Սանտա Կրուս դե լա Սարսա

Սանտա Կրուս դե լա Սարսա
Քաղաք
	Սանտա Կրուս դե լա Սարսա
	Santa Cruz de la Zarza
	Զինանշան
	Սանտա Կրուս դե լա Սարսայի դիրքը Իսպանիայի քարտեզի վրա
Երկիր	Իսպանիա
Քաղաք	Մեսա դե Օկանիյա
Նահանգ	Toledo Province?
Հիմնադրված է	1175 թ.
Մակերես	264,54 կմ²
ԲԾՄ	790 մ
Բնակչություն	4940 մարդ (2010)
Ժամային գոտի	UTC+1
Փոստային ինդեքս	45370
Փոստային դասիչ	45370
Ավտոմոբիլային կոդ	TO
Պաշտոնական կայք	santacruzdelazarza.es
	Սանտա Կրուս դե լա Սարսա (Իսպանիա)
	Սանտա Կրուս դե լա Սարսա (Իսպանիա)
	Սանտա Կրուս դե լա Սարսա Վիքիպահեստում

Սանտա Կրուս դե լա Սարսա (իսպ. Santa Cruz de la Zarza), քաղաք և վարչական տարածք Իսպանիայում, Տախո գետի ափին, մտնում է Տոլեդո նահանգի կազմի մեջ՝ Կաստիլիա Լա Մանչա ինքնավար համայնքի կազմում։ Համայնքը գտնվում է Մեսա դե Օկանիյա շրջանի կազմում։ Զբաղեցնում է 264,54 քառակուսի կիլոմետր տարածք։ Նահանգի վարչական կենտրոնից հեռավորությունը կազմում է 85 կիլոմետր։

Արագ փաստեր Քաղաք, Երկիր ...

Փակել

Քաղաքի հովանավորներն են համարվում Նուեստրո Պադրե Խեսուսը և սուրբ կույս դել Ռոսարիոն։ Աստվածամայր Ռոսարիոյի պատվին տոնակատարությունները նշվում են օգոստոսի վերջին։

Քաղաքը հիմնադրված է 1175 թվականից ոչ ուշ։ Հնագույն մնացորդները վերաբերվում են պղնձե դարի երկրորդ կեսին (VII-VI դարեր մեր թվարկությունից առաջ), որի մասին վկայում են Լաս Էսպերիլլաս (իսպ.Las Esperillas) հնագույն դամբարանային հուշագրություններում։ Հռոմի պապ Ալեքսանդր III-ը 1175 թվականի հուլիսի 5-ին հաստատել է կարգի ստեղծումը, կուսակրոն-ասպետները ստեղծեցին «Encomienda», 1242 թվականին ասպետական օրդենի գրոսսմեյստեր (ասպետական բարձրագույն կոչում և ղեկավար) Ռոդրիգո Ինյիգեսը (Յանես) դարձրեց այն Սանտա Կրուս շրջանի կենտրոն, իսկ 1253 թվականին գրոսսմեյստեր Պելադո Պերես Կորրեան նրան շնորհեց հատուկ արտոնություններ։ «Դե լա Սարսա» անվանումը ավելացվել է XVI դարում։

Իր գտնվելու դիրքով՝ տեղակայված Տախոյի հովտի վրա տեսարանով, քաղաքը դարձավ Մերիդա և Սարագոսա քաղաքների միջև հաղորդակցության կենտրոն և ամրացած դիրք ուներ Հռոմեական շրջանում, իսկ այնուհետև նաև վեստգոթերի ու արաբների շրջանում։

Որոշ աղբյուրներ նշում են, որ Սանտա Կրուս դե լա Սարսա անվանումը կարող է ծագել իր աշխարհագրական դիրքի պատճառով՝ երկու հովիտների միջև ընկած, որոնց մեջ կար մոշի լեռ^[1]։

Իսպանիայում անմահացվել է խորհրդային օդաչուների հիշատակը, որոնք զոհվել են 30-ական թվականների վերջին՝ Քաղաքացիական պատերազմի ժամանակ։ Քաղաքներից մեկում, որտեղ տեղակայված է եղել, այսպես կոչված, «ինտերնացիոնալ բրիգադի» օդանավակայանը, տեղի բնակիչների նախաձեռնությամբ հուշարձան է կանգնեցվել։

