From Wikipedia, the free encyclopedia
Անտոնի Յուզեֆ Ռոլլե (կեղծանունը՝ D-r Antoni J., սեպտեմբերի 26, 1830, Ռոլյա, Շառգորոդի շրջան, Ուկրաինա - հունվարի 24, 1894, Կամենեց-Պոդոլսկի, Ռուսական կայսրություն), լեհ-ուկրաինական հոգեբույժ, գրող, պատմաբան, հայագետ։ Հայրը ֆրանսիացի է, մայրը՝ հայ։
| Անտոնի Յուզեֆ Ռոլլե լեհ.՝ Józef Apolinary Rolle | |
|---|---|
.jpg) | |
| Ծնվել է | սեպտեմբերի 26, 1830 |
| Ծննդավայր | Ռոլյա, Շառգորոդի շրջան, Ուկրաինա |
| Մահացել է | հունվարի 24, 1894 (63 տարեկան) |
| Մահվան վայր | Կամենեց-Պոդոլսկի, Ռուսական կայսրություն |
| Գերեզման | Կամենեց-Պոդոլսկի |
| Քաղաքացիություն |  Ռուսական կայսրություն |
| Կրթություն | Սուրբ Վլադիմիրի անվան կայսերական համալսարան |
| Մասնագիտություն | պատմաբան և հոգեբույժ |
| Անդամություն | Կրթության բարեկամների Պոզնանի ընկերություն և Ուսուցման ակադեմիա |
 Józef Apolinary Rolle Վիքիպահեստում | |
1855 թվականին ավարտել է Կիևի համալսարանի բժշկական ֆակուլտետը։ Եղել է հայ վերաբնակների մեծ բարեկամը։ Բժիշկ լինելով հանդերձ մեծ հետաքրքրություն է ցուցաբերել դեպի Լեհաստանի և Մոլդովայի հայկական գաղթօջախների կյանքը, պատմությունը, մշակույթը։ Քաջածանոթ է եղել առկա գրականությանը, ուսումնասիրել արխիվային փաստաթղթեր և իր գիտելիքներն ու տաղանդը ծառայեցրել Պոդոլիեի քաղաքների ու բնակավայրերի ուսումնասիրության գործին։ Պոդոլիեի վերաբերյալ իր բազմաթիվ պատմագրական և գեղարվեստական ստեղծագործություններում տվել է կարևոր տեղեկություններ հայկական գաղթօջախներ Կամենեց-Պոդոլսկի, Բարի, Ժվանեցի և այլ բնակավայրերի մասին։
Նրա ստեղծագործություններից են «Մոլդովիայի ծայրագավառների պոդոլյան ամրոցները», հ. 1-3, 1880, «Ծայրագավառային քաղաքի ճակատագիրը», «Խաչի ներքո», «Վարդապետը» (լույս է տեսել նաև հայերեն, Բաքու, 1903)։ Համոզիչ կերպով նկարագրել է 18-րդ դարում հայերի դերը Կամենեցի հասարակական-քաղաքական կյանքում։ Ըստ նրա, հայերը գլխավորել են մագիստրատը, ամրոցի պարետությունը, հայեր Յա. Շահինը և Տեր-Գաբրալևիչը ընտրվել են պատգամավորներ, Վարշավայի սեյմում իրենց քաղաքի իրավունքները պաշտպանելու համար։
Մահացել է 1894 թվականին։ Աճյունաքարը դրված է լեհական Մայր տաճարում[1]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
