From Wikipedia, the free encyclopedia
Եվգենիա Վլադիմիրովնա Բրիկ (ռուս.՝ Евге́ния Влади́мировна Брик, ծննդյամբ՝ Խրիվսկայա, սեպտեմբերի 3, 1981[1], Մոսկվա, ԽՍՀՄ - փետրվարի 10, 2022, Լոս Անջելես, Կալիֆոռնիա, ԱՄՆ), թատրոնի և կինոյի ռուս դերասանուհի։
| Եվգենիա Բրիկ ռուս.՝ Евгения Владимировна Хиривская | |
|---|---|
 | |
| Ծնվել է | սեպտեմբերի 3, 1981[1] |
| Ծննդավայր | Մոսկվա, ԽՍՀՄ |
| Մահացել է | փետրվարի 10, 2022 (40 տարեկան) |
| Մահվան վայր | Լոս Անջելես, Կալիֆոռնիա, ԱՄՆ |
| Քաղաքացիություն |  Ռուսաստան |
| Կրթություն | Ռուսաստանի թատերական արվեստի համալսարան (2004) |
| Մասնագիտություն | կինոդերասանուհի, թատրոնի դերասանուհի, հեռուստատեսային դերասանուհի և դերասանուհի |
| Ամուսին | Վալերի Տոդորովսկի |
 Evgeniya Brik Վիքիպահեստում | |
,
Եվգենիա Բրիկը ծնվել է 1981 թվականի սեպտեմբերի 3-ին Մոսկվայում։ Դերասանուհու իրական ազգանունը Խիրիվսկայա է։ Եվգենիա անունը նա ստացել է ի պատիվ իր պապի՝ լրագրող Եվգենի Կրեյնի, որը եղել է լրագրող։ Բրիկ բեմական ազգանունը վերցրել է ի պատիվ հորական մեծ մոր՝ Սոֆյա Բրիկի[2][3]։ Աղջկա հայրը եղել է համալսարանի դասախոս, դոցենտ, ֆիզիկամաթեմատիկական գիտությունների թեկնածու։
Եվգենիան հինգ տարեկանում ընտրվել է որպես մոդել Կուզնեցկի Մոստ փողոցում գտնվող հագուստի համամիութենական նորաձևության տանը։
Եվգենիան գիմնազիայում սովորել է խորացված անգլերեն, որից հետո ուսումը շարունակել է Շչեպկինի անվան թատերական դպրոցում։ Եղել է Մստիսլավ Ռոստրոպովիչի անվան երաժշտական դպրոցի դաշնամուրի բաժնի շրջանավարտ։
2004 թվականին ավարտել է Ռուսաստանի թատերական արվեստի ակադեմիան (Ալեքսանդր Զբրուևի արհեստանոց)։ 2006 թվականի սկզբին և 2008 թվականի վերջին նա աշխատել է «Մայակ» ռադիոյում՝ որպես գիշերային հաղորդաշարի հաղորդավար։ Հղիության և դստեր ծննդյան պատճառով թողել է աշխատանքը։
2014 թվականի փետրվարին Եվգենիան լուսանկարվել է Maxim ամսագրի համար[4]։ 2015 թվականի հուլիսի կեսերին նա Դիմա Բիլանի «Մի լռիր» երգի տեսահոլովակում խաղացել է գլխավոր դերը։
Հայրը՝ Վլադիմիր Եվգենիևիչ Կերին[5], եղել է ֆիզիկամաթեմատիկական գիտությունների թեկնածու, Համամիութենական կինոյի և լուսանկարի գիտահետազոտական ինստիտուտի աշխատակից, կինոլուսանկարչության ոլորտում եղել է մի քանի արտոնագրերի համահեղինակ, դոցենտ, դասավանդել է ֆիզիկա և ինստիտուտում համակարգչային գիտություն, մահացել է 50 տարեկանում երկարատև հիվանդությունից հետո, երբ Եվգենիան եղել է 18 տարեկան[6][7]։ Մայրը՝ Գալինա Հիրիվսկայան։
Ամուսինը՝ Վալերի Տոդորովսկին (ծնված 1962), ծանոթացել են 2002 թվականին 2008 թվականից զույգը մշտապես բնակվել է ԱՄՆ-ում։ Ամուսինները աշխատելու նպատակով մեկնել են Ռուսաստան։ 2009 թվականի օգոստոսին ծնվել է նրանց դուստրը՝ Զոյան[2][8][9][10]։
Եվգենիա Բրիկը մահացել է 2022 թվականի փետրվարի 10-ին, 41 տարեկան հասակում, երկարատև հիվանդությունից հետո[11]։ Ըստ դերասանուհի Յուլիա Աուգի՝ Բրիկը մահացել է քաղցկեղից[12][13][14][15]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
