Գյուլագարակ համայնք

Գյուլագարակ, համայնքի կարգավիճակով վարչատարածքային միավոր Հայաստանի Հանրապետության Լոռու մարզում^[2]։ Սահմանակցում է Ստեփանավան, Լոռի Բերդ, Փամբակ և Ալավերդի համայնքների հետ։

Անվան այլ կիրառումների համար տե՛ս՝ Գյուլագարակ (այլ կիրառումներ)

Չշփոթել Գյուլագարակ հոդվածի հետ։

Գյուլագարակ համայնք
Զինանշան
Երկիր	Հայաստան
Կարգավիճակ	Համայնք
Մտնում է	Լոռու մարզ
Ներառում է	Գյուլագարակ, Ամրակից, Գարգառ, Կուրթան, Հոբարձի, Պուշկինո և Վարդաբլուր
Վարչկենտրոն	Գյուլագարակ
Համայնքապետ	Խաչիկ Ռոբերտի Վարդանյան (04․11․2022 - ից)[1]
Բնակչություն (2023)	8853
gyulagarak.am

Համայնքը ստեղծվել է 2017 թվականի հունիսի 9 -ին Հայաստանի Հանրապետության Ազգային ժողովի ընդունած համայնքների խոշորացման օրինագծով^[3][4]։ Համայնքի տեղական ինքնակառավարման մարմինների առաջին ընտրությունները կայացել են 2017 թվականի նոյեմբերի 5-ին։

Կառավարում

Գյուլագարակ համայնքը կազմված է 7 բնակավայրից՝ Ամրակից, Գարգառ, Կուրթան, Հոբարձի, Պուշկինո, Վարդաբլուր և Գյուլագարակ, որը հանդիսանում է համայնքի վարչական կենտրոնը^[2]։

Համայնքի ավագանի և ղեկավար

Համաձայն ՀՀ տեղական ինքնակառավարման օրենսգրքի՝ համայնքի բնակչությունը ընտրում է ավագանի, որը նշանակում է համայնքի ղեկավարին՝ համայնքապետին։ Լոռվա մարզի Գյուլագարակ համայնքի ավագանին բաղկացած է 18 անդամներից, որոնք հավասարաչափ բաշխված են «Քաղաքացիական պայմանագիր» կուսակցության և Ապրելու երկիր կուսակցության միջև։ Համայնքի ղեկավարը «Քաղաքացիական պայմանագիր» խմբակցության ղեկավար Խաչիկ Վարդանյանն է։