Արվիդ Գրիգուլիս

Արվիդ Գրիգուլիս (լատիշ․՝ Arvīds Grigulis, հոկտեմբերի 12, 1906(1906-10-12)^[1], Լիֆլանդիայի նահանգ, Ռուսական կայսրություն - հոկտեմբերի 5, 1989(1989-10-05)^[1], Ռիգա, Լատվիական ԽՍՀ, ԽՍՀՄ^[2]), լատվիացի խորհրդային գրող, գրականագետ, դրամատուրգ, արձակագիր, քննադատ։ Լատվիայի ԽՍՀ ժողովրդական գրող (1976)։ Լատվիայի ԽՍՀ մշակույթի վաստակավոր գործիչ (1947)։ Ստալինի 2-րդ աստիճանի մրցանակի դափնեկիր (1948)։ ԽՄԿԿ անդամ (1954)։ Բանասիրական գիտությունների թեկնածու (1961), դոցենտ, պրոֆեսոր (1973)։

Արվիդ Գրիգուլիս լատիշ․՝ Arvīds Grigulis
Ծնվել է	հոկտեմբերի 12, 1906(1906-10-12)[1]
Ծննդավայր	Լիֆլանդիայի նահանգ, Ռուսական կայսրություն
Վախճանվել է	հոկտեմբերի 5, 1989(1989-10-05)[1] (82 տարեկան)
Վախճանի վայր	Ռիգա, Լատվիական ԽՍՀ, ԽՍՀՄ[2]
Գերեզման	Ռայնիսի գերեզմանատուն
Մասնագիտություն	գրող, բանաստեղծ, գրականագետ, թարգմանիչ և համալսարանի դասախոս
Լեզու	լատիշերեն
Քաղաքացիություն	ԽՍՀՄ
Կրթություն	Լատվիայի համալսարան
Գիտական աստիճան	բանասիրական գիտությունների դոկտոր
Անդամակցություն	ԽՍՀՄ Գրողների միություն
Կուսակցություն	ԽՄԿԿ
Պարգևներ	և
Ամուսին	Mirdza Klava?

Կենսագրություն

Արվիդ Գրիգուլիսը ծնվել է 1906 թվականին Վալմիրայի նահանգում, գյուղացու ընտանիքում։ Մասնակցել է Հայրենական մեծ պատերազմին։ 1935 թվականին ավարտել է Լատվիայի համալսարանի իրավաբանական ֆակուլտետը։ 1945 թվականից դասավանդել է նույն համալսարանի լատվիական գրականության ֆակուլտետում։ Պատմական հետազոտությունների և գրականության տեսության հեղինակ է։ Եղել է ԼԽՍՀ գերագույն խորհրդի պատագամավոր։

Մահացել է 1989 թվականի հոկտեմբերի 5-ին^[3]։

Ստեղծագործություններ

Գրական գործունեությունն սկսել է 1927 թվականից։ 1940-ական թվականների կեսերից հանդես է եկել որպես դրամատուրդ։ Հայրենական մեծ պատերազմի տարիներին համագործակցել է «Լատվիայի հրաձիգը» թերթի հետ։ Գրել է պիեսներ, ակնարկներ, բանաստեղծություններ, պատմվածքներ, վիպակներ։ 1948 թվականին «Կավ և ճենապակի» պիեսի համար արժանացել է ԽՍՀՄ պետական մրցանակի։ Երեխաների համար գրել է «Երրորդ բրիգադը», «Սահմանապահները, երկու տղա և Մարս շունը», «Յուզիսի ճանապարհորդությունը»։ 1950 թվականին լատիշերեն է թարգմանել «Ասք Իգորի ճակատամարտի մասին» ստեղծագործությունը։

Մրցանակներ, պարգևներ

• Ստալինյան 2-րդ աստիճանի մրցանակ (1948) «Կավ և ճենապակի» (1947) պիեսի համար
• Լատվիայի ԽՍՀ ժողովրդական գրող (1976)
• Լատվիայի ԽՍՀ մշակույթի վաստակավոր գործիչ (1947)
• 5 այլ մեդալներ ու շքանշաններ

Ծանոթագրություններ

1. Bibliothèque nationale de France data.bnf.fr (ֆր.): տվյալների բաց շտեմարան — 2011.
2. Deutsche Nationalbibliothek Record #130458651 // Gemeinsame Normdatei (գերմ.) — 2012—2016.
3. Հանուն բարեկամության, «Բալթիական առավոտ», լատվիական պատմվածքների ժողովածու, «Սովետական գրող» հրատարակչություն, 1983

Աղբյուրներ

• Энциклопедический словарь, т. 1, М., «Большая советская энциклопедия», 1953—1955
• Большая советская энциклопедия
• Театральная энциклопедия