Արգիշտի Քյարամյան

Արգիշտի Էլբեկի Քյարամյան (մայիսի 22, 1991(1991-05-22)^[1], Երանոս, Մարտունու շրջան, Հայկական ԽՍՀ, ԽՍՀՄ), հայ, ՀՀ ԱԱԾ նախկին տնօրեն (2020 թվականի հունիսի 8-ից մինչև հոկտեմբերի 8-ը)։ Հայաստանի քննչական կոմիտեի նախագահ։ Արդարադատության երրորդ դասի պետական խորհրդական։

Արգիշտի Քյարամյան
Դրոշ ՀՀ ԱԱԾ տնօրեն
2020 հունիսի 8-ից - 2020 հոկտեմբերի 8
Դրոշ ՀՀ ԱԱԾ փոխտնօրեն
2020 մայիսի 5 - 2020 հունիսի 8
ՀՀ ՔԿ նախագահի տեղակալ
04.05.2020-05.05.2020 24.12.2020-12.07.2021
Դրոշ ՀՀ ՊՎԾ պետի տեղակալ
2019 մարտի 1 - 2020 մայիսի 4
Հայաստանի քննչական կոմիտեի նախագահ
2021 հուլիսի 12
Կրթություն՝	ԵՊՀ իրավաբանական ֆակուլտետ
Մասնագիտություն՝	իրավաբան
Ծննդյան օր	մայիսի 22, 1991(1991-05-22)[1] (33 տարեկան)
Ծննդավայր	Երանոս, Մարտունու շրջան, Հայկական ԽՍՀ, ԽՍՀՄ
Քաղաքացիություն	Հայաստան
Հայր	Էլբեկ Քյարամյան
Ռազմական ծառայություն
Կոչում՝

Կենսագրություն

Ծնվել է 1991 թվականի մայիսի 22-ին Գեղարքունիքի մարզի Երանոս գյուղում^[2]։ 2009-2011 թվականներին ծառայել է Հայաստանի զինված ուժերում։

Կրթություն

• 2013թ. ավարտել է ԵՊՀ իրավագիտության ֆակուլտետը՝ ստանալով իրավագիտության բակալավրի աստիճան։
• 2015թ. ավարտել է Հայաստանի արդարադատության ակադեմիայում դատախազի թեկնածությունների ցուցակում ընդգրկված անձանց մասնագիտական պատրաստման դասընթացը։
• 2016թ. ավարտել է ԵՊՀ իրավագիտության ֆակուլտետի մագիստրատուրան։

Աշխատանքային գործունեություն

• 2013-2014թթ., ծառայել է ՀՀ ոստիկանությունում, ապա աշխատել է ՀՀ քննչական կոմիտեի քննչական բաժնում՝ որպես քննիչ։
• 2016թ․ հունիսի 1-ից մինչև 2018թ․ հունիսի 6-ը աշխատել է ՀՀ դատախազությունում՝ որպես Շիրակի մարզի դատախազության, ապա՝ Երևան քաղաքի դատախազության դատախազ։
• 2018թ. հունիսի 8-ից, աշխատել է ՀՀ ԿԱ ՊԵԿ իրավախախտումների հայտնաբերման ու վարչական վարույթների իրականացման վարչության պետ, հետաքննության վարչության պետ, հետաքննության և օպերատիվ–հետախուզական վարչության պետի տեղակալ։
• 2019թ. մարտի 1-ից, աշխատել է ՀՀ պետական վերահսկողական ծառայության ղեկավարի օգնական, ղեկավարի տեղակալ, ծառայության ղեկավարի պարտականությունները կատարող։
• 2020թ. մայիսի 4-ի ՀՀ Վարչապետի որոշմամբ  նշանակվել է ՀՀ քննչական կոմիտեի նախագահի տեղակալ^[3]։
• 2020թ. մայիսի 5-ին Հանրապետության նախագահի հրամանագրով նշանակվել է ՀՀ ազգային անվտանգության ծառայության տնօրենի տեղակալ^[4]։
• 2020թ. հունիսի 8-ին Հանրապետության նախագահի հրամանագրով նշանակվել է ՀՀ ազգային անվտանգության ծառայության տնօրեն։
• 2020թ . դեկտեմբերի 24-ից մինչև 2021 թվականի հուլիսի 12-ը ՀՀ քննչական կոմիտեի նախագահի տեղակալ։
• 2021թ. հուլիսի 12-ին նշանակվել է ՀՀ քննչական կոմիտեի նախագահ։

Պարգևներ

Աշխատանքային գործունեության ընթացքում պարգևատրվել է գերատեսչական մեդալներով և այլ պարգևներով։

2021թ․ Արցախի Հանրապետության նախագահի հրամանագրով պարգևատրվել է «Արիության համար» մեդալով։

Ընտանիք

Ամուսնացած է, ունի չորս զավակ։

Ծանոթագրություններ

1. Կենսագրությունը՝ ՀՀ Քննչական կոմիտեի կայքում
2. One, Studio. «Կենսագրություն - ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔՆՆՉԱԿԱՆ ԿՈՄԻՏԵ». www.investigative.am. Արխիվացված է օրիգինալից 2022 թ․ հունվարի 25-ին. Վերցված է 2022 թ․ հունվարի 25-ին.
3. «Վարչապետի որոշումներ - Հայաստանի Հանրապետության էլեկտրոնային կառավարում | e-gov». www.e-gov.am. Արխիվացված է օրիգինալից 2020 թ․ հուլիսի 3-ին. Վերցված է 2020 թ․ հուլիսի 3-ին.
4. «Հանրապետության նախագահի հրամանագրերը - Փաստաթղթեր - Հայաստանի Հանրապետության Նախագահ». www.president.am. Վերցված է 2020 թ․ հուլիսի 3-ին.