![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3d/Radian_cropped_color.svg/langhy-640px-Radian_cropped_color.svg.png&w=640&q=50)
Ռադիան
From Wikipedia, the free encyclopedia
Ռադիան (նշանակումը՝ ռադ, rad; լատ.՝ radius - աղեղ, շառավիղ բառից), Միավորների միջազգային համակարգում և մաթեմատիկայի բազմաթիվ ոլորտներում անկյունների չափման միավոր։
![Thumb image](http://upload.wikimedia.org/wikipedia/commons/thumb/3/3d/Radian_cropped_color.svg/320px-Radian_cropped_color.svg.png)
![Thumb image](http://upload.wikimedia.org/wikipedia/commons/thumb/4/4e/Circle_radians.gif/320px-Circle_radians.gif)
Այն կենտրոնական անկյունը, որի հենման աղեղի երկարությունը հավասար է շրջանագծի շառավղին, կոչվում է մեկ ռադիան մեծությամբ անկյուն[1]։ Արտահայտված աստիճաններով մեկ ռադիանը հավասար է մոտ 57.3 աստիճանի (համաձայն A072097 ): Միավորը նախկինում համարվում էր SI լրացուցիչ միավոր, սակայն միավորների այս կատեգորիան վերացվել է 1995 թվականին, և ռադիանը այժմ համարվում է SI ածանցյալ միավոր[2]։
Տարածաչափական, ոչ հարթ անկյունների չափման միավորը ՍԻ համակարգում կոչվում է ստեռադիան։
Ռադիանը հիմնականում նշանակվում է rad նշանով (Յունիկոդում՝ U+33AD ㎭)[3]: Այլընտրանքային նշանն է՝ c, լատինական c տառի վերտողային գրառումը (անգլերեն «circular measure» «շրջանային չափ»), r տառը կամ վերտեղային R[4], բայց այդ գրառման տարբերակները հազվադեպ են օգտագործվում, քանի որ այն հեշտությամբ կարելի է շփոթել աստիճանի նշանի (°) կամ շառավղի (r) նշանակումների հետ։ Այսպիսով, օրինակ, 1,2 ռադիանի արժեքը կարող է գրվել որպես 1,2 ռադ, 1,2 rad, 1,2 r, 1,2 rad, 1,2 c կամ 1,2 R:
![Thumb image](http://upload.wikimedia.org/wikipedia/commons/thumb/6/67/2pi-unrolled.gif/640px-2pi-unrolled.gif)