Լեոն Շիլլեր

Լեոն Շիլլեր (լեհ.՝ Schiller (իսկական ազգանունը՝ դե Շիլդենֆելդ (de Schildenfeld, մարտի 14, 1887(1887-03-14)^{[1][2][3][…]}, Կրակով, Գալիցիայի և Լոդոմերիայի թագավորություն, Ցիսլեյտանիա, Ավստրո-Հունգարիա^{[1][4][5][…]} - մարտի 25, 1954(1954-03-25)^{[1][2][4][…]}, Վարշավա, Լեհաստանի Ժողովրդական Հանրապետություն^[1][4]), լեհ թատերական գործիչ, ռեժիսոր և մանկավարժ։ ԼՄԲԿ անդամ՝ 1948 թվականից։

Լեոն Շիլլեր Leon Schiller de Schildenfeld
Լեոն Շիլլերի կիսանդրին
Ծնվել է	մարտի 14, 1887(1887-03-14)[1][2][3][…]
Ծննդավայր	Կրակով, Գալիցիայի և Լոդոմերիայի թագավորություն, Ցիսլեյտանիա, Ավստրո-Հունգարիա[1][4][5][…]
Մահացել է	մարտի 25, 1954(1954-03-25)[1][2][4][…] (67 տարեկան)
Մահվան վայր	Վարշավա, Լեհաստանի Ժողովրդական Հանրապետություն[1][4]
Կրթություն	Կրակովի համալսարան և Bartłomiej Nowodworski High School?
Քաղաքացիություն	Ավստրո-Հունգարիա և  Լեհաստան
Գործունեության տարիներ	1917-1948
Մասնագիտացում	թատերական ռեժիսոր, դրամատուրգ, կոմպոզիտոր, թարգմանիչ և թատերական քննադատ
Ամուսին	Irena Schiller?
Պարգևներ	և City of Łódź Award?
IMDb	ID ID 0771660

Կենսագրություն

1917-1920 թվականներին «Տեատր Պոլսկի», 1922-1924 թվականներին՝ «Ռեդուտա» թատրոնների ռեժիսոր, 1924-1926 թվականներին ղեկավարել է (Վ. Հոժիցայի և Ա. Զելվերովիչի հետ) Վ. Բոգուսլավսկու անվան թատրոնը (բոլորն էլ՝ Վարշավայում), 1930-ական թվականներին՝ Պոզնանի, Լոձի, Լվովի թատրոնները։ Շիլլերի բեմադրությունները տոգորված էին հեղափոխական ռոմանտիկայով, բուրժուական աշխարհի սոցիալական անարդարության դեմ բողոքով (Սլովացկու «Կորդիան», Կրասինսկու «Ոչ աստվածային կատակերգություն», Բրեխտի «Երեք գրոշանոց օպերա»)։ 1946-1949 թվականներին Լոձում ղեկավարել է Լեհական բանակի, 1949-1950 թվականներին Վարշավայում՝ «Տեատր Պոլսկի» թատրոնները։ Շիլլերի որոշիչ ազդեցություն է ունեցել 20-րդ դարի լեհական թատերարվեստի զարգացման վրա։ Նա լեհական բեմարվեստում ձևավորել է մոնումենտալ թատրոնի սկզբունքները, գեղագիտությունը և ոճը՝ հենվելով առավելապես ազգային ռոմանտիկական դրամայի վրա։ 1952 թվականին հիմնել է «Թատերական օրագիր» ամսագիրը։ 1933 թվականից զբաղվել է մանկավարժությամբ։ 1947-1952 թվականներին՝ Սեյմի դեպուտատ, 1950-1954 թվականներին՝ Լեհական թատրոնի և կինոյի արտիստների միության նախագահ։ ԼԺՀ պետական մրցանակ (1948)։

Ծանոթագրություններ

1. http://culture.pl/pl/tworca/leon-schiller
2. Bibliothèque nationale de France data.bnf.fr (ֆր.): տվյալների բաց շտեմարան — 2011.
3. European Theatre Architecture — Arts and Theatre Institute.
4. Шиллер Леон // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.
5. Auschwitz Prisoners Database

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 495)։

Վիքիպահեստն ունի նյութեր, որոնք վերաբերում են «Լեոն Շիլլեր» հոդվածին։