From Wikipedia, the free encyclopedia
«Կասպեր» (անգլ.՝ Casper), Բրեդ Սիլբերլինգի ֆիլմը։ Գլխավոր դերերում հանդես են գալիս Քրիստինա Ռիչին, Բիլ Փուլմանը և Քեթի Մորիարտին[13][14]։
Անրջելով մահացած կնոջ՝ Ամելիայի մասին՝ պարանորմալ երևույթների մասնագետ բժիշկ Հարվին իր դուստր Քեթիի հետ ճամփորդում է ամբողջ երկրում՝ հուսալով ի վերջո կապ հաստատել սիրելիի հետ։ Հայրն աղջկա հետ հայտնվում է Ուիփսթաֆում՝ վայր, որտեղ բնակվում են երեք չար հոգիները (Սթրեչ, Սթինքի և Ֆաթսո)։
Առանձնատան տիրուհին՝ տիկին Քերրիգանը, վարձում է բժիշկ Հարվիին՝ հուսալով, որ նա կարտաքսի նրանց, և կկարողանա գտնել դղյակում թաքցրած գանձերը։ Եվ ահա Քեթը ծանոթանում է Կասպերի հետ։ Նա, ի տարբերություն երեխայի մյուս չար շրջապատողների, ընկերասեր է։
Տիկին Քերրիգանը իր փաստաբան Դիբսին հրահանգում է հետևել բժիշկ Հարվիին և Քեթին, որը հասցրել էր ընկերանալ Կասպերի հետ։ Աղջիկը ուզում էր երեկույթ կազմակերպել, որպեսզի դուր գա իր նոր դասընկերներին, մասնավորապես, Վիքին։ Հանգամանքներն այնպես են դասավորվում, որ բժիշկ Հարվին հոգի է դառնում, իսկ Կասպերի հոր հայտնագործած դեղը բավականացնում է միայն մեկի համար։
Զոհելով նորից մարդ դառնալու հնարավորությունը՝ Կասպերը հնարավորություն է ստանում պարահանդեսի ժամանակ պարել Քեթի հետ․ Ամելիայի հոգին Կասպերին վերածում է կենդանի մարդու միայն մեկ ժամով[15]։
Կինոքննադատ Սերգեյ Կուդրյավցևը իր «3500 ֆիլմի գրախոսություն» գրքում նշել է մի քանի փաստ ֆիլմի մասին․
«Ամենազվարճալին այն հանգամանքն է, որ բարոյականության որոշ նախանձախնդիրներ սպառնացին դիմել ԱՄՆ սենատ, որը պետք է դատապարտեր մանկական հեքիաթը նրանում առկա հոգիների սեռական նշանների հայհոյող ակնարկների պատճառով։ Տեսարաններից մեկում Կասպեր անունով հոգին վերածվում է գեղեցիկ տղայի, որի հետ մտերմիկ հպվելով պարում է դեռահաս Քեթը, որն արդեն ունի հասուն կնոջը բնորոշ հատկանիշներ։ Մինչդեռ դիսնեյական մուլտֆիլմերը տարիներ շարունակ պատանի հանդիսատեսին սովորեցրել էին կարծես թե անսեռ հերոսների առկայությանը»։
Նա նաև ընդգծում է ֆիլմի անտեղի մռայլությունը․
«Մեծ ֆիլմում ֆիլմի դեբյուտի հեղինակը՝ Բրեդ Սիլբերլինգը (նախկինում աշխատում էր հեռուստատեսությունում), նույնպես հիշեցնում է Բերրի Զոննենֆելդի սև, առեղծվածային կատակերգությունը։ Սակայն «Կասպեր»-ի երկրորդ հատվածում հոգիների կատակերգական անբնական շարժումները և այլ կատակներ (եթե հավատանք տիտրերին, սեփական կերպարում միայն Ռոջեր Դեյնջերֆիլդն է հայտնվում, իսկ, օրինակ, Քլինթ Իսթվուդը և Մել Գիբսոնը, Դենիս Մյորենայի և Մայքլ Լանտիերի համակարգչային խորամանկության շնորհիվ տպագրված են նկարում․ այդ հնարքը աշխարհին զարմացրել էր դեռևս «Յուրայի ժամանակաշրջանում») իրենց տեղը զիջում են ավելի բարոյականացված դրվագներին։ Ի սկզբանե բարի Կասպերը դառնում է «սրբերի սուրբը», իսկ նրա ավազակ եղբայրներն ապրումակցում են բժիշկ Հարվիիին՝ Քեթի հորը։ Բայց ավելի լավ է սկզբից մինչև վերջ ծիծաղել՝ դիտելով Էբբոտի և Կոստելլոյի մասնակցությամբ «Բռնեք այդ հոգուն» կատակերգությունը»։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.