Բիլբո Բեգինս

Բիլբո Բեգինս (անգլ.՝ Bilbo Baggins, թարգմանության այլ տարբերակներ՝ Պարկինս), հոբիթ, Ջոն Ռոնալդ Ռուել Թոլքինի «Հոբիթ կամ գնալն ու գալը» ստեղծագործության գլխավոր հերոսը, «Մատանիների տիրակալը» եռերգության հերոսներից մեկը՝ Ֆրոդո Բեգինսի քեռին։

Բիլբո Բեգինս
Տեսակ	հոբիթ
Հեղինակ	Ջոն Ռոնալդ Ռուել Թոլքին
Ստեղծագործություն	«Հոբիթ կամ գնալն ու գալը»
Առաջին հիշատակում	«Հոբիթ կամ գնալն ու գալը»
Ներկայացված է	Հոբիթը, Մատանիների տիրակալը, Մատանիների տիրակալը. Թագավորի վերադարձը, Մատանու եղբայրությունը և Appendices of The Lord of the Rings?
Մասն է	Բեգինս ընտանիքի
Սեռ	արական
Ազգություն	հոբիթ
Քաղաքացիություն	Շիր
Բնակության վայր	Շիր Ռիվենդել
Հրարած տիեզերքից	Տոլկինի լեգենդարիում
Տարիք	անհայտ
Ծննդյան տարեթիվ	Ե. Դ. 2890 թվականի սեպտեմբերի 22
Ծննդավայր	Շիր
Մահվան տարեթիվ	անհայտ
Ընտանիք	Բունգո Բեգինս (հայր) Բելադոննա Տուկ (մայր)
Հարստություն	Baggins family?
Երեխաներ	չունի
Մասնագիտություն	թրավոր
Դերը կատարել են	Իեն Հոլմ Մարտին Ֆրիմեն
Երկիր	Միջերկիր
Bilbo Baggins Վիքիպահեստում

Կենսագրություն

Ըստ հեղինակային մտահղացման՝ ի սկզբանե Բիլբոն բավականին պատկառելի հոբիթ էր՝ հարգված ընտանիքից։ Հետագայում նա լրիվ կորցնում է իր հեղինակությունը, քանի որ զբաղվում էր պատկառելի հոբիթի համար բոլորովին անպարկեշտ գործերով, ինչպես՝ ճանապարհորդելը, էլֆերի և թզուկների հետ ընկերանալը, բանաստեղծություններ գրելը։ Չնայած՝ ինքն այդքան էլ չէր ափսոսում դրա համար՝ մանավանդ, որ այդ ընթացքում շատ ոսկի էր վաստակել։

Առաջին անգամ Բիլբոն հայտնվում է «Հոբիթ կամ գնալն ու գալը» ստեղծագործության մեջ, որտեղ պատմվում է այն մասին, թե ինչպես է նա Ե. Դ. 2941 թվականին Գենդալֆ Մոխրագույնի շնորհիվ միանում է թզուկների մի խմբի և ուղևորվում Էրեբորի ազատագրմանը։ Միեւնույն ժամանակ՝ այս արշավի ընթացքում Բիլբոն անընդհատ փրկում է թզուկներին տարբեր վտանգներից։ Այդ ժամանակ նա գտնում է իր զենքը՝ Ժալո թուրը, որը հանձնում է զարմիկին՝ Ֆրոդոյին։

Մառախլապատ լեռներից անցնելիս Բիլբոն հանդիպում է Գոլլումին և քարանձավում գտնում է Համիշխանության մատանին։ Ի վերջո թզուկների արշավն ավարտվում է հաջողությամբ, սակայն մահանում են Թորինը և նրա զարմիկներ՝ Ֆիլին և Կիլին։ Լեռան ազատագրումից հետո Բիլբոն վերադառնում է տուն՝ արևմուտք, հսկայական հարստությամբ, ետ է գնում իր հարստության մեծ մասը, որը վաճառքի էր հանվել իր բացակայության ժամանակ։ Հետագա 60 տարիների ընթացքում ապրում է խաղաղ և հանգիստ կյանքով։

Երկրորդ անգամ Բիլբոն հայտնվում է «Մատանիների տիրակալը» եռերգության էջերում։ Ապրելով հոբիթի համար ոչ սովորական երկար կյանք՝ Բիլբոն իր 111-րդ ծննդյան օրվա ժամանակ որոշում է հեռանալ Շիրից եւ այցելել իր հին ընկերներին։ Նա սկսում է ապրել Ռիվենդելում՝ Էլրոնդի դղյակում։ Մատանին մնում է Ֆրոդոյի մոտ, որին հետագայում վիճակված է ոչնչացնել այն^[1]։ Իսկ Բիլբոն՝ իր կյանքի 132-րդ տարում լքում է Միջերկիրը և Ֆրոդոյի, Գենդալֆի և էլֆերի հետ հեռանում դեպի Ծով։

Ըստ Թոլքինի՝ Բիլբոն «Կարմիր Գրքի» առաջին մասի («Գնալն ու գալը») և մի շարք բանաստեղծությունների, երգերի և թարգմանությունների հեղինակ է։

