Անկյունային հաճախություն

Անկյունային հաճախությունը (ռադիանային հաճախություն, շրջանային հաճախություն, ցիկլիկ հաճախություն), սկալյար ֆիզիկական մեծություն, որով արտահայտվում է պտտական կամ տատանողական շարժման հաճախությունը։ Պտտական շարժման դեպքում անկյունային հաճախությունը հավասար է անկյունային արագության վեկտորի մոդուլին։ ՄՀ համակարգում անկյունային հաճախությունն արտահայտվում է ռադիան/ վայրկյանով, իսկ չափողականությունը հակադարձ համեմատական է ժամանակին, քանի որ ռադիանը չափողականություն չունի։ Անկյունային հաճախությունը տատանումների փուլի ածանցյալն է ըստ ժամանակի՝

${\displaystyle \omega =\partial \varphi /\partial t\,}$:

Այլ տարածված նշանակում է ${\displaystyle \omega ={\dot {\varphi }}}$:

Անկյունային հաճախությունը (ռադիանների թիվը վայրկյանում) f հաճախության (պտույտների կամ տատանումների թիվը վայրկյանում) հետ կապված է

${\displaystyle \omega ={2\pi f}\,}$

կամ, աստիճանով արտահայտած՝

${\displaystyle \omega ={360f}\,}$

առնչությամբ։

Թվային արժեքով անկյունային հաճախությունը հավասար է 2π վայրկյանում տեղի ունեցած տատանումների (պտույտների) թվին։ Անկյունային հաճախությունը թույլ է տալիս պարզեցնել տեսական ֆիզիկայի և էլեկտրոնիկայի շատ բանաձևեր։ Օրինակ, LC տատանողական կոնտուրի ռեզոնանսային անկյունային հաճախությունը ${\displaystyle ~~\omega _{LC}=1/{\sqrt {LC}}}$ է, իսկ «սովորական» ռեզոնանսային հաճախությունը՝ ${\displaystyle ~~f_{LC}=1/(2\pi {\sqrt {LC}})}$:

Տես նաև

• Հաճախություն
• Անկյունային արագություն