Աղին (Շիրակի մարզ)
գյուղ Հայաստանի Շիրակի մարզում From Wikipedia, the free encyclopedia
Աղին, գյուղական համայնք Հայաստանի Շիրակի մարզում՝ մարզկենտրոնից 28 կմ հարավ-արևմուտք։ Այն իր մեջ ընդգրկում է Աղին և Աղին կայարան բնակավայրերը։
Անվան այլ կիրառումների համար տե՛ս՝ Աղին (այլ կիրառումներ)
| Գյուղ | ||
|---|---|---|
| Աղին | ||
 | ||
| Երկիր |  Հայաստան | |
| Մարզ | Շիրակի | |
| Համայնք | Շիրակի մարզ, Անիի շրջան և Ալեքսանդրապոլի գավառ | |
| Գյուղապետ | Գագիկ Հակոբյան | |
| Մակերես | 2,5 կմ² | |
| ԲԾՄ | 1470 մետր | |
| Պաշտոնական լեզու | հայերեն | |
| Բնակչություն | ▼382 մարդ (2011)[1] | |
| Ազգային կազմ | Հայեր | |
| Ժամային գոտի | UTC+4 | |
| Հեռախոսային կոդ | 242[2] | |
| ||
Ըստ գյուղի հնաբնակների պատմությունների՝ Աղին գյուղի անվանումը կապված է գյուղի թուրքական լծի ժամանակների հետ։ Երբ գյուղացիներին հարցրել են՝ ցորենը ուր եք տանում, նրանք պատասխանել են՝ աղին (այսինքն՝ աղային) ենք տանում, ու այդպես մնացել է Աղին անվանումը։
Ռելիեֆը խայտաբղետ է, տեղումները՝ շատ։ Գյուղի աշխարհագրական դիրքը լեռնային է, կլիմայական պայմանները՝ անբարենպաստ։
Նախկինում նույն անվանմամբ մտել է Արևելյան Հայաստանի Երևանի նահանգի Ալեքսանդրապոլի գավառի մեջ։
2001 թվականի տվյալներով Աղինում 474 մշտական բնակիչ կար, իսկ Աղին կայարանում՝ 73 բնակիչ[3]։ 2012 թվականին 2 բնակավայրերում միասին 605 բնակիչ է ապրում։
Աղին գյուղը հիմնադրվել է 1872 թվականին։
Ախուրյանի ջրամբարը կառուցելուց հետո 1990 թվականից բնակչությունը մասամբ տեղափոխվել է նոր կառուցված ավան, որի հետևանքով գյուղը բաժանվեց 4 մասի։
Գյուղի հարևանությամբ է անցնում Գյումրի - Երևան երկաթգիծը, ունի երկաթուղային կայարան։ Կայարանը հիմնադրվել է 1926 թվականին և կոչվել է «Աղին» կայարան։ Գյուղում կա 1878 թվականին կառուցված Սուրբ Հակոբ եկեղեցին։ 1934 թվականից գյուղն ունի հիվանդանոց, 1998 թվականին ՄԱԿ-ի զարգացման ծրագրի կողմից կառուցվեց նոր առողջության կենտրոն՝ 15 մահճակալով և ծննդօգնության բաժանմունքով։ Գյուղի միջնակարգ դպրոցը հիմնադրվել է 1938 թվականին։ Խորհրդային տարիներին գյուղն ունեցել է կոլտնտեսություն, որը միշտ եղել է առաջավորներից մեկը։ 1960-ականներից գյուղն անցել է Անիի շրջանի մեջ և դադարել է շրջկենտրոն լինելուց։
Բնակչության նախնիները 1829-1830 թվականներին գաղթել են Մուշից, Ալաշկերտից և Բասենից, 1877-1878 թվականների՝ Կարսից։ Աղինի ազգաբնակչության փոփոխությունը.[4]
Բնակչությունը զբաղվում է անասնաբուծությամբ, մեղվաբուծությամբ և հացահատիկի մշակությամբ։
Աղինում են գտնվում Սուրբ Հակոբ (1878 թ.) և Սուրբ Գրիգոր եկեղեցիները և «Թուխ Մանուկ» մատուռը։
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
