From Wikipedia, the free encyclopedia
Մարտեն դե Ռոն (հոլ.՝ Marten de Roon, մարտի 29, 1991[1][2], Զվայնդրեխտ, Հարավային Հոլանդիա, Նիդերլանդներ), հոլանդացի պրոֆեսիոնալ ֆուտբոլիստ։ Ներկայումս հանդես է գալիս Ատալանտայի և Նիդերլանդների ազգային հավաքականի կազմում։ Խաղում է կենտրոնական կիսապաշտպանի դիրքում[3]։
![]() Դե Ռոնը 2016 թվականին | |||
Անձնական տվյալներ | |||
Ամբողջական անուն | Marten Elco de Roon | ||
Քաղաքացիությունը |
![]() | ||
Ծննդյան ամսաթիվ | մարտի 29, 1991[1][2] (33 տարեկան) | ||
Ծննդավայր | Զվայնդրեխտ, Հարավային Հոլանդիա, Նիդերլանդներ | ||
Հասակ | 185 սմ | ||
Քաշ | 76 կգ | ||
Դիրք | կենտրոնական կիսապաշտպան | ||
Ակումբային տեղեկություններ | |||
Ներկա ակումբ |
![]() | ||
Համար | 15 | ||
Պատանեկան կարիերա | |||
1997-1999 |
![]() | ||
1999-2006 |
![]() | ||
2006-2010 |
![]() | ||
Մասնագիտական կարիերա* | |||
Տարի | Ակումբ | Խաղ (գոլ) | |
2010-2012 |
![]() | 58 | (2) |
2012-2015 |
![]() | 94 | (5) |
2015-2016 |
![]() | 36 | (1) |
2016-2017 |
![]() | 34 | (4) |
2017-ներկա |
![]() | 86 | (6) |
Ազգային հավաքական‡ | |||
2009 |
![]() | 3 | (1) |
2016-ներկա |
![]() | 16 | (0) |
| |||
* Մասնագիտական կարիերայում ընդգրկված են միայն առաջնության խաղերը և գոլերը |
Դե Ռոնը Սպարտա Ռոտերդամի ակադեմիայի սան է։ Իր պրոֆեսիոնալ դեբյուտը նշեց 2010 թվականի մարտի 27-ին՝ Տվենտեի դեմ խաղում[4]։ 2011 թվականի օգոստոսի 12-ին դե Ռոնը հեռացվեց խաղադաշտից Հելմոնդ Սպորտի դեմ խաղում՝ կարմիր քարտ ստանալով փոխարինման մտնելուց 24 րոպե անց[5]։ Իր առաջին գոլը պրոֆեսիոնալ կարիերայում խփեց սեպտեմբերի 26-ին՝ Ալմերե Սիթիի դեմ խաղում[6]։ 2012 թվականի ապրիլի 20-ին նա հեռացվեց խաղադաշտից ԱԳՕՎՎ Ապելդորնի դեմ խաղում՝ ստանալով երկրորդ դեղին քարտը հանդիպման 18-րդ րոպեին[7]։ Սպարտա Ռոտերդամի կազմում դե Ռոնը անցկացրեց 65 հանդիպում՝ դառնալով 2 գոլի և 5 գոլային փոխանցման հեղինակ։
2012 թվականի ապրիլին դե Ռոնը 3 տարվա պայմանագիր կնքեց Հերենվենի հետ[8]։ Իր դեբյուտը ակումբի կազմում նշեց օգոստոսի 2-ին՝ Եվրոպայի Լիգայի որակավորման 3-րդ փուլի Ռապիդ Բուխարեստի դեմ խաղում՝ այս խաղում դառնալով գոլի հեղինակ[9]։ Իր առաջին գոլը Էրեդիվիզիում խփեց 2013 թվականի մարտի 9-ին՝ ՊՍՎ Էյնդհովենի դեմ խաղում[10]։ Հերենվենի ավագի թևկապով դե Ռոնը առաջին անգամ խաղադաշտ դուրս եկավ օգոստոսի 3-ին՝ ԱԶ Ալկմարի դեմ խաղում[11]։ 2014-15 մրցաշրջանում հոլանդացին դարձավ թիմի հիմնական ավագը։ 2015 թվականի փետրվարի 22-ին նա հեռացվեց խաղադաշտից Գրոնինգենի դեմ խաղում՝ ստանալով երկրորդ դեղին քարտը հանդիպման 83-րդ րոպեին[12]։ Հերենվենի կազմում դե Ռոնը անցկացրեց 104 հանդիպում՝ դառնալով 6 գոլի և 3 գոլային փոխանցման հեղինակ։
