Հեյդեն Քրիստենսեն

Հեյդեն Քրիստենսեն (անգլ.՝ Hayden Christensen, ապրիլի 19, 1981(1981-04-19)^[2], Վանկուվեր, Մետրո Վանկուվեր, Բրիտանական Կոլումբիա, Կանադա^[1]), կանադացի դերասան։ Հանդիսատեսին հայտնի է «Տելեպորտ», «Աստղային պատերազմներ. Էպիզոդ II. Կլոնների հարձակումը» և «Աստղային պատերազմներ. Էպիզոդ III. Սիթհերի վրեժը» ֆիլմերից։

Հեյդեն Քրիստենսեն անգլ.՝ Hayden Christensen
Հասակը	187 սմ
Ծնվել է	ապրիլի 19, 1981 (43 տարեկան)
Ծննդավայր	Վանկուվեր,  Կանադա
Կրթություն	Լի Ստրասբերգի թատրոնի և կինոյի ինստիտուտ, Thornhill Secondary School?, Unionville High School? և Baythorn Public School?[1]
Քաղաքացիություն	Կանադա
Ազգություն	Կանադա
Մասնագիտություն	Դերասան
Ակտիվ շրջան	1989–այժմ
Ժանրեր	Դրամա, Մարտական, Արկածային
Ընտրանի	"Տելեպորտ", "Աստղային պատերազմներ. Էպիզոդ II. Կլոնների հարձակումը", "Աստղային պատերազմներ. Էպիզոդ III. Սիթհերի վրեժը"
Համատեղ ապրող(ներ)	Ռեյչել Բիլսոն
Պարգևներ և մրցանակներ	MTV կինոմրցանակ լավագույն չարագործին
Ոսկե Ազնվամորի 2006, 2003

Կենսագրություն

Հեյդեն Քրիստենսենը ծնվել է 1981 թվականի ապրիլի 19-ին Կանադայի Վանկուվեր քաղաքում՝ կանադացի ծրագրավորող Դեյվիդ Քրիստենսենի և ամերիկացի զեկուցող, իտալա-շվեդական ծագման Էլի Նելսոնի ընտանիքում։ Նրա մանկությունն անցել է Տորոնտոյում, որտեղի դպրոցներից մեկում էլ սովորել է։ Հեյդենի հայրը դեմ էր նրա դերասանական կարիերային, բայց, չլսելով հոր համառ հորդորները, նա որոշում է իր ապագան կապել այդ մասնագիտության հետ։ Առաջին փորձը Քրիստենսենը ձեռք է բերել ութ տարեկանում՝ մասնակցելով հարբուխի դեմ օշարակի գովազդային հոլովակում, իսկ տասներկու տարեկանում առաջին անգամ դեր է ստացել սերիալում։ Սկսնակ դերասանի հեռուստատեսային կարիերան հաջող է ընթանում, 1993 թվականից մինչև 2000 թվականները Քրիստենսենը նկարահանվում է մի շարք հայտնի հեռուստաֆիլմերում և սերիալներում։ Բացի հեռուստատեսությունում աշխատելուց՝ Քրիստենսենը սկսում է հայտնվել մեծ էկրանին։ Մի քանի կադրերում էպիզոդային դերեր ստանձնելուց հետո, որոնցից ամենահայտնին Սոֆի Կոպոլի «Կույսեր-ինքնասպաններ» ֆիլմն էր, նա հրավեր է ստանում նկարահանվելու «Կյանքն ինչպես տուն» ընտանեկան դրամայում։ Քրիստենսենն այդ ֆիլմում ներկայանում է դժվար բնավորություն ունեցող դեռահասի կերպարով, ով փորձում է հարաբերությունները կարգավորել հոր հետ։

