Արծնի

Արծնի, գյուղ Հայաստանի Լոռու մարզի Տաշիր համայնքում^[1]։

Գյուղ
Արծնի
Երկիր	Հայաստան
Մարզ	ԼոռուԼոռու մարզ|Լոռու
Համայնք	Տաշիր (համայնք) | Տաշիր համայնք[1]
Այլ անվանումներ	Կզըլդաշ, Ղզըլդաշ
Մակերես	5,614 կմ²
ԲԾՄ	1700 մ
Պաշտոնական լեզու	Հայերեն
Բնակչություն	239[2] մարդ (2011)
Ազգային կազմ	Հայեր
Կրոնական կազմ	Հայ Առաքելական եկեղեցի
Տեղաբնականուն	արծնեցի
Ժամային գոտի	UTC+4
Պաշտոնական կայք	lori.mtad.am/about-communities/480/ (հայ.)
Արծնի (Հայաստան)

Գտնվում է Տաշիր քաղաքից 15 կմ հյուսիս-արևելք, մարզկենտրոնից 55 կմ հյուսիս-արևմուտք՝ Վրաստանի հետ պետական սահմանից 1-2 կմ հեռավորության վրա։ Գյուղը Արծնի է վերանվանվել 1991 թ.-ի ապրիլի 3-ին^[3]։ 2017 թվականից մտնում է Սարչապետ համայնքի կազմի մեջ, իսկ 2022թ-ից Տաշիր խոշորացված համայնքի կազմում ։

2010 թ․ին Հայաստան համահայկական հիմնադրամի Մոնրեալի տեղական մարմնի ֆինանսավորմամբ վերանորոգել է Արծնիի համայնքային կենտրոնը^[4]։. Հիմնադրամի Գերմանիայի տեղական մարմնի հովանավորությամբ էլ 2011 թ.-ին համայնքում կառուցվել է գազամատակարարման համակարգ^[5]։

Կլիմա

Կլիման բարեխառն լեռնային է, տևական ցուրտ ձմեռներով։ Ձնածածկույթը ամեն տարի կայուն է։ Ամառները տաք են և համեմատաբար խոնավ։ Տարեկան մթնոլորտային տեղումների քանակը՝ 600-700 մմ։

Կրթություն

Գյուղի միջնակարգ դպրոցը Հայաստան համահայկական հիմնադրամը վերակառուցել է 2010 թվականին՝ Հնդկաստանի կառավարության ֆինանսավորմամբ^[6]

Բնակչություն

Ըստ Հայաստանի 2011 թ. մարդահամարի արդյունքների՝ Արծնիի մշտական բնակչությունը կազմել է 239, առկա բնակչությունը՝ 200 մարդ^[2]։ Մինչև 1989 թ. բնակեցված է եղել ադրբեջանցիներով^[7]։

Արծնիի բնակչության փոփոխությունը ժամանակի ընթացքում՝ ստորև^[3].

Տարի	1897	1926	1939	1959	1979	2001	2011
Բնակիչ	102	409	548	577	931	371	239[2]

Գյուղատնտեսություն

Գյուղատնտեսական նշանակության հողերը կազմում են 487,3 հա, որից վարելահողերը՝ 190,4 հա, խոտհարքերը՝ 36,3 հա, իսկ արոտավայրերը՝ 231,8 հա։ Բնակիչները հիմնականում զբաղվում են անասնապահությամբ, ինչպես նաև մեղվաբուծությամբ, դաշտավարությամբ, հացահատիկային, կերային, բանջարաբոստանային կուլտուրաների մշակությամբ։

Շինություններ

Գյուղն ունի դպրոց, բուժկետ և կապի հանգույց։

Տես նաև

• Արծնիի պատմության և մշակույթի անշարժ հուշարձանների ցանկ (Լոռու մարզ)