Իեն Հոլմ

Սըր Իեն Հոլմ (անգլ.՝ Ian Holm, սեպտեմբերի 12, 1931(1931-09-12)^[1][2][3], Goodmayes, Էսեքս, Միացյալ Թագավորություն^[4][5][6] - հունիսի 19, 2020(2020-06-19)^[7][8][9], Լոնդոն, Միացյալ Թագավորություն^[10][9]), անգլիացի դերասան, BAFTA մրցանակի և «Թոնի» թատերական մրցանակի դափնեկիր։ Հայտնի է «Հինգերորդ տարրը», «Դժոխքից», «Օտարը» ֆիլմերում, ինչպես նաև Փիթեր Ջեքսոնի «Մատանիների տիրակալը» և «Հոբիթ» եռապատումներում դերակատարմամբ։

Իեն Հոլմ անգլ.՝ Ian Holm
Ծնվել է	սեպտեմբերի 12, 1931(1931-09-12)[1][2][3]
Ծննդավայր	Goodmayes, Էսեքս, Միացյալ Թագավորություն[4][5][6]
Մահացել է	հունիսի 19, 2020(2020-06-19)[7][8][9] (88 տարեկան)
Մահվան վայր	Լոնդոն, Միացյալ Թագավորություն[10][9]
Գերեզման	Հայգեյթ գերեզմանատուն
Կրթություն	Դրամատիկական արվեստի թագավորական ակադեմիա (1953)[11] և Chigwell School?
Քաղաքացիություն	Միացյալ Թագավորություն
Մասնագիտություն	կինոդերասան, թատրոնի դերասան, հեռուստատեսային դերասան և դերասան
Ժանրեր	Շեքսպիրի կատակերգություն
Ընտրանի	Մատանիների տիրակալը (ֆիլմաշար), Chariots of Fire? և Օտարը
Ամուսին(ներ)	Պենելոպա Ուիլթոն
Երեխա(ներ)	Բարնաբի Հոլմ
Պարգևներ և մրցանակներ	Լոուրենս Օլիվյեի պարգև Էննի մրցանակ և «Թոնի» մրցանակ պիեսում երկրորդ պլանի լավագույն տղամարդու դերի համար

Կենսագրություն

Իեն Հոլմ Քաթբերթը ծնվել է 1931 թվականի սեպտեմբերի 12-ին Մեծ Բրիտանիայի Գուդմեյզ քաղաքում, 1950 թվականին ընդունվել է Դրամատիկական արվեստի թագավորական ակադեմիա, իսկ 1953 թվականին մեկնել է բանակ։ Բազմիցս խաղացել է բրիտանական բեմերում, ձեռք է բերել տաղանդավոր դերասանի համբավ, իսկ 1967 թվականին մասնակցել է Նյու Յորքի թատրոնում «Վերդառնալով տուն» ներկայացմանը։ Կինոյում Հոլմն առաջին անգամ նկարահանվել է 1958 թվականին, «Աղջիկը ծովի մոտ» ֆիլմում։ Նկարահանվել է ավելի քան 110 դերերում (առավելապես երկրորդ պլանի), որոնցից առանձնանում են հետևյալները՝ «Օտարը» (1979), «Ժամանակի ավազակները» ֆիլմում Նապոլեոն (1981), «Բրազիլիա» ֆիլմում պարոն Կուրցման (1985), «Հինգերորդ տարրը» ֆիլմում հայր Վիտո Կորնելիուս (1997), «Մատանիների տիրակալը» ֆիլմաշարում Բիլբո Բեգինս (2001—2003)^[12]։

1981 թվականին Իեն Հոլմը «Կրակե մարտակառքեր» ֆիլմում դերակատարման համար «Երկրորդ պլանի լավագույն դերասան» անվանակարգում առաջադրվել է Ամերիկյան կինոակադեմիայի «Օսկար» մրցանակին։

1998 թվականին թագուհի Եղիսաբեթ II-ը Հոլմին ձեռնադրել է ասպետ և նրան արքունական կոչում տվել՝ դրամայի զարգացման մեջ ներդրումների համար։

Իեն Հոլմը մահացել է 2020 թվականի հունիսի 19-ի առավոտյան, 88 տարեկանում^[13]։ Վախճանը վրա է հասել հիվանդանոցում, նրան շրջապատում էին ընտանիքի անդամները և բժիշկները։

Ծանոթագրություններ

1. Internet Broadway Database — 2000.
2. filmportal.de — 2005.
3. Discogs — 2000.
4. (unspecified title)
5. Hischak T. S. Disney Voice Actors: A Biographical Dictionary
6. Obituary: Ian Holm
7. Ian Holm, star of Lord of the Rings, Alien and Chariots of Fire, dies aged 88
8. Muere Sir Ian Holm, el actor que dio vida a Bilbo Bolsón
9. Fallece Ian Holm, actor de “El Señor de los Anillos” y “Carros de Fuego”
10. https://www.theguardian.com/film/2020/jun/19/ian-holm-dies-alien-chariots-of-fire-bilbo-baggins
11. Student & graduate profiles - Ian Holm — Royal Academy of Dramatic Art.
12. «The Tolkien Library review of the Lord of the Rings Radio Adaptation».
13. Pulver, Andrew (2020 թ․ հունիսի 19). «Ian Holm, star of Lord of the Rings, Alien and Chariots of Fire, dies aged 88». The Guardian. Վերցված է 2020 թ․ հունիսի 19-ին.

Վիքիպահեստն ունի նյութեր, որոնք վերաբերում են «Իեն Հոլմ» հոդվածին։