From Wikipedia, the free encyclopedia
Ռոբերտ Լոուել (անգլ.՝ Robert Lowell, մարտի 1, 1917[1][2][3][…], Բոստոն, ԱՄՆ[4] - սեպտեմբերի 12, 1977[1][5][3][…], Նյու Յորք, Նյու Յորք, ԱՄՆ[4])[11], ·[12], քսաներորդ դարի ամերիկացի բանաստեղծ, թատերագիր, գրաքննադատ, մանկավարժ, պոեզիայում կոնֆեսիոնալիզմի՝ խոստովանական ուղղության ներկայացուցիչ[13]։ Համարվում է այդ շարժման «հայրը»։ Համբավվել է նաև որպես 1950-1960-ական թվականների ամերիկյան պոեզիային անվանի ներկայացուցիչների (ինչպես, օրինակ, Աննա Սեքստոնի, Սիլվիա Պլատի) ուսուցիչ և ոգեշնչող։ 1962 թվականին Լոուելն ընտրվել է Ամերիկյան պոետների ակադեմիայի նախագահ և այն գլխավորել մինչև իր մահը[14]։
Ռոբերտ Լոուել | |
---|---|
![]() | |
Ծննդյան անուն | ֆր.՝ Robert Traill Spence Lowell, Jr. |
Ծնվել է | մարտի 1, 1917[1][2][3][…] |
Ծննդավայր | Բոստոն, ԱՄՆ[4] |
Վախճանվել է | սեպտեմբերի 12, 1977[1][5][3][…] (60 տարեկան) |
Վախճանի վայր | Նյու Յորք, Նյու Յորք, ԱՄՆ[4] |
Մասնագիտություն | բանաստեղծ, թարգմանիչ, հակապատերազմային ակտիվիստ և գրող |
Քաղաքացիություն | ![]() |
Կրթություն | Հարվարդի համալսարան, St. Mark's School?, Քենյոն քոլեջ և Հարվարդի քոլեջ |
Ուշագրավ աշխատանքներ | Lord Weary's Castle?, Life Studies? և For the Union Dead? |
Անդամակցություն | Բավարիայի գեղարվեստի ակադեմիա և Արվեստի և գրականության ամերիկյան ակադեմիա |
Աշխատավայր | Հարվարդի համալսարան և Այովայի համալսարան |
Պարգևներ | |
Ամուսին | Jean Stafford?[10], Elizabeth Hardwick?[10] և Լեդի Քերոլայն Բլեքվուդ[10] |
Զավակներ | Harriet Winslow Lowell?[5][10] և Robert Sheriden Lowell?[5][10] |
![]() |
«Թերևս՝ քսաներորդ դարի երկրորդ կեսի ամերիկյան ամենանշանավոր բանաստեղծը». այսպես է բնութագրել նրան Ամերիկյան պոետների ակադեմիան քսաներորդ դարի արդյունքների ամփոփմանը նվիրված զեկույցում։ Ռոբերտ Լոուելը մեծ ազդեցություն է գործել անգլիալեզու մշակույթի վրա։ 1947 թվականին նրան շնորհվել է ԱՄՆ-ի դափնեկիր բանաստեղծի կոչում։ Այդ նույն տարում արժանացել է Պուլիտցերյան մրցանակի («Լորդ Ուիրիի ամրոցը» բանաստեղծական ժողովածուի համար)։ Այդ հեղինակավոր գրական մրցանակը երկրորդ անգամ նրան շնորհվել է 1974 թվականին՝ «Դելֆինը» ժողովածուի համար։
Ռոբերտ Թրեյլ Սփենս Լոուել Կրտսերը ծնվել ու հասակ է առել Բոստոնում, այդ քաղաքի արտոնյալ ու անվանի ընտանիքներից մեկում, որը մինչ այդ արդեն երկու նշանավոր բանաստեղծ էր տվել՝ իմաժինիզմի կարկառուն ներկայացուցիչներ Ջեյմս Ռասել Լոուելին և Էմմի Լոուելին։
Ռոբերտը բանասիրական բարձրագույն կրթություն է ստացել Հարվարդի համալսարանում և Օհայոյի Քենիոն քոլեջում, որից հետո զբաղվել է դասախոսական աշխատանքով։ Իր համոզմունքներով լինելով պացիֆիստ (խաղաղասեր)՝ նա Երկրորդ համաշխարհային պատերազմի տարիներին հրաժարվել է ծառայել բանակում, որի պատճառով բանտարկվել է։ Հետագայում՝ 1960-ական թվականներին բողոքել է նաև վիետնամական պատերազմի դեմ։
Վախճանվել է 1977 թվականի սեպտեմբերի 12-ին, Նյու Յորքում[15]։
(անգլերեն)Marjorie Perloff, The Poetic Art of Robert Lowell, éd. Cornell university press, 1973
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.