Գեղհովիտ

Գեղհովիտ (նախկին անվանումը՝ Ղարանլուղ), գյուղ Հայաստանի Հանրապետության Գեղարքունիքի մարզի Մարտունու տարածաշրջանում, Մարտունի գետի երկու ափին, մարզկենտրոն Գավառից 37 կմ հարավ-արևելք, ծովի մակերևույթից 2060 մ բարձրության վրա։ Վերանվանվել է Գեղհովիտ 1968 թ. հուլիսի 3-ին^[3]։

Անվան այլ կիրառումների համար տե՛ս՝ Գեղհովիտ (այլ կիրառումներ)

Գյուղ
Գեղհովիտ
Երկիր	Հայաստան
Մարզ	Գեղարքունիքի մարզԳեղարքունիքի մարզ
Համայնք	Գեղարքունիքի մարզ[1] և Մարտունու շրջան
Գյուղապետ	Վարդան Պողոսյան
ԲԾՄ	2080±1 մետր
Պաշտոնական լեզու	Հայերեն
Բնակչություն	▲5753 մարդ (2011)[2]
Ազգային կազմ	Հայեր
Կրոնական կազմ	Հայ Առաքելական եկեղեցի
Ժամային գոտի	UTC+4
Փոստային դասիչ	1405
Գեղհովիտ (Հայաստան) Գեղհովիտ (Գեղարքունիքի մարզ)
Գեղհովիտ Վիքիպահեստում

Բնակչություն

Ըստ Հայաստանի 2011 թ. մարդահամարի արդյունքների՝ Գեղհովիտի մշտական բնակչությունը կազմել է 5753, առկա բնակչությունը՝ 5247 մարդ^[4]։ Ներկայիս բնակչության մի մասի նախնիները 1828-1830-ական թթ. այստեղ են գաղթել Արևմտյան Հայաստանի Ալաշկերտի, Մուշի և այլ շրջանների գյուղերից։ Գյուղի առաջին բնակիչն է եղել Ալվանդ Էլոեվը իր ընտանիքով։ Կան նաև ցեղասպանությունից փրկված մի քանի ընտանիքներ, Էրզրումից(Կարին) և Վանից։

Գեղհովիտի բնակչության փոփոխությունը ժամանակի ընթացքում՝ ստորև.

Բնակչության 1831-2011 թվականների վիճակագրություն
Տարի Բնակչություն 1831 303 մարդ [5] 1873 873 մարդ [6] 1897 1616 մարդ [6] 1914 2131 մարդ [5] 1926 2273 մարդ [5] 1939 2762 մարդ [5] 1959 2861 մարդ [5] 1970 4246 մարդ [5] 1979 4279 մարդ [5] 1989 4866 մարդ [5] 2001 5425 մարդ [5] 2011 5753 մարդ [2]

Տնտեսություն

Բնակչությունը զբաղվում է անասնապահությամբ, կարտոֆիլի, բանջարեղենի և հացահատիկի մշակությամբ։

Պատմամշակութային կառույց

Գյուղի շրջակայքում կան բազմաթիվ հնավայրեր՝ արևմտյան մասում Ալբերդ ամրոցը (մ.թ.ա. 1-ին հզմ.- մ.թ. IX դ.), հարավ-արևելք կողմում՝ “Ջոջ կող” ամրոցը (մ.թ.ա. 2-րդ-1-ին հզմ.)։ Գյուղի մեջ է սբ. Գևորգ (XV-XVI դդ.), հարավ՝ սբ. Ստեփանոս (XIII դ.) եկեղեցիները, “Թուխ Մանուկ” մատուռը, 3 կմ արևմուտք՝ “Քռա” վայրում՝ հին գյուղատեղին։

Պատկերասրահ

• 
  Գեղհովիտի գյուղապետարան
• 
  Մատուռ Թուխ Մանուկ (Մամաս)
• 
  Գեղհովիտի մուտքի հուշարձան
• 
  Հայրենական պատերազմում զոհվածների հիշատակի հուշարձան
• 
  Խնձորենի Գեղհովիտում

Տես նաև

• Գեղհովիտի պատմության և մշակույթի անշարժ հուշարձանների ցանկ

Արտաքին հղումներ

• 2001 թվականի Հայաստանի մարդահամարի արդյունքները, Հայաստանի վիճակագրական կոմիտե
• Kiesling, Brady (2005), Rediscovering Armenia: Guide, Yerevan, Armenia: Matit Graphic Design Studio
• Brady Kiesling, Rediscovering Armenia, p. 45, available online at the website of the Internet Archive:

Ծանոթագրություններ

1. GEOnet Names Server — 2018.
2. Հայաստանի 2011 թ. մարդահամարի արդյունքները (հայ.)
3. «Հայաստանի և հարակից շրջանների տեղանունների բառարան», հտ. 1, էջ 830
4. 2011 թ Հայաստանի մարդահամարի արդյունքները
5. Հայաստանի Հանրապետության բնակավայրերի բառարան (հայ.) — Երևան: 2008. — 184 p.
6. Կորկոտյան Զ. Խորհրդային Հայաստանի բնակչությունը վերջին հարյուրամյակում (1831-1931) (հայ.) — Երևան: 1932. — 185 p.