Աբու Դաբի

Աբու Դաբի (արաբ․՝ ابوظبي‎‎, «Եղջերուի հայրը»), Միացյալ Արաբական Էմիրությունների և Աբու Դաբիի Էմիրության մայրաքաղաքը։ Նավահանգիստ Պարսից ծոցի ափին^[2]։ Բնակչությունը՝ ▲1 483 000 մարդ (2020)^[1]։

Քաղաք
Աբու Դաբի
أبو ظبي
Դրոշ
Երկիր	ԱՄԷ
Ենթարկում	Մայրաքաղաք
Համայնք	Abu Dhabi
Շեյխ	Խալիֆա բին Նայադ ալ Նյանի
Մակերես	67 340 կմ²
ԲԾՄ	14 մետր
Պաշտոնական լեզու	արաբերեն
Խոսվող լեզուներ	արաբերեն
Բնակչություն	▲1 483 000 մարդ (2020)[1]
Խտություն	9 221,9 մարդ/կմ²
Ժամային գոտի	UTC+4
Հեռախոսային կոդ	(+971) 2
Պաշտոնական կայք	abudhabi.ae
Աբու Դաբի (Արաբական Միացյալ Էմիրություններ)
Աբու Դաբի Վիքիպահեստում

Պատմություն

Հիմնադրվել է 1760 թվականին։ Մի գեղեցիկ լեգենդ կա ՄԱԷ-ի մայրաքաղաքի ստեղծման մասին։ Արաբ որսորդները օազիսներից մեկում եղջերուին հետապնդելիս հասնում են Պարսից ծոցի ափերը, որտեղ էլ եղջերուն ջուրն է նետվում և լողալով հասնում մի կղզու։ Որսորդները հետևում են եղջերվին, որն էլ նրանց հասցնում է քաղցրահամ աղբյուրի մոտ։ Որսորդներն, ի նշան երախտագիտության, չեն սպանում նրան։ Իսկ աղբյուրի մոտ հիմնված բնակավայրը կոչում են «Եղջերուի հայրը», ինչը արաբերեն հնչում է որպես Աբու Դաբի։

Աշխարհագրություն

Պարսից ծոցի կղզիներից մեկում է՝ մայրցամաքից 4 կմ հեռավորության վրա։ Կղզին մայրցամաքին կապված է 2 ավտոմոբիլային կամուրջներով։

Տրանսպորտ

Քաղաքում է Մինա Զաիդ նավահանգիստը և Միջազգային օդանավակայանը։

Հիմնական փոխադրամիջոցը տաքսին է։ Փողոցները լայն են, արդիական կառուցապատմամբ, երթևեկությունը եռագիծ է բոլոր կողմերից։ Որպես կանոն՝ հյուսիսից հարավ ձգվում են ճանապարհները, իսկ արևմուտքից արևելք՝ փողոցները։ Փողոցները բաժանված են կենտրոնից, բաժանման գիծը պատված է արմավենիներով։

Սպորտ

2009 թվականից Յաս կղզու ճանապարհին ընդունվում է Ֆորմուլա 1-ի էտապներից մեկը՝ Աբու Դաբիի գրան-պրին։