Զանջանի նահանգ

Զանջան (պարս.՝ استان زنجان, Օսթան-է Զանջան), օսթան (նահանգ) Իրանի հյուսիսարևմտյան մասում, Իրանի 31 օսթաններից մեկը։ Հյուսիս-արևելքից սահմանակից է Գիլան, արևելքից` Ղազվին, հարավից` Համադան, հարավ-արևմուտքից` Քուրդիստան, հյուսիս-արևմուտքից` Արևմտյան Ադրբեջան և Արևելյան Ադրբեջան, հյուսիսից` Արդաբիլ օսթաններին։ Օսթանի տարածքը կազմում է 21 773 կմ², բնակչությունը վերջին մարդահամարի տվյալներով` ▲1 057 461 մարդ (2016)^[1]։ Վարչական կենտրոնը Զանջան քաղաքն է։

Զանջան պարս.՝ استان زنجان
Երկիր	Իրան
Կարգավիճակ	օսթան (նահանգ)
Մտնում է	Իրան
Վարչկենտրոն	Զանջան
Բնակչություն	▲1 057 461 մարդ (2016)[1]
Տարածք	21 773 կմ²[2]
Սահմանակցում է	Արդաբիլի նահանգ, Գիլան, Ղազվինի նահանգ, Համադանի նահանգ, Քուրդիստանի նահանգ, Արևմտյան Ադրբեջան և Արևելյան Ադրբեջան
Ժամային գոտի	UTC+3:30
ISO 3166-2 կոդ	IR-19
Հեռախոսային կոդ	0241
Զանջանի նահանգ Վիքիպահեստում

Օսթանը ձևավորվել է Գիլան օսթանի հարավ-արևմտյան շրջանների անջատման արդյունքում։ 1996 թվականին օսթանից անջատվել է դրա հարավ-արևելյան շրջանների տարածքում ձևավորված Ղազվին օսթանը^[3]։ 2014 թվականից օսթանը մասն է կազմում Իրանի 3-րդ տարածաշրջանի^[4], որի կենտրոնն է Թավրիզ քաղաքը։

Բնակչություն

2006 թվականի մարդահամարի տվյալներով օսթանի բնակչությունը կազմում էր 942 818 մարդ` 235 771 տնային տնտեսություններում<sup>[5]</sup>։ 2011 թվականի մարդահամարը հաշվառել էր 1 015 734 մարդ, որոնք ապրում էին 286 806 տնտեսություններում<sup>[6]</sup>։ Ըստ վերջին` 2016 թվականի մարդահամարի տվյալների` բնակչությունը կազմում էր արդեն 1 057 461 մարդ` 321 983 տնտեսություններում^[7]։

Տասը հազարից ավել բնակչությամբ քաղաքներն են Զանջանը (բնակչությունը 2016 թվականի դրությամբ` 430 871 մարդ), Աբհարը (99 285 մարդ), Խորամդարեն (55 368 մարդ), Քեյդարը (34 921 մարդ), Հիդաջը (13 840 մարդ) և Սաինքալեն (12 989 մարդ)^[8]։ Ընդհանուր առմամբ քաղաքներում է ապրում 711 177 մարդ կամ օսթանի բնակչության 67,3%-ը^[8]։

Բնակչության ավելի քան 90% կազմում են ադրբեջանցիները^[9][10], ապրում են նաև իրանական թաթեր։

Վարչական բաժանում

Օսթանը բաժանված է 8 շահրեստանների (գավառների).

Զանջան օսթանի շահրեստանները

Շահրեստան	Բնակ. 2006[5]	Բնակ. 2011[6]	Բնակ. 2016[7]	Վարչ. կենտրոն
Աբհար շահրեստան	158 544	169 176	151 528	Աբհար
Զանջան շահրեստան	442 728	486 495	521 302	Զանջան
Թարոմ շահրեստան	42 939	46 616	46 641	Աբբար
Իջրուդ շահրեստան	35 661	38 416	36 641	Զարինաբադ
Խոդաբանդե շահրեստան	161 696	169 553	164 493	Քեյդար
Խորամդարե շահրեստան	60 027	65 166	67 951	Խորամդարե
Մահնեշան շահրեստան	41 223	40 312	39 425	Մահնեշան
Սոլթանիե շահրեստան1	—	—	29 480	Սոլթանիե
Ընդհանուր	942 818	1 015 734	1 057 461
1Առանձնացվել է Աբհար շահրեստանից

Տես նաև

• Իրանի վարչական բաժանում

Արտաքին հղումներ

• Զանջանի իսլամական ազատ համալսարան Արխիվացված 2019-10-26 Wayback Machine (պարսկերեն)
• Զանջանի բժշկական գիտությունների համալսարան Արխիվացված 2021-04-11 Wayback Machine
• Թեբյանի մշակութային և տեղեկատվական կենտրոն Արխիվացված 2016-01-06 Wayback Machine (պարսկերեն)