Լեռնակերտ

Լեռնակերտ (նախկին անվանումը՝ Շիրվանջուղ), գյուղ Հայաստանի Շիրակի մարզի Արթիկի տարածաշրջանում, մարզկենտրոնից 28 կմ հարավ-արևելք։ Վերանվանվել է Լեռնակերտ 1948 թ. հուլիսի 15-ին^[2]։

Գյուղ
Լեռնակերտ
Լեռնակերտ գյուղի մուտքը
Երկիր	Հայաստան
Մարզ	ՇիրակիՇիրակի մարզ|Շիրակի
Համայնք	Շիրակի մարզ, Ալեքսանդրապոլի գավառ, Արթիկի շրջան և Մարտունու շրջան
Մակերես	32.2 կմ²
ԲԾՄ	1980 մ
Պաշտոնական լեզու	Հայերեն
Բնակչություն	1541[1] մարդ (2012)
Ազգային կազմ	Հայեր
Ժամային գոտի	UTC+4
Փոստային ինդեքս	3012
Լեռնակերտ (Հայաստան)
Լեռնակերտ Վիքիպահեստում

Բնակչություն

Ըստ Հայաստանի 2011 թ. մարդահամարի արդյունքների՝ Լեռնակերտի մշտական բնակչությունը կազմել է 1412, առկա բնակչությունը՝ 1423 մարդ^[3]։ 1831 թվականից ի վեր բնակիչները հայեր են^[4]։ Ներկայիս բնակիչների նախնիների մի մասը 1915-1918 թթ.-ին գաղթել են Ալաշկերտի, Բիթլիսի և Մուշի գյուղերից^[2]։

Լեռնակերտի բնակչության փոփոխությունը ժամանակի ընթացքում՝ ստորև^[5].

Տարի	1831	1873	1897	1931	1970	1979	1989	2001	2011
Բնակիչ	320	1202[4]	1602	1619	1466	1200	1329[6]	1449	1412[3]

Տնտեսություն

Բնակչությունը զբաղվում է կաթնաանասնապահությամբ, հացահատիկի և կերային կուլտուրաների մշակությամբ։

Պատմամշակութային կառույցներ

Լեռնակերտի արևելյան հատվածում կանգուն է 5–րդ դարի միանավ բազիլիկ եկեղեցին։ Գյուղի հարավարևելյան հատվածում՝ մատուռի մեջ դրված են Պողոս-Պետրոս խաչքարերը, գյուղի հարավային և հարավարևելյան մասերում առկա են կիկլոպյան «Վարի Բերդ» և «Վերի Բերդ» ամրոցներ, դրանց շրջակայքի բնակավայրերը և դամբանադաշտերը։

Պատկերասրահ

• 
  Գյուղի մուտքի մոտ
• 
  Լեռնակերտի եկեղեցին

Տես նաև

• Լեռնակերտի պատմության և մշակույթի անշարժ հուշարձանների ցանկ (Շիրակի մարզ)