Բանդիվան

Բանդիվան, գյուղ Հայաստանի Շիրակի մարզի Ամասիայի տարածաշրջանում, մարզկենտրոն Գյումրիից 14 կմ հյուսիս-արևմուտք, Ախուրյան գետի ձախ կողմում՝ ձորից մոտ 1 կմ հեռավորության վրա։

Գյուղ
Բանդիվան
Երկիր	Հայաստան
Մարզ	ՇիրակիՇիրակի մարզ|Շիրակի
Համայնք	Շիրակի մարզ և Ամասիայի շրջան
Մակերես	10.8 կմ²
ԲԾՄ	1940 մ
Պաշտոնական լեզու	Հայերեն
Բնակչություն	273[1] մարդ (2012)
Ազգային կազմ	Հայեր
Ժամային գոտի	UTC+4
Բանդիվան (Հայաստան)

Բնակչություն

Ըստ Հայաստանի 2011 թ. մարդահամարի արդյունքների՝ Բանդիվանի մշտական բնակչությունը կազմել է 259, առկա բնակչությունը՝ 260 մարդ^[2]։ Բնակիչները հայեր են, որոնց նախնիները 1829 թվականին գաղթել են Կարսի Տեկոր գյուղից^[3]։

Բանդիվանի բնակչության փոփոխությունը ժամանակի ընթացքում՝ ստորև^[4].

Տարի	1831	1873	1897	1914	1916	1919	1926	1939	1959	1970	1979	1989	2001	2011
Բնակիչ	213	501[5]	806	1054	309	458	392	640	376	336	315	284	269	259[2]

Տնտեսություն

Բնակչությունը զբաղվում է անասնապահությամբ, դաշտավարությամբ և պտղաբուծությամբ։

Պատմամշակութային կառույցներ

Բանդիվանի շրջակայքում են գտնվում «Ներքին Բանդիվան» գյուղատեղին (մ.թ.ա. 1-ին հազարամյակ) իր համանուն դամբարանադաշտով և պատմական «Թագավորական» կամուրջը։ Գյուղի տարածքում կան ամրոցներ և հնագույն բերդերի ավերակներ։ Գյուղն ունի 1909 թ.-ին կառուցված սուրբ Աստվածածին եկեղեցի։

Տես նաև

• Բանդիվանի պատմության և մշակույթի անշարժ հուշարձանների ցանկ (Շիրակի մարզ)

Ծանոթագրություններ

1. ԱՎԾ տվյալներ
2. 2011 թ Հայաստանի մարդահամարի արդյունքները
3. «Հայաստանի և հարակից շրջանների տեղանունների բառարան», հտ. 1, էջ 594
4. «Հայաստանի հանրապետության բնակավայրերի բառարան, էջ 43» (PDF). Արխիվացված է օրիգինալից (PDF) 2014 թ․ սեպտեմբերի 12-ին. Վերցված է 2014 Ապրիլի 25-ին.
5. Զավեն Կորկոտյան, «Խորհրդային Հայաստանի բնակչությունը վերջին հարյուրամյակում (1831-1931)»