![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5a/Ameenah_Gurib-Fakim.jpg/640px-Ameenah_Gurib-Fakim.jpg&w=640&q=50)
Ամինա Գուրիբ-Ֆաքիմ
մավրիկացի կենսաբան և պետական գործիչ / From Wikipedia, the free encyclopedia
Բիբի Ամինա Ֆիրդոս Գուրիբ֊Ֆաքիմ (հոկտեմբերի 17, 1959(1959-10-17)[1], Մավրիկիոս)[6], մավրիկացի քաղաքական գործիչ և գիտնական կենսաբազմազանության ոլորտում, որը Մավրիկիոսի 6-րդ նախագահն էր 2015-2018 թվականներին, Հնդկական օվկիանոսի աստղի և բանալու շքանշանակիր[7][8]։ 2014 թվականի դեկտեմբերին ընտրվել է Լեպեպի դաշինքի նախագահի թեկնածու։ 2015 թվականի մայիսի 29-ին Կայլաշ Պուրյագի հրաժարականից հետո և՛ վարչապետ Սըր Աներուդ Ջագնոտը, և՛ ընդդիմության առաջնորդ Պոլ Բերանժերը դրականորեն ողջունեցին նրա առաջադրումը, որը միաձայն հաստատվեց Մավրիկիոսի Ազգային ժողովի քվեարկությամբ։
Ամինա Գուրիբ-Ֆաքիմ | |
---|---|
![]() | |
Ծնվել է | հոկտեմբերի 17, 1959(1959-10-17)[1] (64 տարեկան) |
Ծննդավայր | Մավրիկիոս |
Քաղաքացիություն | ![]() |
Կրոն | իսլամ[2] |
Կրթություն | Սուրեյի համալսարան (1983)[3], Էքստերի համալսարան (1987)[3] և Պիեր և Մարի Կյուրիի համալսարան |
Մասնագիտություն | քաղաքական գործիչ և քիմիկոս |
Աշխատավայր | University of Mauritius?[3] |
Զբաղեցրած պաշտոններ | Մավրիկիոսի նախագահ |
Կուսակցություն | անկախ քաղաքական գործիչ |
Պարգևներ և մրցանակներ | |
Անդամություն | Լոնդոնի Լինեական ընկերություն[3] |
![]() |
Գուրիբ֊Ֆաքիմը առաջին կինն է, որն ընտրվել է Մավրիկիոսի նախագահ և երրորդ կինն է, որը պաշտոնավարել է որպես պետության ղեկավար՝ Եղիսաբեթ Երկրորդ թագուհուց և Մոնիկ Օսան Բելպոյից հետո, որը Նախագահի պաշտոնում հանդես է եկել 2012 թվականին Նախագահ Աներուդ Ջագնոտի հրաժարականից հետո, և նորից 2015 թվականին՝ Նախագահ Կայլաշ Պուրյագի պաշտոնաթողությունից հետո։ Նա Քեմբրիջի համալսարանի համաժողովի 2019 թվականի հիմնական զեկուցողն էր «Աֆրիկան միասին. Ո՞րն է առաջընթացի ուղին»՝ ներկայացված Քեմբրիջի համալսարանի աֆրիկյան կազմակերպության կողմից[9]։