Սերգեյ Օբրազցով

Սերգեյ Վլադիմիրովիչ Օբրազցով (ռուս.՝ Серге́й Влади́мирович Образцо́в, հունիսի 22 (հուլիսի 5), 1901^[1], Medvedkovo, Մոսկվա, Ռուսական կայսրություն^[1] - մայիսի 8, 1992(1992-05-08)^{[2][3][4][…]}, Մոսկվա, Ռուսաստան^[1]), ռուս խորհրդային թատերական գործիչ, դերասան, ռեժիսոր։ ԽՍՀՄ ժողովրդական արտիստ (1954)։ Սոցիալիստական աշխատանքի հերոս (1971)։

Սերգեյ Օբրազցով ռուս.՝ Сергей Владимирович Образцов
Ծնվել է	հունիսի 22 (հուլիսի 5), 1901[1]
Ծննդավայր	Medvedkovo, Մոսկվա, Ռուսական կայսրություն[1]
Մահացել է	մայիսի 8, 1992(1992-05-08)[2][3][4][…] (90 տարեկան)
Մահվան վայր	Մոսկվա, Ռուսաստան[1]
Գերեզման	Նովոդեվիչյան գերեզմանոց
Քաղաքացիություն	ԽՍՀՄ և  Ռուսաստան
Մայրենի լեզու	ռուսերեն
Կրթություն	Վխուտեմաս[5]
Մասնագիտություն	դերասան, տիկնիկագործ, կինոռեժիսոր, թատերական ռեժիսոր, թատերական ուսուցիչ, հրապարակախոս, puppet designer, ռեժիսոր և սցենարիստ
Աշխատավայր	Ռուսաստանի թատերական արվեստի համալսարան
Պարգևներ և մրցանակներ	և
Երեխաներ	Q115962275?
Sergey Obraztsov Վիքիպահեստում

1918-1926 թվականներին սովորել է Վխուտեմասի գեղանկարչության, ապա գրաֆիկայի ֆակուլտետում։ 1922-1930 թվականներին՝ ՄԳԱԹ-ի երաժշտական ստուդիայի (1926 թվականից՝ Նեմիրովիչ-Դանչենկոյի անվան երաժշտական թատրոն), 1930-1936 թվականներին՝ 2-րդ ՄԳԱԹ-ի դերասան։ Առաջին անգամ տիկնիկներով ելույթ է ունեցել 1920 թվականին։ 1930-ական թվականների կեսին արդեն էստրադայի ճանաչված արտիստ էր։ Հանդես է եկել «տիկնիկներով ռոմանսներ» պարոդիական ժանրով։ 1931 թվականին գլխավորել է Տիկնիկային պետական կենտրոնական թատրոնը, մշակել այդ թատրոնի տեսությունը և մեթոդիկան, ստեղծել խաղացանկը, դաստիարակել դերասանների և ռեժիսորների կադրեր։ Բեմադրություններից են

Երեխաների համար.

• Սպերանսկու «Կաշտանկա» (1935)
• Տարախովսկայայի «Ձկան հրամանով» (1936)
• Գեռնետի «Ալադինի լամպը» (1940)
• Մարշակի «Միստր Թվիստր» (1961),

Մեծերի համար.

• Սպերանսկու «Արքա-եղջերուն» (1943)
• Շտոկի «Արտասովոր համերգ» (1946)
• Շտոկի «Աստվածային կատակերգություն» (1961)։

Աշխատանք

1956 թվականից աշխատում է նաև կինոյում (սցենարիստ և ռեժիսոր)։ 1976 թվականից՝ Տիկնիկավարների միջազգային միության և այդ կազմակերպության սովետական կենտրոնի (1958 թվականից) պրեզիդենտ։ 1935 թվականից (ընդհատումներով) զբաղվում է մանկավարժությամբ (պրոֆեսոր՝ 1973 թվականից)։ Հյուրախաղերով Երևանում հանդես է եկել 1978 թվականին։

Մրցանակներ, շքանշաններ

Լենինյան մրցանակ (1984), ԽՍՀՄ պետական մրցանակ (1946) և ՌԽՖՍՀ Ստանիսլավսկու անվան պետական (1967) մրցանակներ։ Պարգևատրվել է Լենինի 2 և 2 այլ շքանշաններով։

Ծանոթագրություններ

1. Большая российская энциклопедия (ռուս.) — М.: Большая российская энциклопедия, 2004.
2. Internet Movie Database — 1990.
3. Encyclopædia Britannica
4. Բրոքհաուզի հանրագիտարան (գերմ.)
5. https://wepa.unima.org/en/sergei-obraztsov/

Վիքիպահեստն ունի նյութեր, որոնք վերաբերում են «Սերգեյ Օբրազցով» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 12, էջ 509)։