Զանգեզուրի լեռնաշղթա

Զանգեզուրի լեռնաշղթա, Զանգեզուրի լեռնաշղթա, Կոնգուր-Ալագյոզյան լեռնաշղթա, Կոնգուր-Ալագյազի լեռնաշղթա, Կոնգուրո-Ալագյազի լեռնաշղթա, Սյունյաց լեռներ, լեռնաշղթա Հայաստանի հարավ-արևելքում։ Ձգվում է միջօրեականի ուղղությամբ՝ Վարդենիսի և Արևելյան Սևանի լեռնաշղթաների հանգուցվելու կետից (Քեթի լեռ) մինչև Արաքս գետի Մեղրու կիրճը։ Երկարությունը շուրջ 130 կմ։ Առավելագույն բարձրությունը Կապուտջուղ լեռն է, որի բարձրությունը 3904 մ^[1]։

Զանգեզուրի լեռնաշղթա
Տեսակ	լեռնաշղթա
Երկիր	Հայաստան և  Ադրբեջան
Վարչատարածքային միավոր	Սյունիքի մարզ և Նախիջևանի Ինքնավար Հանրապետություն
Լեռնաշղթա	Փոքր Կովկաս
Բարձրություն (ԲԾՄ)	3905 մետր
Երկարություն	130 կմ
Մեծագույն գագաթ	Կապուտջուղ

Արձակում է լեռնաբազուկներ դեպի արևմուտք՝ Վայքի, իսկ դեպի արևելք՝ Բարգուշատի և Մեղրու լեռնաշղթաներ։ Ունի պղնձի և մոլիբդենի հանքավայրեր^[2][3]։

Աղբյուրներ

1. Հայաստանի Հանրապետության Ֆիզիկաաշխարհագրական օբյեկտների համառոտ տեղեկատու-բառարան, Երևան, «Գեոդեզիայի և քարտեզագրության կենտրոն ՊՈԱԿ», 2007, էջ 43 — 150 էջ։
2. Հ. Ղ. Գրգեարյան, Ն. Մ. Հարությունյան, Աշխարհագրական անունների բառարան (խմբ. Ա. Թ. Ավետիսյան), Երևան, ««Լույս» հրատարակչություն», 1989, էջ 151 — 471 էջ. — 20000 հատ, ISBN 9785545000296։
3. Ա. Ա. Ասլանյան, Հ. Ղ. Գրգեարյան (1981). Հայկական ՍՍՀ աշխարհագրական անունների համառոտ բառարան. Երևան: ՀՍՍՀ ԳԱ հրատարակչություն. էջ 70-71.

Վիքիպահեստն ունի նյութեր, որոնք վերաբերում են «Զանգեզուրի լեռնաշղթա» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 657)։