Պարգևներ և մրցանակներ

«Կյանքն ինչպես տուն» ֆիլմի դերը Քրիստենսենին բերեց ԱՄՆ Ազգային կինոգետների խորհրդի պարգև և «Ոսկե գլոբուս» մրցանակ՝ որպես հետին պլանի լավագույն դերասան։ Եվ այս ամենը այն ժամանակ, երբ «Աստղային պատերազմներ»-ի համար բազմիցս ստացել էր «Ոսկե ազնվամորի» հակամրցանակը՝ հետին պլանի ամենավատ դերի համար։ Նույն մրցանակը կիսել է նաև Ջեսիկա Ալբայի հետ՝ «Անզգայացում» ֆիլմում էկրանային վատագույն զույգ անվանակարգում։ 2001 թվականին ստացել է Young Hollywood Awards / Երիտասարդ Հոլիվուդ մրցանակը։ «Աստղային պատերազմներ. Էպիզոդ III. Սիթհերի վրեժը» ֆիլմում, չնայած արդեն ստացած հակամրցանակի, ստանում է Սատուրն մրցանակը՝ լավագույն կինոդերասան անվանակարգում, իսկ «Աստղային պատերազմներ. Կլոնների հարձակում» ֆիլմի համար նորից ստացել է նույն մրցանակը՝ որպես 2003 թվականի լավագույն դերասան։ 2002 թվականին «Շոպար» ընկերության կողմից ստացել է լավագույն երիտասարդ դերասանի մրցանակ։ «Shattered Glass» ֆիլմը ինչպես հանդիսատեսի, այնպես էլ կինոգետների կողմից շատ լավ ընդունվեց, բայց անհայտ պատճառներով չմասնակցեց «Օսկար»-ի որևէ անվանակարգի մրցանակաբաշխության։

Անձնական կյանք

2007 թվականին՝ «Տելեպորտ» ֆիլմի նկարահանումների ժամանակ, ծանոթանում է դերասանուհի Ռեյչել Բիլսոնի հետ, հետագայում օրինականացնելով հարաբերությունները։ 2014 թվականի մայիսի 21-ին պարզ դարձավ, որ զույգը սպասում է իրենց առաջնեկին։ 2014 թվականի նոյեմբերի 7-ին ծնվեց Հեյդենի և Ռեյչելի աղջիկը, ում նրանք անվանեցին Բրայեր Ռոուզ Քրիստենսեն։

