Մարմաշեն (Շիրակի մարզ)

Մարմաշեն (նախկին անվանումը՝ Վերին Ղանլիջա), գյուղ Հայաստանի Շիրակի մարզի Ախուրյանի տարածաշրջանում, մարզկենտրոն Գյումրիից 1 կմ հյուսիս-արևմուտք, Ախուրյան գետի ձախ կողմում։ Վերանվանվել է Մարմաշեն 1946 թվականի ապրիլի 26-ին^[2]։

Գյուղ
Մարմաշեն
Արագածի տեսքը Մարմաշենից
Երկիր	Հայաստան
Մարզ	ՇիրակիՇիրակի մարզ|Շիրակի
Համայնք	Շիրակի մարզ և Ախուրյանի շրջան
Մակերես	12.2 կմ²
ԲԾՄ	1620 մ
Պաշտոնական լեզու	հայերեն
Բնակչություն	2155[1] մարդ (2012)
Ազգային կազմ	հայեր
Կրոնական կազմ	Հայ Կաթոլիկ եկեղեցի
Տեղաբնականուն	մարմաշենցի
Ժամային գոտի	UTC+4
Մարմաշեն (Շիրակի մարզ) (Հայաստան)
Մարմաշեն Վիքիպահեստում

Բնակչություն

Ըստ Հայաստանի 2011 թ. մարդահամարի արդյունքների՝ Մարմաշենի մշտական բնակչությունը կազմել է 2032, առկա բնակչությունը՝ 2028 մարդ^[3]։ 1831 թվականից մինչ օրս բնակիչները հայեր են, որոնց նախնիները 1828-1830 թթ.-ին գաղթել են Կարսից, Դերջանից և Մուշից։

Մարմաշենի բնակչության փոփոխությունը ժամանակի ընթացքում՝ ստորև.

Տարի	Բնակչություն
1831	109 մարդ	[4]
1873	644 մարդ	[5]
1897	896 մարդ	[5]
1926	743 մարդ	[4]
1939	1066 մարդ	[4]
1959	1334 մարդ	[4]
1970	1404 մարդ	[4]
1979	1341 մարդ	[4]
1989	1727 մարդ	[4]
2001	1876 մարդ	[4]
2011	2032 մարդ	[6]

Տնտեսություն

Բնակչությունը զբաղվում է անասնապահությամբ, բանջարաբուծությամբ և այգեգործությամբ, նաև ճակնդեղի աճեցմամբ։

Գյուղի համայնապատկերը

Պատմամշակութային կառույցներ

Գյուղից 1 կմ հյուսիս-արևմուտք` Ախուրյան գետի ձախ ափին գտնվում է Մարմաշենի վանքը։ Մարմաշենից հարավ գտնվում են Տիրաշեն բնակատեղին, համանուն ամրոցը և դամբարանադաշտը (մ.թ.ա. 2-րդ հզմ.-X դար)։

Տես նաև

• Մարմաշենի պատմության և մշակույթի անշարժ հուշարձանների ցանկ (Շիրակի մարզ)
• Մարմաշենի վանք

Ծանոթագրություններ

1. ԱՎԾ տվյալներ
2. «Հայաստանի և հարակից շրջանների տեղանունների բառարան», հտ. 3, էջ 736
3. 2011 թ Հայաստանի մարդահամարի արդյունքները
4. Հայաստանի բնակավայրերի բառարան (հայ.) — Երևան: 2008. — էջ 133. — 184 p.
5. Կորկոտյան Զ. Խորհրդային Հայաստանի բնակչությունը վերջին հարյուրամյակում (1831-1931) (հայ.) — Երևան: 1932. — 185 p.
6. Հայաստանի 2011 թ. մարդահամարի արդյունքները (հայ.)