Բիլբոյի բնակարանը

Բիլբոյի տունը տիպիկ հոբիթային խրճիթ է, որը կառուցվել է նրա հոր կողմից՝ Բիլբոյի մոր համար և որպես ժառանգություն անցել է որդուն։

Խրճիթի դուռն ուներ արտասովոր կլոր տեսք և ներկված էր կանաչ գույնով։ Դուռը բացվում էր միջանցքի մեջ, որը թումելի նման էր, սակայն շատ հարմարավետ էր ու մաքուր։ Այն զարդարված էր գորգերով, կահավորված՝ աթոռներով և բազմաթիվ կախիչներով, քանի որ Բիլբոն հաճախ էր հյուրերի ընդունում։ Նրա տան բոլոր սենյակները տեղադրված էին առաջին հարկում՝ ննջասենյակները, սանհանգույցը, միջանցքը, խորդանոցները, հանդերձարանը, խոհանոցը, հյուրասենյակը։

Ծնողներ

Բունգո Բեգինս, Բիլբոյի հայրը։ Շատ հարգված, պահպանողական հոբիթ՝ մաքուր համբավով, բոլորովին զուրկ որևէ տարօրինակություններից։ Մի քանի բառով հիշատակված է «Հոբիթ կամ գնալն ու գալը» գրքում։ Ամուսնացած էր Բելադոննա Տուկի հետ։

Բելադոննա Բեգինս Տուկ, Բիլբոյի մայրը, Բունգոյի կինը։ Նրա մասին առաջին հիշատակմանը հանդիպում ենք «Հոբիթ կամ գնալն ու գալը» գրքում։ Բելադոննան Մեծ Տուկի երեք դուստրերից մեկն էր։ Տուկերը Ջրի մյուս կողմում ապրող հոբիթների ղեկավարներն էին։ Փաստորեն Բիլբոն մորական կողմով հեռու բարեկամ է Պերեգրին Տուկի հետ։

Հաճախ հիշատակվում է, որ Բիլբոն շատ նման էր հորը, սակայն մորից ժառանգել էր թաքնված հակում դեպի արկածախնդրությունը։

Անվան թարգմանություններ

Անունը և ազգանունը տարբեր լեզուներով թարգմանվում է տարբեր կերպ.

• սլովակերեն - Bilbo Bublik,
• Չեխերեն - Bilbo Pytlík,
• դանիերեն - Bilbo Sækker (sæk = պայուսակ),
• էստոներեն - Bilbo Paunaste (paun = պայուսակ),
• գերմաներեն - Bilbo Beutlin (Beutel = պայուսակ),
• ֆրանսերեն - Bilbo (կամ Bilbon) Sacquet (sac = պայուսակ),
• նորվեգերեն - Bilbo Lommelun,
• ֆիններեն - Bilbo Reppuli. (reppu = ուսապայուսակ),
• Հոլանդերեն - Bilbo Balings,
• կատալոներեն - Bilbo Saquet,
• պորտուգալերեն - Bilbo Bolseiro, «Հոբիթ»-ի առաջին խմբագրության մեջ՝ Bilbo Bolsin,
• իսպաներեն - Bilbo Bolsón (bolso = կանացի պայուսակ կամ ճամպրուկ),
• հունգարերեն - Zsákos Bilbó (zsák = տոպրակ),
• Լեհերեն - Bilbo Bagosz
• հայերեն - Բիլբո Բեգինս,
• բելառուսերեն - Більба Торбінс (торба = պայուսակ),
• ուկրաիներեն - Більбо Торбінс կամ Бильбо Бегінс,
• ռուսերեն - Bilbo Бэггинс,
• շվեդերեն — Bilbo Bagger (bagge = ոչխար)։

Հիշատակումներ

Գրականության մեջ

• Սթիվեն Քինգի «Աղջիկ, ով սիրում էր Թոմ Գորդոնին» վեպում։
• Սթիվեն Քինգի «Հակամարտություն» վեպում։

Կինոյում

• Փիթեր Ջեքսոնի «Մատանիների Տիրակալը» եռագրությունում։ Դերը կատարել է բրիտանացի դերասան Իեն Հոլմը։
• Փիթեր Ջեքսոնի «Հոբիթ» եռագրությունում։ Դերը կատարել է հայտնի դերասան Մարտին Ֆրիմենը^[2]։ Ծեր Բիլբոյի դերը կրկին կատարել է Իեն Հոլմը։

Ծանոթագրություններ

1. «Братство Кольца», книга I, глава 2 «Тень прошлого».
2. White, James (2010 թ․ հոկտեմբերի 22). «Martin Freeman Confirmed As Bilbo!». Empire. Արխիվացված օրիգինալից 2012 թ․ հունիսի 1-ին. Վերցված է 2010 թ․ նոյեմբերի 28-ին.

Արտաքին հղումներ

• Բիլբո Բեգինս(անգլ.) Internet Movie Database կայքում:

Վիքիպահեստն ունի նյութեր, որոնք վերաբերում են «Բիլբո Բեգինս» հոդվածին։