From Wikipedia, the free encyclopedia
«Կեչիների պուրակ» (ռուս.՝ Берёзовая роща), ռուս գեղանկարիչ, «տրամադրության բնանկարի» վարպետ Իսահակ Լևիտանի նկարներից։ Հեղինակը կտավը վրձնել է 1885-ից 1889 թվականներն ընկած ժամանակահատվածում։ Յուղաներկով կտավի չափերն են՝ 28,5 × 50 սմ[1][2]։
![]() | |
տեսակ | գեղանկար |
նկարիչ | Իսահակ Լևիտան |
տարի | 1889 |
բարձրություն | 28,5 ± 0,5 սանտիմետր |
լայնություն | 50 ± 0,5 սանտիմետր |
ժանր | բնանկար |
գտնվում է | Տրետյակովյան պատկերասրահ |
հավաքածու | Տրետյակովյան պատկերասրահ |
Ծանոթագրություններ |
Այսօր «Կեչիների պուրակ» ստեղծագործությունը պահպանվում և ցուցադրվում է Տրետյակովյան պատկերասրահում (Մոսկվա, Ռուսաստան)։
Իսահակ Լևիտանը «Կեչիների պուրակ» ստեղծագործությունը սկսել է վրձնել 1885 թվականին և ավարտին է հասցրել 1889 թվականին։ Նկարը հեղինակը ստեղծել է Մերձմոսկվայում, որտեղ 1885 թվականի ամառն էր անցկացնում Կիսիլյովների «Բաբկինո» կալվածքում։ Այն գտնվում էր Իսկրա գետի ափին՝ Նոր Երուսաղեմ վանական համալիրի հարևանությամբ[3][4][5]։ Լևիտանը կտավն ավարտել է Պլյոս քաղաքում[5][6]։
«Կեչիների պուրակ» ստեղծագործությունը կառուցված է կեչու բներին լույսի և ստվերի խաղով։ Պատկերված են նաև թարմ կանաչ խոտեր, ծառերի տերևներ՝ կրկին լուսաստվերի խաղով։ Հեղինակն օգտագործել է կանաչի գույնի մեծ երփներանգություն[3]։ Արեգակի ճառագայթները ծառերին, փոխանցումներն ու գույների թրթռումները իմպրեսիոնիզմի տարրեր են իրենց մեջ պարունակում[4]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.