From Wikipedia, the free encyclopedia
Պուերտո Սեռանո (իսպ.՝ Puerto Serrano), բնակավայր և համայնք Իսպանիայի հարավում՝ Անդալուսիայի մաս հանդիսացող Կադիս պրովինցիայի Սիեռա դե Կադիս շրջանում (կոմարկայում)։ Զբաղեցնում է 80 կմ² տարածք։ 2016 թվականի տվյալներով բնակչության թվաքանակը եղել է 7 111[4]։ Պրովինցիայի վարչական կենտրոնից՝ Կադիս քաղաքից հեռավորությունը 105 կիլոմետր է։
Պուերտո Սեռանո | |
---|---|
Տեսակ | Իսպանիայի մունիցիպալիտետ |
Երկիր | Իսպանիա |
Վարչատարածք | Կադիս |
ԲԾՄ | 168 մետր |
Մակերես | 80 կմ² |
Մասն է | Arcos de la Frontera notary district?[1], Mancomunidad de Municipios de la Sierra de Cádiz?[2] և Սիեռա դե Կադիս[3] |
Այս բնակավայրի պատմության վաղ շրջանի մասին տեղեկություններն աղքատիկ են։ Ենթադրվում է, որ նրա տեղում է գտնվել հին հռոմեական Մարսիեգո քաղաքը[5]։ Պատմական որոշ աղբյուրներ հիշատակում են, որ այստեղ է մահացել վեստգոթերի Ռոդերիխ (Ռոդրիգո) թագավորը[6], ում օրոք է տեղի ունեցել Պիրենեյան թերակղզու նվաճումը արաբների կողմից։
Արաբական տիրապետության շրջանում բնակավայրը, Գայլիր անվանումով, գտնվել է Կորա դե Մորոնի ենթակայության ներքո[7]։ Պուերտո Սեռանոյի տարածքում ու շրջակայքում հայտնաբերվել են հին հռոմեական և արաբական քաղաքակրթությունների առկայության վկայություններ, այդ թվում՝ հռոմեական ժամանակներից մնացած մեկ սյուն[5]։
Բնակավայրը արաբներից (մավրերից) ազատագրվել է մոտավորապես 1240 թվականին[7], որից հետո այն բավականին տևական ժամանակ հիմնականում ծառայել է որպես ռազմական հենակետ, որն ունեցել է կայազոր։ Համարվում է, որ ժամանակակից քաղաքը հիմնադրվել է 1615 թվականին՝ Լա Պուեբլա դե Պուերտոսեռանո անվանումով (La Puebla de Puertoserrano), որը տասնիններորդ դարում՝ 1835 թվականին վարչականորեն առանձնացել է Մորոնից[5][8]։
Մեր օրերում բնակավայրի տնտեսության հիմնական ճյուղը գյուղատնտեսությունն է, մասնավորապես՝ անասնապահությունը[9] :
Տարեթիվ | Բնակ․ | ±% |
---|---|---|
1999 | 6743 | — |
2000 | 6758 | +0.2% |
2001 | 6789 | +0.5% |
2002 | 6781 | −0.1% |
2003 | 6859 | +1.2% |
2004 | 6828 | −0.5% |
2005 | 6852 | +0.4% |
Աղբյուր՝ INE (Spain) |
Մերձակայքում է գտնվում 20-րդ դարասկզբին կառուցված երկաթուղային կայարանի շենքը, որը ներկայումս ծառայում է գյուղական տուրիզմին (ի դեպ, Պուերտո Սեռանոն ընդգրկված է Vía Verde de la Sierra զբոսաշրջային երթուղու մեջ, սովորաբար այստեղից է տրվում հետիոտն, հեծանվային կամ հեծյալ արշավի մեկնարկը)։
Տեսարժան վայրերից են հին հռոմեական Fuente de Ramos նեկրոպոլիսը և Սանտա Մարիա Մագդալենա սրբավայրը, որտեղ ցուցադրված է «Քրիստոսը՝ պատին» (Cristo emparedado)[10]:
Պուերտո Սեռանոյի՝ առավել մեծ ժողովրդականություն վայելող տոնակատարություններից են[11]՝
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.