Ռուապեհու
From Wikipedia, the free encyclopedia
From Wikipedia, the free encyclopedia
Ռուապեհու (անգլ.՝ Mount Ruapehu, մաորի՝ Ruapehu բառից, նշանակում է որոտացող անդունդ), գործող հրաբուխ Նոր Զելանդիայի Հյուսիսային կղզում՝ Թոնգարիրո ազգային պարկում, Օհակունե քաղաքից մոտավորապես 25 կիլոմետր դեպի հյուսիս-արևելք, Թաուպո լճի հարավային ափից շուրջ 40 կիլոմետր դեպի հարավ-արևմուտք։
Ռուապեհու | |
---|---|
Տեսակ | հրաբուխ |
Երկիր | Նոր Զելանդիա |
Վարչատարածքային միավոր | Ruapehu District? և Taupō District? |
Աշխարհագրական տեղադրություն | Հյուսիսային կղզի |
Լեռնաշղթա | North Island Volcanic Plateau? |
Բարձրությունը ծովի մակարդակից | 2797 մետր |
Հարաբերական բարձրություն | 2797 մետր |
Բարձրագույն գագաթ | Tahurangi? |
Պահպանման տարածք | Թոնգարիրո ազգային պարկ |
Սմիթսոնիան կոդ | 241100 |
Ռուապեհուի լանջերին՝ ծովի մակերևույթից 1700-2000 մետրի սահմանագծից վեր, գտնվում են ձնածածկ հատվածներ և շուրջ երկու տասնյակ, թեև ոչ մեծ, բայց յուրօրինակ սառցադաշտեր[1] և գլխավորապես դահուկավազքի սիրահարների ու դահուկորդ մարզիկների համար նախատեսված հանգստյան հանգրվաններ։ Ռուապեհուն Նոր Զելանդիայի խոշորագույն հրաբուխն է և Հյուսիսային կղզու ամենաբարձր լեռը՝ իր երեք գագաթներով, որոնցից Թահուրանգին ծովի մակերևույթից բարձր է 2.797, Թե Հեուհեուն՝ 2.755, Փարետետայիտոնգան՝ 2.751 մետր։ Այդ գագաթների միջև ընկած է խոր, գործող խառնարանը, որը հրաբխային մեծ ժայթքումների միջակայքում լցված է լինում ջրով։
Ուսումնասիրողների կարծիքով՝ Ռուապեհուն, որ հիմնականում կազմված է անդեզիտից, հրաբխային ակտիվություն սկսել է դրսևորել մոտավորապես 250.000 տարի առաջ։ Նոր ժամանակներում, երբ սկսել են գրանցել հրաբխային ժայթքումները, նկատել են, որ մեծ ժայթքումներ տեղի են ունենում հիսուն տարին մեկ անգամ[2], իսկ փոքրերի թիվը, 1945 թվականից այս կողմ, արդեն անցել է վաթսունից։ 1970 թվականին տեղի ունեցած նման ոչ մեծ ժայթքումներից մեկի ժամանակ արտանետված մոխիրն ու խարամը որոշակի վնաս են պատճառել հանգստյան տներին ու դահուկուղիներին[3]։
Ռուապեհուի լանջերին են նկարահանվել կինոռեժիսոր Փիթեր Ջեքսոնի «Մատանիների տիրակալը» հանրահայտ կինոնկարի որոշ տեսարաններ[4]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.