Ո՛չ բլրակ, ո՛չ նշան, ուղղակի խճաքարեր։ Նրանք թաղված են այստեղ ինչ-որ տեղ։ Քաղաքային արխիվում չի պահպանվել ո՛չ անուն, ո՛չ կոչում և, նույնիսկ, ո՛չ էլ ճշգրիտ քանակ։ Հինգ կամ վեց խորհրդային օդաչուներ, որոնք իրենց կյանքն են տվել Իսպանիայի համար, թաղված են Սանտա Կրուս դե լա Սարսա քաղաքի գերեզմանատանը։

Նրանք ժամանեցին այստեղ քաղաքացիական պատերազմի սկզբում, արյունահեղության թեժ ժամանակ, երբ մի ճամբարի ներկայացուցիչները մահապատժի էին ենթարկում մյուս ճամբարի ներկայացուցիչներին առանց դատ ու դատաստանի։ Նրանց հաջողվեց վերջ դնել դրան և փրկել շատ կյանքեր։ Մենք՝ Իսպանացիներս, նրանց շատ երախտապարտ ենք։

- Սանտա Կրուս դե լա Սարսա քաղաքի քաղաքապետ Մունյոս Սանչես

։

Առաջին կամավորները Իսպանիա ժամանեցին 1936 թվականի օգոստոսին։ Նրանք, ընդամենը, մոտ երեք հազար էին։ Նրանցից մոտավորապես 200-ը այդպես էլ մնացին իսպանական հողում։ Մեծամասնությունը մարտնչում էին ուրիշ անուններով, քանզի Խորհրդային Միությունը պատերազմում պաշտոնապես չէր մասնակցում, իսկ, ոչ պաշտոնապես, աջակցում էր հանրապետականներին՝ ֆրանկիստների դեմ պայքարում Իսպանիայի օրինական ղեկավարության պաշտպաններին։ Պատմաբանները հետագայում կգրեն, որ դա Եվրոպայում ֆաշիզմի դեմ ամենաառաջին պայքարն էր։

Սենյոր Բրավոյին անվանում են Իսպանիայի վերջին ասը։ Ավելի քան երեսուն օդանավ՝ գրեթե բոլորը խորհրդային Ի-16 կործանիչներով։ Ռուս օդաչուների հետ նա պայքարում էր կողք կողքի և շատ բան է սովորել նրանցից։ Խորհրդային ավիացիայում առաջին խոյահարումը կատարվել է Իսպանիայի երկնքում և առաջին գիշերային օդամարտը, նույնպես, տեղի է ունեցել այստեղ։

Դուք մեզ օգնեցիք ամենադժվար րոպեներին։ Ժողովուրդը հիշում է ռուս մարտիկներին, որոնք եղել են մեզ մոտ և թողել են լավ հիշատակ։

- Խոսե Մարիա Բրավո Ֆերնանդես Էրմոսա՝ վետերան

Սանտա Կրուս դե լա Սարսայում ասում են, որ քաղաքապետարանի մոտի հրապարակը վերջին 100 տարվա ընթացքում չի փոխվել և սրճարանը գտնվում է այստեղ դեռ մինչպատերազմյան ժամանակներից։ Այնտեղ հավաքվում էին ռուսները, այստեղ կանգնած էր երկու ավիաջոկատ՝ 25 օդաչու։ Կաստիլյան ապուրով ճաշը նրանց համար հաճախ անվճար էր։

Նրանց բոլորը հարգում էին, իսկական մարտիկներ էին, խիզախ, ազնիվ, անշահախնդիր և ապրում էին ինչպես և մենք՝ հասարակ իսպանացիներս, կիսում էին իրենց հացը մեզ հետ։ Ես այն ժամանակ շատ երիտասարդ էի, բայց այդ ամենը լավ հիշում եմ։

- Խուակիմ Արիաս Լորիենտէ՝ տեղացի բնակիչ

Գորշ գրանիտե սալաքար և ռուսերեն ու իսպաներեն գրություն։ Դա արդեն չորրորդ հուշարձանն է խորհրդային զինվորներին, որոնք պայքարել են երկրի ազատության համար։ Իսպանացիների համար այդ պատերազմը դեռ չսպիացած վերք է։ Չնայած ազգային հաշտությունը պաշտոնապես կայացել է բռնակալ Ֆրանկոյի մահից հետո՝ 1975 թվականին, գիտակները նախազգուշացնում են՝ միայն պետք չէ խոսակցություն բացել այդ թեմայի շուրջ, մի հուզեք իսպանական հոգին։ Բազմաթիվ փաստաթղթեր դեռ պահպանում են «գաղտնի» կնիքը, բայց տեղացի հետախույզները ցանկանում են պարզել բոլոր զոհվածների անունները։