2015 թվականի հուլիսի 11-ին դե Ռոնը միացավ Ատալանտային[13]։ Իր դեբյուտը նշեց 2015 թվականի օգոստոսի 15-ին՝ Իտալիայի գավաթի Չիտադելլայի դեմ խաղում՝ այս խաղում դառնալով գոլի հեղինակ[14]։ Առաջին հանդիպումը Սերիա A-ում անցկացրեց օգոստոսի 23-ին՝ Ինտեր Միլանի դեմ խաղում[15]։ Դեկտեմբերի 6-ին դե Ռոնը գոլի և գոլային փոխանցման հեղինակ դարձավ Պալերմոյի դեմ խաղում՝ օգնելով Ատալանտային հաղթել 3-0 հաշվով[16][17]։ 2016 թվականի ապրիլի 10-ին նա հեռացվեց խաղադաշտից Տորինոյի դեմ խաղում՝ ստանալով երկրորդ դեղին քարտը հանդիպման ավելացված ժամանակում[18]։ 2015-16 մրցաշրջանում դե Ռոնը անցկացրեց 37 հանդիպում՝ դառնալով 2 գոլի և 2 գոլային փոխանցման հեղինակ[19]։
2016 թվականի հուլիսի 4-ին դե Ռոնը 4 տարվա պայմանագիր կնքեց Միդլսբրոյի հետ[20][21][22]։ Ակումբը նրա համար վճարեց 12 միլիոն ֆունտ ստերլինգ[23][24][25]։ Իր դեբյուտը Միդլսբրոյի կազմում նշեց օգոստոսի 13-ին՝ Ստոկ Սիթիի դեմ խաղում՝ վնասվածք ստանալով և փոխարինվելով հանդիպման 22-րդ րոպեին[26]։ Իր առաջին գոլը խփեց նոյեմբերի 5-ին՝ Մանչեսթեր Սիթիի դեմ խաղում[27]։ 2017 թվականի ապրիլի 26-ին հոլանդացին խփեց Սանդերլենդի դեմ խաղի միակ գոլը՝ 1-0 հաշվով հաղթանակ պարգևելով իր թիմին[28]։ Միդլսբրոյի կազմում դե Ռոնը անցկացրեց 35 հանդիպում՝ դառնալով 5 գոլի հեղինակ[29]։
2017 թվականի օգոստոսի 10-ին դե Ռոնը վերադարձավ Ատալանտա[30][31][32][33]։ Առաջին հանդիպումը վերադարձից հետո անցկացրեց օգոստոսի 20-ին՝ փոխարինելով Բրիան Կրիստանտեին Ռոմայի դեմ խաղում[34]։ 2018 թվականի հունվարի 6-ին դե Ռոնը գոլ խփեց Ռոմայի դեմ խաղում, ապա հեռացվեց խաղադաշտից հանդիպման 45-րդ րոպեին[35]։ 2018 թվականի մարտի 11-ին հոլանդացին խփեց Բոլոնյայի դեմ հանդիպման միակ գոլը՝ 1-0 հաշվով հաղթանակ պարգևելով Ատալանտային[36]։ Ապրիլի 7-ին նա գոլ խփեց ՍՊԱԼ-ի դեմ խաղում, իսկ հանդիպումն ավարտվեց 1-1 հաշվով[37]։ 2017-18 մրցաշրջանում Դե Ռոնը անցկացրեց 46 հանդիպում բոլոր մրցաշարերում՝ դառնալով 3 գոլի և 3 գոլային փոխանցման հեղինակ[38]։
2018 թվականի հոկտեմբերի 21-ին Դե Ռոնը գոլի հեղինակ դարձավ Կիևոյի դեմ խաղում[39]։ 2019 թվականի փետրվարի 27-ին հոլանդացին գոլ խփեց Իտալիայի գավաթի կիսաեզրափակչի Ֆիորենտինայի դեմ խաղում, իսկ հանդիպումն ավարտվեց 3-3 հաշվով[40][41]։ Մայիսի 15-ին նա մեկնարկային կազմում խաղադաշտ դուրս եկավ Իտալիայի գավաթի եզրափակչի Լացիոյի դեմ խաղում[42], սակայն Ատալանտան պարտվեց 2-0 հաշվով[43][44]։ 2018-19 մրցաշրջանում Դե Ռոնը անցկացրեց 44 հանդիպում՝ դառնալով 3 գոլի ու 1 գոլային փոխանցման հեղինակ[45], և օգնելով իր թիմին զբաղեցնել 3-րդ հորիզոնականը առաջնությունում ու վաստակել տեղը Չեմպիոնների Լիգայում[46][47]։
