandra Claire նման գրական անունով։ Նրա գլխավոր աշխատանքներն են՝ «Դռակոյի մասին եռապատումը» (անգլ.՝ The Draco Trilogy, «Հարրի Փոթերի» հիման վրա) և «Մատանու Եղբայրության գաղտնի օրագրերը» (անգլ.՝ The Very Secret Diaries, «Մատանիների տիրակալը» վեպի հիման վրա)։ Քլերը համարվել է հայտնի անձ ֆանդոմում, նրա անունը հայտնվել է մի քանի թերթերի հոդվածներում։ Օրինակ՝ «Դռակոյի մասին եռապատումը» նկարագրվել է «Թայմս» թերթում, ինչպես «բարձրորակ մարգարիտ, որը բազմապատկում է Հարրի Փոթերի մասին գրքերի արժեքը»[5], իսկ «The Daily Telegraph - ը» «Գաղտնի օրագրերը» կոչել է «դասական պաշտամունք»[6]։ Այնուամենայնիվ Քլերի, որպես ֆանֆիկներ գրող, ժամանակը մոտեցավ ավարտին, երբ նրան մեղադրեցին «Դռակոյի մասին եռապատման» համար գրագողության մեջ[7]։
Քլերը իր կեղծանունը մասնակիորեն վերցրել է Ջեյն Օսթինի «Հրաշալի Կասսանդրա» ստեղծագործությունից, որից նա օգտվել է ուսանողական տարիներին էպիկական պոեմներ գրելու ժամանակ։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.