Ալեքսանդր Կուզնեցով՝ Իսպանիայում Ռուսաստանի Դաշնության դեսպան

Դա մեր ընդհանուր պատմության նկատմամբ ազնիվ և բարեխիղճ վերաբերմունքի օրինակ է։ Հատկապես այն ֆոնի վրա՝ երբ որոշ երկրներում ավերում և պղծում են պատմական հուշարձանները։ Իսկ այստեղ՝ Իսպանիայում, ընդհակառակը։

- Ալեքսանդր Կուզնեցով՝ Իսպանիայում Ռուսաստանի Դաշնության դեսպան

Տրակտորավար Նիկոլասը ծնվել է պատերազմից շատ ուշ բայց խորհրդային օդաչուների մասին քիչ չի լսել։

Նիկոլաս՝ տրակտորավար

Իմ պապը աշխատել է ռուսների հետ՝ նա պահպանում էր օդանավակայանը։ Այ, մոտավորապես, այստեղ է դա եղել։ Իսկ հիմա այստեղ ես աշխատում եմ։

- Նիկոլաս՝ տրակտորավար

Խորհրդային օդանավակայանից, համարյա, ոչինչ չի մնացել։ Ձիթապտղի պուրակ, որտեղ թաքցնում էին ռմբակոծիչները, փայտաշեն տնակների ավերակները՝ այստեղ գտնվում էր հրամանատարական կետը և ռմբապաստարանը՝ այս գետնափորում սարսռեցնող է նույնիսկ հիմա՝ 70 տարի անց։

Իսկ այ թռիչքադաշտը արդեն չկա։ Այն գտնվում էր մոտակայքում, ձգվում էր ուղիղ հյուսիսից հարավ։ Այս տարածքը, վաղուց արդեն, մասնավոր սեփականություն է։ Այստեղ հացահատիկ են ցանում և ժամանակ առ ժամանակ հողում գտնում են արկեր և փամփուշտներ՝ անցած պատերազմի վկայություններ։

Բնակչությունը՝ 4940 մարդ (2010 թվականի տվյալներով)։

Մանրամասն տեղեկատվություն Թվական, Բնակչություն ...

Թվական	Բնակչություն	Թվական	Բնակչություն
1970	4226	2001	4505
1981	4217	2005	4764
1991	4302	2007	4775
1996	4439	2009	4929
2000	4392	2010	4940

Փակել

Տնտեսությունը հիմնականում հիմնված է անասնապահության, գյուղատնտեսության (խաղող, ձիթապտուղ և հացահատիկ) և ծառայություն մատուցելու վրա հիմնված գրասենյակներով։

Քաղաքի կենտրոնում կան մի շարք պալատական տներ՝ գերբերի մեծ քանակով։

Սուրբ Յակովի եկեղեցի՝ կառուցվել է 1180 թվականին՝ ասպետ Սանտյագո Մանդարանի կողմից^[2]^[3]։
Սան Միգել եկեղեցի՝ առաջին հիշատակությունները վարաբերվում են 1185 թվականին։ Ավերվել է Քաղաքացիական պատերազմի ժամանակ։
Երրորդության նախկին մենաստան՝ հիմնադրվել է Պասկուալ Սանչեսի կողմից 1678 թվականին։
Արկո դե լա Վիլլա՝ հին պարսպի ավերակներ՝ քաղաքի շուրջ։ Ենթադրաբար կառուցվել է 1576 թվականին՝ Իսպանիայի թագավոր Ֆիլիպ II-ի պատվերով։

Գոյություն ունի վկայություն այն մասին, որ թատրոնը ստեղծվել է 1850 թվականին՝ Ռոմուալդո Ռիվասի կողմից։

Պոլիշեդ Դելֆին (1897 թվականի դեկտեմբերի 23 -1986 թվականի նոյեմբերի 18)՝ հանրահայտ տենոր։
Էմիլիո Պալոմո Ագուադո՝ քաղաքագետ և քաղաքական գործիչ։
Ալմալիա Ավիա Պենյա (1926 թվականի ապրիլի 23 - 2011 թվականի մարտի 30)՝ նկարիչ։
Թոմաս Մեդինա Մոտա (1940)՝ ռեալիստ-գեղանկարիչ։
Ալմարսա Սանտյագո Կաբալյերո (1931)՝ մուլտիպլիկատոր և ծաղրանկարիչ։

1993 թվականից Սանտա Կրուս դե լա Սարսան հանդիսանում է ֆրանսիական Լա Գրանդ Կրուայի քույր քաղաքը։

Աղյուսակում բերված են Սանտա Կրուս դե լա Սարսա քաղաքի հեռավորությունը մյուս քաղաքներից։

Մանրամասն տեղեկատվություն Քաղաքներ, Հեռավորություն (կմ) ...

