Զիգմար Գաբրիել

Զիգմար Գաբրիել (գերմ.՝ Sigmar Gabriel, սեպտեմբերի 12, 1959(1959-09-12)^[2][3][4], Գոսլար, Ստորին Սաքսոնիա, Գերմանիայի Ֆեդերատիվ Հանրապետություն^[5]), գերմանացի քաղաքական գործիչ, Գերմանիայի սոցիալ-դեմոկրատական կուսակցության անդամ։ 2013 թվականի դեկտեմբերի 17-ից մինչև 2017 թվականի հունվարի 27-ը եղել է Գերմանիայի փոխկանցլերը, իսկ 2017 թվականի հունվարի 27-ից հանդիսանում է Գերմանիայի արտաքին գործերի նախարարը։ Ներքին Սակսոնիայի վարչապետ (1999-2003): Գերմանիայի շրջակա միջավայրի պահպանության նախարար (2005-2009): Գերմանիայի սոցիալ-դեմոկրատական կուսակցության նախագահ (2009 թվականի նոյեմբերի 13-ից)։ Գերմանիայի տնտեսության և էներգետիկայի նախարար (2013-2017)։

Զիգմար Գաբրիել գերմ.՝ Sigmar Gabriel
Կուսակցություն՝	Գերմանիայի սոցիալ-դեմոկրատական կուսակցություն[1]
Կրթություն՝	Գյոթինգենի համալսարան (1987) և Ռատսգիմնազիա Գոսլարա
Մասնագիտություն՝	քաղաքական գործիչ, ոչ գեղարվեստական գրող, ժամանակավոր կարիերայի զինծառայող և դպրոցի դասատու
Դավանանք	Գերմանիայի ավետարանչական եկեղեցի
Ծննդյան օր	սեպտեմբերի 12, 1959(1959-09-12)[2][3][4] (65 տարեկան)
Ծննդավայր	Գոսլար, Ստորին Սաքսոնիա, Գերմանիայի Ֆեդերատիվ Հանրապետություն[5]
Քաղաքացիություն	Գերմանիա
Ի ծնե անուն	գերմ.՝ Sigmar Hartmut Gabriel
Կայք՝	sigmar-gabriel.de
Ինքնագիր

Կենսագրություն

Զիգմարի ծնողները բաժանվել են երբ նա երեք տարեկան էր։ Նրա մայրը եղել է բուժքույր, իսկ հայրը՝ համայնքային ծառայող։ Գոսլարի գիմնազիան ավարտելուց հետո Զիգմարը մեկնել է զինվորական ծառայության։ 1988 թվականին «գերմաներենի, քաղաքականության և հասարակագիտության ուսուցչի» որակավորումով ավարտել է Գյոթինգենի համալսարանը։ 1989-1990 թվականներին որպես ուսուցիչ աշխատել է Գոսլարի ազգային դպրոցում։

1976-1989 թվականներին Զիգմար Գաբրիելը աշխատել է «Գերմանիայի սոցիալիստ երիտասարդներ՝ Բազե» երտիասարդական կազմակերպությունում (գերմ.՝ Sozialistische Jugend Deutschlands — Die Falken)^[6]: Շուտով Զիգմարը դառնում է կազմակերպության Գոսլարի շրջանային բաժանմունքի ղեկավարը, իսկ հետո Բրաունշվայգի բաժանմունքի ղեկավարը։ Բրաունշվայգյան բաժանմունքը կապված էր կազմակերպության մարքսիստական թևի հետ։ 1987-1998 թվականներին Գաբրիելը եղել է Գոսլարի շրջանային օրենսդիր ժողովի անդամ։ 1991-1999 թվականներին զբաղեցրել է նույն ժողովի նախագահի պաշտոնը։ 1990-2005 թվականներին ընտրվել է լանդտագի պատգամավոր։ 1997 թվականին զբաղեցրել է լանդտագի նախագահի տեղակալի պաշտոնը։ 1998-1999 և 2003-2005 թվականներին գլխավորել է Գերմանիայի սոցիալ-դեմոկրատական կուսակցության լանդտագը։ 2005 և 2009 թվականներին Զիգմար Գաբրիելը ընտրվել է Բունդեսթագի պատգամավոր^[7]։

1999 թվականի դեկտեմբերի 15-ին Ներքին Սակսոնիայի վարչապետի թոշակի անցնելուց հետո Զիգմարը զբաղեցրել է այդ պաշտոնը։ 2003 թվականի փետրվարի 2-ին Գերմանիայի սոցիալ-դեմոկրատական կուսակցությունը պարտվում է Քրիստոնյա-ժողովրդավարական կուսակությանը և Զիգմարը անցնում է թոշակի։ 2003-2005 թվականներին Գաբրիելը մտնում է սոցիալ-դեմոկրատական կուսակցության նախագահություն և միաժամանակ հանդիսանում Ներքին Սակսոնիայում կուսակցության բաժանմունքի ղեկավար։ 2005-2009 թվականներին նա Անգելա Մերկելի կառավարությունում զբաղեցրել է Գերմանիայի շրջակա միջավայրի պահպանության նախարարի պաշտոնը։ 2009 թվականի բունդեսթագի ընտրություններին սոցիալ-դեմոկրատների պարտությունից հետո կուսակցության նախագահ Ֆրանց Մյունտեֆերինգը անցավ թոշակի։ 2009 թվականի նոյեմբերի 13-ին Դրեզդենում կուսակցության համագումարի ժամանակ նոր նախագահ ընտրվեց Զիգմար Գաբրիելը հավաքելով համագումարի մասնակիցների 94,2 % ձայները։ 2013 թվականին նորից մտավ կառավարություն այս անգամ որպես փոխկանցլեր և միաժամանակ նաև տնտեսության և էներգետիկայի նախարար։

2017 թվականի հունվարի 27-ին նշանակվել է Գերմանիայի արտաքին գործերի նախարար այդ պաշտոնում փոխարինելով Ֆրանկ-Վալտեր Շթայնմայերին

Նրա կինը ատամնաբույժ է, որի հետ նա պահում է իր առաջին ամուսնությունից ունեցած դստերը։

Ծանոթագրություններ

1. https://www.workwithdata.com/person/sigmar-gabriel-1959
2. Stammdaten aller Abgeordneten des Deutschen Bundestages
3. Բրոքհաուզի հանրագիտարան (գերմ.)
4. Munzinger Personen (գերմ.)
5. Deutsche Nationalbibliothek Record #124311903 // Gemeinsame Normdatei (գերմ.) — 2012—2016.
6. Одна из двух крупнейших молодёжных организаций Социал-демократической партии Германии. Вторая называется — «JUSOS»
7. Избирательный округ Зальцгиттер-Вольфенбюттель включает в себя довольно крупный город Зальцгиттер, район Вольфенбюттель и несколько населённых пунктов района Гослар: община Либенбург, город Зезен и управление Луттер-ам-Баренберге.

Արտաքին հղումներ

• Биография на сайте бундестага. Արխիվացված 2012-08-30 Wayback Machine (գերմ.)
• Биография на сайте Министерства экономики и энергетики Германии. Արխիվացված 2014-11-12 Wayback Machine (գերմ.)

Վիքիպահեստն ունի նյութեր, որոնք վերաբերում են «Զիգմար Գաբրիել» հոդվածին։