From Wikipedia, the free encyclopedia
Անատոլի Սոլովյանենկո (ուկրաիներեն՝ Солов'яненко Анатолій Борисович, սեպտեմբերի 25, 1932[1][2][3], Դոնեցկ, Ուկրաինական ԽՍՀ, ԽՍՀՄ[1][3] - հուլիսի 29, 1999[2][3], Կոզին, Օբուխովի շրջան, Կիևի մարզ, Ուկրաինա[3]), խորհրդային և ուկրաինացի օպերային երգիչ (լիրիկա-դրամատիկական տենոր)[4]։ ԽՍՀՄ ժողովրդական արտիստ (1975): Ուկրաինայի հերոս (2008): Լենինի մրցանակի դափնեկիր (1980), Տարաս Շևչենկոյի անվան Ուկրաինայի ազգային մրցանակի դափնեկիր (1997):
Անատոլի Սոլովյանենկո | |
---|---|
![]() | |
Հիմնական տվյալներ | |
Բնօրինակ անուն | ուկրաիներեն՝ Солов'яненко Анатолій Борисович |
Ի ծնե անուն | Անատոլի Բորիսովիչ Սոլովյանենկո ուկրաիներեն՝ Анатолій Борисович Солов'яненко |
Ծնվել է | սեպտեմբերի 25, 1932[1][2][3] Դոնեցկ, Ուկրաինական ԽՍՀ, ԽՍՀՄ[1][3] |
Երկիր | ![]() ![]() |
Մահացել է | հուլիսի 29, 1999[2][3] (66 տարեկան) Կոզին, Օբուխովի շրջան, Կիևի մարզ, Ուկրաինա[3] |
Ժանրեր | օպերա |
Մասնագիտություն | Երգիչ, տենոր |
Երգչաձայն | տենոր[3] |
Գործիքներ | վոկալ[3] |
Աշխատավայր | Դոնեցքի ազգային տեխնիկական համալսարան |
Կրթություն | Դոնեցքի ազգային տեխնիկական համալսարան |
Պարգևներ | |
![]() |
Անատոլի Սոլովյանենկոն ծնվել է 1932 թվականին Դոնեցկում, հանքագործի ընտանիքում[5][6]։ 1954 թվականին ավարտել է Դոնեցկի տեխնիկական համալսարանը, այնուհետև դասավանդել է նույն համալսարանի ինժեներական գրաֆիկայի բաժնում[7]։
1950 թվականին երգեցողության դասեր է առել ռուս-խորհրդային վաստակավոր արտիստ Ալեքսանդր Կորոբեյչենկոյից։ Դրսևորած տաղանդի շնորհիվ 1962 թվականին Սոլովյանենկոյին հրավիրել են հանդես գալու Ուկրաինայի ազգային օպերայում։ Նախքան ազգային օպերայում աշխատելը, Սոլովյանենկոն Լա Սկալայում դարձել է երիտասարդ երգիչների մրցույթի հաղթող և երեք տարի ուսանել այնտեղ (1963-1965)։ Սոլովյանենկոն դարձել է առաջին խորհրդային երգիչը, ով հրավերով հանդես է եկել Մետրոպոլիտեն օպերայում[8]։ 1965 թվականից Սոլովյանենկոն հանդես է եկել Ուկրաինայի ազգային օպերային թատրոնի կազմում։ 1967 թվականին նրան շնորհվել է Ուկրաինայի վաստակավոր արտիստի կոչում, 1975 թվականին՝ ԽՍՀՄ ժողովրդական արտիստի կոչում։
1978 թվականին Սոլովյանենկոն ավարտել է Կիևի կոնսերվատորիան)։ Եղել է Ուկրաինայի ազգային օպերայի մեներգիչ, տարբեր օպերաներում հանդես եկել դերերգերով՝ Ռիգոլետտո), Տրավիատա, Լյուչիա դի Լամերմուր, Բոհեմ, Տոսկա), Ֆաուստ, Եվգենի Օնեգին, Բորիս Գոդունով և այլն։
Անատոլի Սոլովյանենկոն մահացել է 1999 թվականին, սրտի կաթվածից։ Նրա թաղման արարողությանը մասնակցել են պետական պաշտոնյաներ, այդ թվում՝ Լեոնիդ Կուչման։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.