Կամո (Շիրակի մարզ)
գյուղ Հայաստանի Շիրակի մարզում From Wikipedia, the free encyclopedia
Կամո (նախկին անվանումը՝ Հաջի Նազար), գյուղ Հայաստանի Հանրապետության Շիրակի մարզի Ախուրյանի տարածաշրջանում, Գյումրիից մոտ 7 կմ հյուսիս-արևելք։ Գտնվում է ծովի մակարդակից մոտ 1660 մ բարձրության վրա։ Հիմնվել է 1772 թվականին և կոչվել Հաջի Նազար, այնուհետև 1935 թվականի հունվարի 3-ին վերանվանվել է Կամո[3]։
| Գյուղ | ||
|---|---|---|
| Կամո | ||
 | ||
| Երկիր | Հայաստան | |
| Մարզ | Շիրակի | |
| Համայնք | Շիրակի մարզ, Ախուրյանի շրջան և Շիրակի մարզ[1] | |
| Այլ անվանումներ | Հաջինազար | |
| Մակերես | 24.2 կմ² | |
| ԲԾՄ | 1650 մ | |
| Պաշտոնական լեզու | Հայերեն | |
| Բնակչություն | 1545[2] մարդ (2012) | |
| Ազգային կազմ | Հայեր | |
| Ժամային գոտի | UTC+4 | |
| ||
Կլիման
Միջին տարեկան, ինչպես նաև ամենաբարձր և ամենացածր ջերմաստիճանը տատանվում է -25-ից+25C: Ամռանը լինում են ուժեղ քամիներ և հաճախակի երաշտներ։
Բնակչություն
Ըստ Հայաստանի 2011 թ. մարդահամարի արդյունքների՝ Կամոյի մշտական բնակչությունը կազմել է 1340, առկա բնակչությունը՝ 1234 մարդ[4]։ Բնակիչները հայեր են, որոնց նախնիների մի մասն այստեղ է եկել Մուշից 1770-ական թվականներին։ Կամոյի բնակչության փոփոխությունը ժամանակի ընթացքում՝ ստորև[5].
Կամոյում բնակչության հիմնական զբաղմունքը հանդիսանում են դաշտավարությունը և անասնապահությունը։
Պատմամշակութային կառույցներ
Կամոյում է գտնվում 1878 թ.-ին կառուցված Սբ. Աստվածածին եկեղեցու փլատակները։ Գյուղից հարավ գտնվում է «Խոռոչավեր» (մ.թ.ա. 2-րդ հազարամյակ. - մ.թ. III դար) բնակատեղին, III դար համանուն դամբարանադաշտով և “Արե” գյուղատեղին (մ.թ.ա. IV դար - մ.թ. X դար)։
Համայնքում կառուցված է Երկրորդ համաշխարհային պատերազմում զոհված կամոցիներին նվիրված հուշարձան կոթող։
Պատկերասրահ
Հայրենական պատերազմի զոհերի հուշարձան, 1972 թվական
Սուրբ Գրիգոր Նարեկացի եկեղեցի, 2021 թ․[7]
Տես նաև
Ծանոթագրություններ
Աղբյուրներ
Wikiwand - on
Seamless Wikipedia browsing. On steroids.