Ֆիլիպ Ջյան (ֆր.՝ Philippe Djian, ֆրանսերեն: , հունիսի 3, 1949[2][3][4][…], Փարիզ, Ֆրանսիա[5][6]), ֆրանսիացի գրող հայկական ծագումով։ 2012 թվականին ստացել է Ինտերալյե մրցանակ (Prix Interallié) «Օհ...» վեպի համար (Elle[8] անգլերեն թարգմանության համար)[9][10]:
![]() | |
Ծնվել է | հունիսի 3, 1949[2][3][4][…] (75 տարեկան) |
Ծննդավայր | Փարիզ, Ֆրանսիա[5][6] |
Մասնագիտություն | վիպասան, թարգմանիչ, գրական խմբագիր, սցենարիստ, գրող և երգերի հեղինակ |
Քաղաքացիություն | ![]() |
Կրթություն | École supérieure de journalisme de Paris? |
Ժանրեր | ռոք[7] |
Պարգևներ | |
![]() |
Ջյանն ավարտել է Փարիզի լրագրության բարձրագույն դպրոցը (Ecole Supérieure de Journalisme de Paris): Թափառումներից և տարօրինակ աշխատանքների շրջանից հետո 1981 թվականին հրապարակել է «50 հակադրություն 1» կարճ պատմվածքների ժողովածուն, այնուհետև «Կապույտ, ինչպես դժոխք» (1982) և «Էրոգեն գոտի» (1984) վեպերը՝ նախքան «37°2 կանուխ» (1985), «Անիծված կիսաբեմ» (1986), «Կռնակ» (1988), «Կոկորդիլոսներ» (կարճ պատմվածք) (1989), «Դանդաղ դեպի դուրս» (1991), «Սոթոս» (1993) և «Մարդասպաններ» (1994) վեպերով ճանաչում ձեռք բերելը։
Իր վեպերից հինգի հիման վրա նկարահանվել են կինոնկարներ. «37°2 կանուխ» (1986 թվական, ֆիլմի անգլերեն անվանումը՝ «Betty Blue»), որը նկարահանել է Ժան-Ժակ Բենեկսը, «Կապույտ, ինչպես դժոխք» (1986 թվական, ֆիլմի անգլերեն անվանումը՝ «Blue Hell») ֆիլմի ռեժիսոր՝ Իվ Բուասսե, «Աններելի» (2011 թվական, ֆիլմի անգլերեն անվանումը՝ «Unforgivable»), ռեժիսոր՝ Անդրե Տեշինե, «Սերը կատարյալ հանցագործություն է» (2013 թվական, ֆիլմի բնօրինակ անվանումը՝ «L'Amour est un crime parfait»), ռեժիսորներ՝ Արնաուդ Լարյու, Ջին Մարի Լարյու և «Օհ...» (2016 թվական, ֆիլմ՝ «Նա», ռեժիսոր՝ Պաուլ Վերհուվեն, որտեղ գլխավոր դերով հանդես է եկել Իզաբել Հյուպպերը), այն բարձր է գնահատվել քննադատների կողմից[11] և ներկայացվել «Օսկար», Կաննի կինոփառատոնի «Ոսկյա արմավենու ճյուղ», «Ոսկե գլոբուս» և այլ մրցանակների[12]։
Հեռուստահաղորդավար Անտուան դը Կոնը նրան ծանոթացնում է շվեյցարացի երգիչ Ստեֆան Էյչերի հետ։ Նրանք ընկերանում են և Ջյանը սկսում է հեղինակել Էյչերի երգերի բառերը, առնվազն ֆրանսերեն երգերի։
Ջյանը հաճախ է փոփոխել կեցության վայրը (Բոստոնից տեղափոխվել է Ֆլորենցիա)։ Այսօր նա ապրում է Բիարիցում և միջին հաշվով, յուրաքանչյուր 18 ամիսը մեկ վեպ է գրում։ Ոգեշնչված ամերիկյան հեռուստատսերիալներից, 2005 թվականին գրված «Doggy bag» վեպով նա սկսում է գրական շարք վեց եթերաշրջանի համար։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.