Ֆիլմագրություն

Դերակատարումներ

Թիվ	Ֆիլմի անուն	Բնօրինակի անվանումը	Դերը	Ժանր	Ռեժիսոր	Խաղընկերներ
1989 – 1996	Հավերժ ասպետը	Forever Knight	Անդրե	Սերիալ, Սարսափ, Դրամա, Քրեական, Դետեկտիվ	Կլեյ Բորիս Ալեն Կրոկեր Ջոն Կասար	Ջերենտ Վին Դեյվիս, Կատրին Դիշեր, Նայջել Բեննետ, Ջոն Կապելոս, Դեբորա Դուչենե
1993 – 1994	Ընտանեկան կրքեր	Family Passions	Սկիպ ՄակԴիր	Սերիալ	Յորն Ուինտեր	Էնդրյու Ջեքսոն, Տիմ Բերդ, Կին Շրայներ, Դուգլաս Միլեր
1994	Խելագարության երախում	In the Mouth of Madness	Paper Boy	Սարսափ, Թրիլեր, Դետեկտիվ	Ջոն Կարպենտեր	Սեմ Նիլ, Ջուլի Կարմեն, Յուրգեն Պրոխնով, Դևիդ Ուորներ, Ջոն Գլովեր
1995	Միա Ֆեռոուի պատմությունը	Love and Betrayal: The Mia Farrow Story	Ֆլետչեր	Դրամա, Կենսագրական	Կարեն Արթուր	Պետսի Քենզիտ, Դեննիս Բուցիկարիս, Ռիչարդ Մուենզ, Ռոբերտ ԼյուՊոն, Ջինա Ուիլկինսոն
1995	Ջունգլիների օրենքը	Street Law	երիտասարդ Ջոն Ռայան	Մարտական, Դրամա	Դեմիան Լի	Ջեֆ Ուինկոտ, Պակո Քրիստիան Պրիետո, Քրիստինա Կոքս, Ռիչարդ Յերվուդ, Մայքլ Կոուպմեն
1995	Հերիսոն Բերժերոն	Harrison Bergeron	Էրիկ	Ֆանտաստիկ	Բրյուս Փիթման	Շոն Էսթին, Միրանդա դե Պենսեր, Յուջին Լևի, Հոուի Մենդել, Անդրեա Մարտին
1995 – 1998	Բշտիկներ	Goosebumps	Զեյն	Սերիալ, Սարսափ, Ֆենտեզի, Թրիլեր, Ընտանեկան	Ռոն Օլիվեր Ուիլյամ Ֆրյուիտ Տիմոտի Բոնդ	Ռ.Լ. Ստայն, Կետրին Շորտ, Կոուդի Ջոնս, Սկոթ Վիկվեա, Hamille Rustia
1995	Մեծ սեր չի լինում	No Greater Love	Թեդի Ուինֆելդ	Դրամա, Մելոդրամա	Ռիչարդ Տ. Հեֆրոն	Կելի Ռազերֆորդ, Քրիս Սարանդոն, Նիկոլաս Կեմպբել, Դենիել Հյու Կելի, Մայքլ Լենդիս
1997 – 2001	Իրական երեխաներ, իրական արկածներ	Real Kids, Real Adventures	Էլի Գուդներ	Սերիալ, Դրամա, Ընտանեկան	Միտչել Նես Ռոզամունդ Օուեն Ռիկ Ֆեսթեր	Դենիել Մագդեր, Գենրի Կորոնեն, Մելիսա Մակինտայր, Michelle Melanson, Բիլի Տերնբուլ
1998	Հարված	Strike!	Տինկայի հետ ժամադրվածը	Կատակերգություն	Սարա Կերնոկան	Կիրսթեն Դանսթ, Գաբի Հոֆման, Լին Ռեդգրեյվ, Ռեյչել Լի Կուկ, Թոմ Գայրի
1998 – 2001	Հայտնի Ջեթ Ջեքսոնը	The Famous Jett Jackson	Սթիվեն	Սերիալ, Մարտական, Դրամա, Կատակերգություն, Արկածային, Ընտանեկան	Շոն Լևի Գոռդոն Լանժևեն Ստեյսի Ստյուարտ Կերտիս	Լի Թոմպսոն Յանգ, Ռայան Սոմերս Բաում, Գորդոն Գրին, Մոնտրոուզ Հագինս, Կերի Դաֆ
1999	Ազատ անկում	Free Fall	Պատրիկ Բրինան	Մարտական, Դրամա	Մարիո Ացցոպարդի	Հաննես Յանիկե, Ժակլին Սմիթ, Բրյուս Բոքսլայտներ, Սքոթ Վենտուորֆ
1999 – 2000	Դու վախենո՞ւմ ես մթությունից	Are You Afraid of the Dark?	Կիրկ	Սերիալ, Սարսափ, Ֆենտեզի, Դրամա, Ընտանեկան	Ջիմ Դոնովան Շոն Դվայեր Ռոն Օլիվեր	Դենիել ԴեՍանտո, Կարիմ Բլեկուել, Էլիշա Կատբերտ, Դևիդ Դևյո, Վանեսա Լենգիզ
1999	Կույս ինքնասպանները	The Virgin Suicides	Ջո Հիլլ Քոնլի	Դրամա, Մելոդրամա, Դետեկտիվ	Սոֆիա Կոփոլա	Կիրստեն Դանստ, Ջոշ Հարտնեթ, Ջեյմս Վուդս, Քեթլին Թերներ, Մայքլ Պարե
2000	Գետնի վերևում	Higher Ground	Սքոթ Բերինջեր	Սերիալ, Դրամա, Ընտանեկան	Ալան Սիմոնդս Փիթեր ԴեԼուիս Մեթյու Հատինգս	Ջո Լանդո, Ա.Ջ. Կուկ, Կենդիս ՄակԿլյուր, Հորխե Վարգաս
