![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5a/Skyline_Antwerpen.jpg/640px-Skyline_Antwerpen.jpg&w=640&q=50)
Բելգիայի քաղաքներ
From Wikipedia, the free encyclopedia
Բելգիան աչքի է ընկնում քաղաքների առատությամբ։ Բելգիան աշխարհի այն երկրներից է, որտեղ բնակչության գերակշիռ մեծամասնությունն ապրում է քաղաքներում։ Այստեղ շատ են քաղաքներն ու քաղաքատիպ բնակավայրերը։ Քաղաքներ են համարվում 5 հազարից ավելի բնակչություն ունեցող բնակավայրերը։
![Thumb image](http://upload.wikimedia.org/wikipedia/commons/thumb/5/5a/Skyline_Antwerpen.jpg/320px-Skyline_Antwerpen.jpg)
Բելգիայի քաղաքները (Բրյուսել, Բրյուգե, Լիեժ, Գենտ, Անտվերպեն) հայտնի են իրենց միջնադարյան գոթական ճարտարապետության նմուշներով։ Բելգիան հարուստ պատմություն ունի, որն արտահայտվում է գրեթե ամեն քայլափոխի։ Յուրաքանչյուր քաղաքում կարելի է տեսնել շենքեր, պալատներ կամ այլ կառույցներ, որոնք վերագրվում են խաչակրաց արշավանքների ժամանակաշրջանին։
![Thumb image](http://upload.wikimedia.org/wikipedia/commons/thumb/f/f4/BelfortGent.jpg/640px-BelfortGent.jpg)
Աշխարհամարտերն առանձնապես վնաս չեն պատճառել բելգիական քաղաքներին, որոնցում պահպանվել են պատմական արժեք ներկայացնող հուշարձանները։ Քաղաքներում, հատկապես միջնադարյան պատմություն ունեցող քաղաքներում, առանձնանում են հին (պատմական միջուկը) և նոր մասերը։
Անտվերպենը, Լիեժը, Գենտը ներկայանում են գոթական ճարտարապետության գլուխգործոցներով։ Իսկ Բռյուգգեում կարելի է առանձնացնել 2000 ճարտարապետական արժեքներ, որոնցից նշանավոր են քաղաքային ռատուշան (1376), Սուրբ Արյան եկեղեցին (12-րդ դար), ինչպես նաև Տիրամոր մարմարե արձանը՝ նորածնի հետ, որը հանճարեղ Միքելանջելոյի ձեռքի գործն է։