Լենդաս

Լենդաս (հուն․՝ Λέντας^[1]), Կրետեից հարավ գտնվող գյուղ Հունաստանում։ Գտնվում է Հերակլիոնից 63 կիլոմետր դեպի հարավ-արևմուտք՝ Լիբիական ծովի ափին։ Մտնում է Կրետե մարզի Հերակլիոն նոմոսի Գորտինա դիմոսի կազմի մեջ։ Ըստ 2011 թվականի տվյալների՝ բնակչությունը կազմում է 80 մարդ^[1]։ Տեղացիներից մեծ մասը զբաղվում են գյուղտնտեսությամբ և տուրիզմով։

Լենդաս
Λέντας
Երկիր	Հունաստան
Համայնք	Gortyn Municipality? և Commune of Miamou?
ԲԾՄ	20 մետր
Բնակչություն	80[1] մարդ (2011)
Լենդաս (Հունաստան)
Լենդաս Վիքիպահեստում

Քաղաքի անունը ծագում է λέοντας՝ առյուծ բառից։

1958-1966 թվականներին Ստիլիանոս Ալեքսիուի (Στυλιανός Αλεξίου) կողմից անցակացված պեղումների շնորհիվ հայտնաբերվել են նախապատմական ժամանակների բնակավայրեր և գերեզմաններ (մ.թ.ա. 2100-1900 թվականներ)։ | Գյուղը գտնվում է Լեբեն (Λεβήν) հին քաղաքի տեղում^[2]։ Լեբենը կառուցվել է փյունիկացիների կողմից և հնագույն շրջանում Գորտինայի համար ծառայում էր որպես նավահանգիստ՝ գտնվելով նրանից 22 կիլմոմետր դեպի հյուսիս^[3]։

Լեբեն անունը ծագել է labiʾ՝ առյուծ բառից. բնակավայրն այդպես է կոչվել այն պատճառով, որ արևմուտքում գտնվող հրվանդանը նման է առյուծի գլխի։ Ըստ լեգենդի՝ այն Հռեայի որկե կառքին լծված առյուծներից մեկն է, որը քարացել է^[4]։ Լեբենի արևելքում կա բուժիչ աղբյուր։ Լեբենում էին գտնվում ասկլեպիոնը^[2] և Հիգեայի տաճարը, որ կառուցվել է մ.թ.ա. IV դարում։

Լեբենը լքվել է VII-VIII դարերում՝ ծովահենության պատճառով։ XIV դարում կառուցվել է Սուրբ Հովհաննեսի բյուզանդական եկեղեցին։

Լեբենի ասկլեպիոնի փլատակները Լենդասում

Միամու դիմոս

Միամու դիմոսի կազմի մեջ են մտնում վեց բնակավայրեր։ Ըստ 2011 թվականի տվյալների՝ բնակչությունը կազմում է 306 մարդ^[1], իսկ տարածքը՝ 38,25 քառակուսի կիլոմետր^[5]։

Բնակավայր	Բնակչություն (2011)[1], մարդ
Այիա Մարինա	0
Դիսկոս	23
Կրոտոս	88
Լենդաս	80
Միամու	96
Պապադոիյանիս	19

Բնակչություն

Տարի	Թվաքանակ, մարդ
1991	67[6]
2001	111[6]
2011	80[1]

Ծանոթագրություններ

1. «Πίνακας αποτελεσμάτων Μόνιμου Πληθυσμού-Απογραφής 2011» (հունարեն). Ελληνική Στατιστική Αρχή. 2014 թ․ մարտի 20. Վերցված է 2017 թ․ հոկտեմբերի 22-ին.
2. Leben // Реальный словарь классических древностей / авт.-сост. Ф. Любкер ; Под редакцией членов Общества классической филологии и педагогики Ф. Гельбке, Л. Георгиевского, Ф. Зелинского, В. Канского, М. Куторги и П. Никитина. — СПб., 1885.
3. Ստրաբոն. Աշխարհագրություն. X.IV.11
4. «Левин». www.cretanbeaches.com. Վերցված է 2017 թ․ հոկտեմբերի 22-ին.
5. Απογραφή πληθυσμού - κατοικιών της 18ης μαρτίου 2001 (μόνιμος πληθυσμός)(հուն.). — Πειραιάς: Εθνική στατιστική υπηρεσία της Ελλάδας, 2009. — Т. I. — С. 423. — ISSN 1106-5761.
6. «Μόνιμος και Πραγματικός Πληθυσμός της Ελλάδος. Σύνολο Ελλάδος, νομοί, δήμοι/κοινότητες, δημοτικα/κοινοτικά διαμερίσμα και οικισμοί. Απογραφές πληθυσμού 2001 και 1991» (հունարեն). Ελληνική Στατιστική Αρχή. Արխիվացված է օրիգինալից 2006 թ․ հուլիսի 16-ին. Վերցված է 2017 թ․ հունիսի 22-ին.