Լյուբով Եգորովա

Լյուբով Իվանովնա Եգորովա (ռուս.՝ Любовь Ивановна Егорова, ծնվ.՝ 5 մայիսի, 1966, Սևերսկ, Տոմսկի մարզ, ՌՍՖՍՀ, ԽՍՀՄ), խորհրդային և ռուս դահուկորդ, Օլիմպիական խաղերի վեցակի չեմպիոն, աշխարհի եռակի չեմպիոն, Աշխարհի գավաթակիր (1993), ԽՍՀՄ սպորտի վաստակավոր վարպետ (1991), Ռուսաստանի սպորտի վաստակավոր վարպետ, Ռուսաստանի Դաշնության հերոս (1994, «սպորտում ունեցած աչքի ընկնող ձեռքբերումների, արիության ու հերոսության համար, որ դրսևորել է XVII Ձմեռային օլիմպիական խաղերում 1994 թվականին»)։

Լյուբով Եգորովա
Անձնական տեղեկություն
Սեռ՝	իգական
Բնօրինակ անուն՝	Любовь Егорова
Ազգություն՝	ռուս
Մասնագիտացում՝	դահուկորդ
Երկիր՝	ԽՍՀՄ և  Ռուսաստան
Ծննդյան ամսաթիվ՝	մայիսի 5, 1966 (58 տարեկան)
Ծննդավայր՝	Սևերսկ, Տոմսկի մարզ, ՌՍՖՍՀ, ԽՍՀՄ
Հասակ՝	167 սանտիմետր
Քաշ՝	58 կիլոգրամ
Պարգևներ Օլիմպիական խաղեր Ոսկի Ալբերվիլ 1992 փոխանցավազք 4x5 կմ Ոսկի Ալբերվիլ 1992 հետապնդում 10 կմ Ոսկի Ալբերվիլ 1992 15 կմ դասական Արծաթ Ալբերվիլ 1992 5 կմ դասական Արծաթ Ալբերվիլ 1992 30 կմ Ոսկի Լիլեհամեր 1994 փոխանցավազք 4x5 կմ Ոսկի Լիլեհամեր 1994 5 կմ դասական Ոսկի Լիլեհամեր 1994 հետապնդում 10 կմ Արծաթ Լիլեհամեր 1994 15 կմ Աշխարհի առաջնություն Ոսկի Վալ դի Ֆեմե 1991 փոխանցավազք 4x5 կմ Ոսկի Վալ դի Ֆեմե 1991 30 կմ Ոսկի Ֆալուն 1993 փոխանցավազք 4x5 կմ Արծաթ Ֆալուն 1993 5 կմ դասական Բրոնզ Ֆալուն 1993 30 կմ Բրոնզ Ֆալուն 1993 հետապնդում 10 կմ Ունիվերսիադաներ Արծաթ Ստրբսկե Պլեսո 1987 5 կմ Արծաթ Ստրբսկե Պլեսո 1987 փոխանցավազք 3x5 կմ Բրոնզ Ստրբսկե Պլեսո 1987 10 կմ

Լիդիա Սկոբլիկովայի ու Մարիտ Բյորգենի հետ Լյոբով Եգորովան Ձմեռային օլիմպիական խաղերում ամենաշատ ոսկե մեդալներ նվաճած կանանց թվում է (նրանցից յուրաքանչյուրն արժանացել է 6 մեդալի)։

Կենսագրություն

Լյուբով Եգորովան ծնվել է 1966 թվականի մայիսի 5-ին Տոմսկի մարզի Սևերսկ քաղաքում։ 1983 թվականին նա ավարտել է միջնակարգ դպրոցն ու ընդունվել Տոմսկի պետական մանկավարժական ինստիտուտի ֆիզիկական դաստիարակության ֆակուլտետ։ 1988 թվականին Լյուբով Եգորովան տեղափոխվել է Լենինգրադ։

Լյուբով Եգորովան առաջին անգամ աշխարհի չեմպիոն է դարձել 1991 թվականին, իսկ օլիմպիական չեմպիոն՝ 1992 թվականին։

1994 թվականին Եգորովան ավարտել է Ռուսաստանի Հերցենի անվան պետական մանկավարժական համալսարանը, 1999 թվականին՝ ասպիրանտուրան։