Իր դեբյուտը Չեմպիոնների Լիգայում Դե Ռոնը նշեց 2019 թվականի սեպտեմբերի 18-ին՝ մեկնարկային կազմում խաղադաշտ դուրս գալով խմբային փուլի Դինամո Զագրեբի դեմ խաղում[48]։ Հոկտեմբերի 27-ին նա 2 գոլային փոխանցում տվեց Ուդինեզեի դեմ խաղում՝ օգնելով Ատալանտային հաղթել 7-1 հաշվով[49][50]։
Դե Ռոնը ներկայացրել է Նիդերլանդները մինչև 19 տարեկանների երիտասարդական հավաքականում։ Նիդերլանդների ազգային հավաքականում իր դեբյուտը նշեց 2016 թվականի նոյեմբերի 13-ին՝ փոխարինելով Բարտ Ռամսելարին Լյուքսեմբուրգի դեմ խաղում[51]։ Առաջին հանդիպումը հավաքականի մեկնարկային կազմում անցկացրեց 2018 թվականի հունիսի 4-ին՝ Իտալիայի դեմ ընկերական խաղում[52]։ Նոյեմբերի 19-ին Դե Ռոնը գոլային փոխանցում տվեց Քուինսի Պրոմեսին Գերմանիայի դեմ խաղում, իսկ հանդիպումն ավարտվեց 2-2 հաշվով[53][54]։
2019 թվականի մայիսի 28-ին Հատեբուրը ընդգրկվեց Նիդերլանդների՝ ՈՒԵՖԱ Ազգերի Լիգայի եզրափակիչ փուլի համար վերջնական կազմում[55][56][57][58]։ Նիդերլանդները զբաղեցրեց երկրորդ հորիզոնականը մրցաշարում[59][60]՝ եզրափակչում 1-0 հաշվով պարտվելով Պորտուգալիային[61][62]։
2020 թվականի հունվարի 13-ի դրությամբ[63]
Ակումբ | Մրցաշրջան | Առաջնություն | Գավաթ | Եվրոպա | Այլ | Ընդհանուր | ||||||
---|---|---|---|---|---|---|---|---|---|---|---|---|
Դիվիզիոն | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | ||
Սպարտա Ռոտերդամ | 2009–10 | Էրեդիվիզի | 3 | 0 | 0 | 0 | — | 1 | 0 | 4 | 0 | |
2010–11 | Էրստե Դիվիզի | 27 | 0 | 1 | 0 | 0 | 0 | 28 | 0 | |||
2011–12 | 28 | 2 | 3 | 0 | 2 | 0 | 33 | 2 | ||||
Ընդհանուր | 58 | 2 | 4 | 0 | 0 | 0 | 3 | 0 | 65 | 2 | ||
Հերենվեն | 2012–13 | Էրեդիվիզի | 26 | 1 | 2 | 0 | 4 | 1 | — | 32 | 2 | |
2013–14 | 32 | 3 | 3 | 0 | — | 35 | 3 | |||||
2014–15 | 36 | 1 | 1 | 0 | 37 | 1 | ||||||
Ընդհանուր | 94 | 5 | 6 | 0 | 4 | 1 | 0 | 0 | 104 | 6 | ||
Միդլսբրո | 2016–17 | Պրեմիեր Լիգա | 33 | 4 | 2 | 1 | — | 0 | 0 | 35 | 5 | |
2017–18 | Չեմպիոնշիպ | 1 | 0 | 0 | 0 | 0 | 0 | 1 | 0 | |||
Ընդհանուր | 34 | 4 | 2 | 1 | 0 | 0 | 0 | 0 | 36 | 5 | ||
Ատալանտա | 2015–16 | Սերիա A | 36 | 1 | 1 | 1 | — | — | 37 | 2 | ||
2017–18 | 34 | 3 | 4 | 0 | 8 | 0 | 46 | 3 | ||||
2018–19 | 35 | 2 | 4 | 1 | 5 | 0 | 44 | 3 | ||||
2019–20 | 17 | 1 | 0 | 0 | 6 | 0 | 23 | 1 | ||||
Ընդհանուր | 122 | 7 | 9 | 2 | 19 | 0 | 0 | 0 | 150 | 9 | ||
Կարիերայի ընդհանուր | 308 | 18 | 21 | 3 | 23 | 1 | 3 | 0 | 355 | 22 |
2020 թվականի հունվարի 13-ի դրությամբ[63]
Նիդերլանդներ | ||
---|---|---|
Տարի | Խաղեր | Գոլեր |
2016 | 1 | 0 |
2017 | 1 | 0 |
2018 | 6 | 0 |
2019 | 8 | 0 |
Ընդհանուր | 16 | 0 |
Ատալանտա
Նիդերլանդներ
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.