Քաղաքներ	Հեռավորություն (կմ)	Քաղաքներ	Հեռավորություն (կմ)	Քաղաքներ	Հեռավորություն (կմ)
Տոլեդո	85	Մադրիդ	83	Բասսեյն	101
Տարանկոն	16	Օկանա	31	Արանխուես	46
Սյուդադ Ռեալ	165	Ալբաչետե	186	Գվադալահարա	112
Կուինտանար դե լա Օրդեն	51	Ալմագեր	29	Ալկալա դե Հենարես	88
Բարսելոնա	629	Մատարո	660	Վալենսիա	289
Վիլլյարուբիա դե Սանտյագո	19	Նոբլեհաս	25	Վիլյամանրիկե դե Տահո	11
Սարսա դե Տահո	7	Ֆուենտիդուենիա դե Տահո	21	Արգանդա դել Ռեյ	57

Փակել

Մանրամասն տեղեկատվություն Ջերմաստիճանի և տեղումների տարեկան միջին ցուցանիշները Սանտա Կրուս դե լա Սարսա (2009), Ամիս ...

Ջերմաստիճանի և տեղումների տարեկան միջին ցուցանիշները Սանտա Կրուս դե լա Սարսա (2009)
Ամիս	հունվ	փետ	մարտ	ապր	մայ	հուն	հուլ	օգոս	սեպ	հոկ	նոյ	դեկ	տարին
բացարձակ առավելագույնը (°C)	16,9	21,3	24,9	27,4	35,1	39,4	41,4	39,2	35,2	30,8	25,7	17,8	29,59
միջին առավելագույնը (°C)	8,58	13,43	18,7	18,82	27,06	32,15	35,11	35,72	28,29	24,75	17,83	10,4	22,58
միջին ջերմաստիճանը (°C)	3,65	5,96	9,9	11,14	18,01	23,73	26,22	26,43	20,48	15,77	10,4	5,72	14,8
միջին նվազագույնը (°C)	−0,77	−0,45	1,87	3,25	8,53	12,51	15,6	17,09	12,78	8,3	3,75	1,1	6,97
բացարձակ նվազագույնը (°C)	−12,6	−3,7	−1,7	−2,8	2,7	0	11,4	12,0	0	−1	−3	−12,8	−0,95
տեղումների քանակը (մմ)	29,6	28,8	37	33,8	8	13,4	0	5,2	3,2	21,6	16,6	13,6	333,2

Փակել

Մանչեգո պանիր
Զաֆրանի ծաղիկ
Ձիթենի
Արկո լա Վիլլա
Անձավի մեջ տուն գյուղում
Մանդոլինա
Գաչա
Հորնազո
Նախկին մենաստանի դիմային ճակատը
2006 թվականի փետրվարի ձնից հետո
Վազող ճագար
Նշենու ծաղիկը

[1]
Cfr. la scheda (Իսպաներեն) "Municipio de Santa Cruz de la Zarza" sul sito Diputación de Toledo.
[2]
«Արխիվացված պատճենը». Արխիվացված է օրիգինալից 2013 թ․ փետրվարի 24-ին. Վերցված է 2014 թ․ նոյեմբերի 11-ին.
[3]
http://www.asociaciondonquijote.org Մեդիա տեղեկատու

Վիքիպահեստն ունի նյութեր, որոնք վերաբերում են «Սանտա Կրուս դե լա Սարսա» հոդվածին։

[1] [1]
Cfr. la scheda (Իսպաներեն) "Municipio de Santa Cruz de la Zarza" sul sito Diputación de Toledo.

[2] [2]
«Արխիվացված պատճենը». Արխիվացված է օրիգինալից 2013 թ․ փետրվարի 24-ին. Վերցված է 2014 թ․ նոյեմբերի 11-ին.

[3] [3]
http://www.asociaciondonquijote.org Մեդիա տեղեկատու

[1]

[2]

[3]

Սանտա Կրուս դե լա Սարսա

Wikiwand in your browser!

Wikiwand in your browser!

Պատմություն

Կապը Խորհրդային Միության հետ

Բնակչություն

Տնտեսություն

Հուշարձաններ և տեսարժան վայրեր

Թատրոն

Հայտնի մարդիկ

Քույր քաղաքներ

Հեռավորությունը մյուս քաղաքներից

Կլիմա

Պատկերասրահ

Արտաքին հղումներ

Ծանոթագրություններ