Լյուբով Եգորովան ամուսնացած է, ունի երկու երեխա։ Բնակվում է Սանկտ Պետերբուրգում, որպես մարզական աշխատանքների գծով պրոռեկտոր աշխատում է Սանկտ Պետերբուրգի Պ. Լեսգաֆտի անվան ֆիզիկական կուլտուրայի, սպորտի ու առողջության ազգային պետական համալսարանում։ Մանկավարժական գիտությունների թեկնածու է, դահուկային սպորտի տեսության ու մեթոդիկայի ամբիոնի պրոֆեսոր։

2007 թվականից Լյուբով Եգորովան մասնակցում է քաղաքական պայքարին։ 2007 թվականի մարտի 11-ին Սանկտ Պետերբուրգում անցկացվող Օրենսդիր ժողովի ընտրությունների ժամանակ ընդգրկվել է Ռուսաստանի Դաշնության կոմունիստական կուսակցության ցուցակը գլխավորող երեք թեկնածուների շարքում։

2007 թվականի մարտից Սանկտ Պետերբուրգի Օրենսդիր ժողովի պատգամավոր է, Օրենսդիր ժողովի ներկայացուցիչն է Սանկտ Պետերբուրգի պատվավոր քաղաքացիների հետ կապի հարցերով, Օրենսդիր ժողովի կրթության, մշակույթի ու գիտության հարցերով հանձնաժողովի անդամ։

2011 թվականին «Միասնական Ռուսաստան» կողմից առաջադրվել է Սանկտ Պետերբուրգի Օրենսդիր ժողովի հինգերորդ նստաշրջանի պատգամավորության թեկնածու 49-րդ ընտրատարածքում։ Նա ստացել է ընտրողների ձայների 42,35 %-ը՝ ըստ ընտրական հանձնաժողովների արձանագրությունների տվյալների, սակայն ընտրությունների պաշտոնական տվյալներով այդ թիվը կազմել է 46.79%^[1]: Կրկին ընտրվել է Օրենդիր ժողովի պատգամավոր։

Որակազրկում

1997 թվականի փետրվարի 26-ին Լյուբով Եգորովան որոկազրկվել է բրոմանտան տեսակի խթանիչ օգտագործելու պատճառով։ Դրանից հինգ օր առաջ նա Տրոնհեյմում հաղթել էր աշխարհի առաջնության 5 կիլոմետրանոց մրցատարածությունում, սակայն դոպինգային սկանդալի պատճառով ոսկե մեդալը փոխանցվել է Ելենա Բյալբեին, որ եզրագծին էր հասել երկրորդը։

Պարգևներ

• Ռուսաստանի Դաշնության հերոս (22 ապրիլի, 1994 թվական) - սպորտում ունեցած աչքի ընկնող ձեռքբերումների, արիության ու հերոսության համար, որ դրսևորել է XVII Ձմեռային օլիմպիական խաղերում 1994 թվականին^[2],
• «Հայրենիքին մատուցած ծառայությունների համար» IV աստիճանի շքանշան (25 մայիսի, 2015 թվական) - Ռուսաստանի Դաշնության զարգացման գործում ունեցած սոցիալ-տնտեսական մեծ ներդրման, աշխատանքային հաջողությունների, հասարակական ակտիվ գործունեության ու բազմամյա բարեխիղճ աշխատանքի համար^[3],
• Սևերսկի պատվավոր քաղաքացի (1992), Սանկտ Պետերբուրգի պատվավոր քաղաքացի (1994), Տոմսկի մարզի պատվավոր քաղաքացի (2005)։

Ծանոթագրություններ

1. «Протоколы избирательных комиссий по 49-му округу». Արխիվացված է օրիգինալից 2013 թ․ հունիսի 15-ին. Վերցված է 2016 թ․ ապրիլի 5-ին.
2. «Указ Президента Российской Федерации от 22 апреля 1994 года № 806 «О присвоении звания Героя Российской Федерации Егоровой Л. И.»». Արխիվացված է օրիգինալից 2014 թ․ փետրվարի 22-ին. Վերցված է 2016 թ․ ապրիլի 5-ին.
3. Указ Президента Российской Федерации от 25 мая 2015 года № 263 «О награждении государственными наградами Российской Федерации»

Արտաքին հղումներ

 Լյուբով Եգորովա «Երկրի հերոսներ» կայքում

• Լյուդմիլա Եգորովան Արխիվացված 2014-08-04 Wayback Machine Sports-Reference.com կայքում (անգլ.)
• Լյուբով Եգորովա (ռուս.)

Վիքիպահեստն ունի նյութեր, որոնք վերաբերում են «Լյուբով Եգորովա» հոդվածին։