Սարանդա
From Wikipedia, the free encyclopedia
From Wikipedia, the free encyclopedia
Սարանդա (ալբ․՝ Saranda կամ Sarandë), առողջարանային քաղաք Ալբանիայի Վլյորայի գավառում։
Քաղաք | |||
---|---|---|---|
Սարանդա | |||
ալբ․՝ Saranda կամ Sarandë | |||
| |||
Երկիր | Ալբանիա | ||
Գավառ | Վլյորայի գավառ | ||
Շրջան | Սարանդա | ||
Համայնք | Sarandë District?, Վլյորա և Sarandë municipality? | ||
Այլ անվանումներ | Օնչեսմուս | ||
Մակերես | 58,96 կմ² | ||
ԲԾՄ | 0 մետր | ||
Խոսվող լեզուներ | ալբաներեն | ||
Բնակչություն | 37757 մարդ (2009) | ||
Ազգային կազմ | ալբանացիներ, հույներ[1][2] | ||
Կրոնական կազմ | մուսուլմաններ (~70%), ուղղափառներ (~20%), կաթոլիկներ (~10%) | ||
Ժամային գոտի | UTC+1, ամառը UTC+2 | ||
Հեռախոսային կոդ | +355 (0) 85 | ||
Փոստային դասիչ | 9700 | ||
Ավտոմոբիլային կոդ | SR | ||
Պաշտոնական կայք | saranda.al | ||
| |||
Քաղաքի ներկայիս անվանումը գալիս է Ագիի Սարանդա (հուն․՝ Άγιοι Σαράντα) կամ Սանտի-Կուրանտա (Santi Quaranta) մենաստանի անունից։ Հնում քաղաքը կոչվում էր Օնչեսմուս. այդպես այն անվանել էր Կաոն (Կաոնիանս) ցեղախումբը (որոշ տվյալներով՝ հին հունական ցեղ[3][4], այլ տվյալներով՝ իլլիրյան)։ 1912 թվականի նոյեմբերի 28-ին քաղաքից ոչ հեռու՝ Վլյորայում, հռչակվել է Ալբանիայի անկախությունը, սակայն փաստացիորեն այդ ժամանակվանից մինչ 1920 թվականը երկրի տարածքը պարբերաբար շրջափակման էր ենթարկվում իտալական, սերբական ու հունական զորքերի կողմից։
Երբ 1939 թվականին քաղաքը գրավվեց իտալական բանակի կողմից, շրջափակողներն այն վերանվանեցին Պորտո-Էդդա (իտալ.՝ Porto Edda)՝ ի պատիվ Բենիտո Մուսոլինիի ավագ դստեր՝ Էդդա Մուսոլինիի։ Սակայն հույները, որ դեռ հնուց այս տարածաշրջանը՝ Հյուսիսային Էպիրը (հուն․՝ Βόρειος Ήπειρος), համարում են Մեծ Հունաստանի մաս, 1940 թվականին արագորեն վտարեցին իտալացիներին, թեև ոչ երկար ժամանակով։ Գերմանիան, Իտալիան ու Բուլղարիան 1941 թվականին սկսեցին Հունաստանի շրջափակումը։ Իտալացիերը պարտություն կրեցին 1943 թվականին, և նրանց զորքերը հեռացան Ալբանիայից։ 1944 թվականին գերմանացիները վտարվեցին երկրից, իսկ Երկրորդ համաշխարհային պատերազմի ավարտից հետո Սարանդան Վլյորայի գավառի Սարանդայի շրջանի վարչական կենտրոնն է։
1997 թվականին Սարանդան դարձավ Ալբանիայում լայն տարածում գտած անկարգություների անցկացման վայրերից մեկը։
Սարանդայի հենց կենտրոնում գտնվում են ուղղափառական տաճար և միջնադարյան սինագոգ։ Ոչ հեռու տեղակայված է հնագիտական թանգարան-արգելավայրը՝ հնագույն Բուտրինտի քաղաքի ավերակները, որ ընդգրկված է ՅՈՒՆԵՍԿՕ-ի համաշխարհային ժառանգության ցանկում, ինչպես նաև մեկ այլ անտիկ քաղաքի՝ Ֆինիչիի ավերակները, որտեղ, ըստ որոշ հետազոտողների, գտնվում է հունականին նման Ակրոպոլ, բայց զգալիորեն ավելի մեծ չափերի։
Սարանդայի շրջակայքում են գտնվում նաև քարե դարի՝ Ալբանիայում հայտնաբերված ամենաշատ հուշարձանները, այդ թվում՝ Կոստանդնուպոլսյան քարանձավները։
Քաղաքի տնտեսության կարևորագույն ոլորտն է զբոսաշրջությունը, որ պայմանավորված է տեղի կլիմայի առանձնահատկություններով. այստեղ տարվա մեջ լինում են միջինը 300 արևոտ օրեր։ Զբոսաշրջության զարգացմանը նպաստում են նաև լողափերի առկայությունը, ինչպես նաև ոչ հեռու համաշխարհային ճանաչում ունեցողհունական Քորֆու կղզուց ոչ հեռու տեղակայված լինելը։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.