2000	Յասամանագույն մառախուղի թակարդում	Trapped in a Purple Haze	Օրին Կրիեգ	Դրամա, Քրեական, Սպորտային	Էրիկ Լանյովիլ	Ջոնաթան Ջեքսոն, ՋոԲետ Ուիլյամս, Կարլի Պոուպ, Ռոբին Դանն, Էմի Ստյուարտ
2001	Կյանքն ինչպես տուն	Life as a House	Սեմ Մոնրո	Դրամա, Մելոդրամա	Իրվին Ուինկլեր	Քևին Կլայն, Քրիստին Սքոթ Թոմաս, Ջենա Մելոուն, Մերի Ստինբերգեն
2002	Աստղային պատերազմներ։ Էպիզոդ II: Կլոնների հարձակումը	Star Wars: Episode II - Attack of the Clones	Էնաքին Սքայուոքեր	Ֆանտաստիկ, Ֆենտեզի, Մարտական, Արկածային	Ջորջ Լուկաս	Յուեն ՄակԳրեգոր, Նատալի Պորտման, Քրիստոֆեր Լի, Սեմյուել Լ. Ջեքսոն
2003	Սթիվեն Գլասի աֆերան	Shattered Glass	Սթիվեն Գլաս	Դրամա, Պատմական	Բիլի Ռեյ	Փիթեր Սարսգաարդ, Կլոե Սևինի, Ռոզարիո Դոուսոն, Մելանի Լինսկի
2005	Աստղային պատերազմներ։ Էպիզոդ III: Սիթհերի վրեժը	Star Wars: Episode III - Revenge of the Sith	Էնաքին Սքայուոքեր	Ֆանտաստիկ, Ֆենտեզի, Մարտական, Արկածային	Ջորջ Լուկաս	Յուեն ՄակԳրեգոր, Նատալի Պորտման, Յեն ՄակԴայարմիդ, Սեմյուել Լ. Ջեքսոն
2006	Գործարանի աղջիկը	Factory Girl	երաժիշտ	Դրամա, Կենսագրական	Ջորջ Հիկենլուպեր	Սիեննա Միլեր, Գայ Պիրս, Ջիմի Ֆելոն, Ջեք Հյուստոն
2007	Նարկոզ	Awake	Քլեյ Բերեսֆորդ	Թրիլեր, Դրամա, Մելոդրամա, Քրեական	Ջոբի Հարոլդ	Ջեսիկա Ալբա, Թերենս Հովարդ, Լենա Ուլին, Քրիստոֆեր ՄակԴոնալդ
2007	Կույսերի տարածքը	Virgin Territory	Լորենցո	Դրամա, Մելոդրամա, Կատակերգություն, Արկածային	Դևիդ Լիլենդ	Միշա Բարտոն, Թիմ Ռոտ, Ռայան Կարտրայտ, Ռոզալինդ Հալսթեդ
2008	Տելեպորտ	Jumper	Դեյվիդ Ռայս	Ֆանտաստիկ, Մարտական, Թրիլեր, Արկածային	Դագ Լայման	Ջեյմի Բել, Ռեյչել Բիլսոն, Դայան Լեյն, Սեմյուել Լ. Ջեքսոն
2009	Նյու Յորք, ես սիրում եմ քեզ	New York, I Love You	Բեն (էպիզոդիկ)	Դրամա, Մելոդրամա, Կատակերգություն	Ֆատիխ Ակին Իվան Աթալ Ռենդոլ Բոլսմեյեր	Բրեդլի Կուպեր, Ջասթին Բարտա, Էնդի Գարսիա, Ռեյչել Բիլսոն
2010	Քվանտային որոնումներ։ Տիեզերական ոդիսական	Quantum Quest: A Cassini Space Odyssey	Ջամմեր (հնչյունավորում)	Մուլտֆիլմ, Ֆանտաստիկ, Արկածային	Գարի «Դոկ» Կլուր Դեն Ստ. Պեր	Քրիս Պայն, Ամանդա Փիթ, Սեմյուել Լ. Ջեքսոն, Ջեյմս Էրլ Ջոնս
2010	Ելուզակ տղաները	Takers	Էյ Ջեյ	Մարտական, Քրեական	Ջոն Լյուսենխոպ	Պոլ Ուոքեր, Մեթ Դիլոն, Զոի Սալդանա, Մարիանն Ժան-Բապտիստ
2010	7-րդ փողոցի անհետացումը	Vanishing on 7th Street	Լյուկ	Սարսափ, Թրիլեր, Դետեկտիվ	Բրեդ Անդերսոն	Ջոն Լեգուիզամո, Տենդի Նյուտոն, Ջեյկոբ Լատիմոր, Տեյլոր Գրուտիուս
2012		Battlecreek	Հենրի	Դրամա	Էլիսոն Իսթվուդ
2014	Վտարանդին	Outcast		Մարտական	Նիկ Պաուել	Նիկոլաս Քեյջ
2015	Գողություն ամերիկյան ձևով	American Heist	Ջեյմս	Մարտական, Թրիլեր, Դրամա, Քրեական	Սարիկ Անդրեասյան	Էդրիան Բրոուդի, Ջորդանա Բրյուստեր, Էյկոն, Տորի Կիթլզ
	Անվճար փողեր	Money for Nothing	Ջոշ	Մարտական, Թրիլեր, Կատակերգություն, Քրեական, Դետեկտիվ, Արկածային	Դոմինիկ Դերյուդեր

Ծանոթագրություններ

1. https://www.prosieben.de/themen/stars/profile/hayden-christensen-62380 (գերմ.)
2. Internet Broadway Database — 2000.

Արտաքին հղումներ

• Հեյդեն Քրիստենսեն (անգլ.) Internet Movie Database կայքում

Վիքիպահեստն ունի նյութեր, որոնք վերաբերում են «Հեյդեն Քրիստենսեն» հոդվածին։