Աբասթուման

Աբասթուման (վրաց.՝ აბასთუმანი) լեռնակլիմայական կուրորտային քաղաքատիպ ավան Վրաստանի հարավում, Սամցխե-Ջավախեթի երկրամասի Ադիգենի մունիցիպալիտետում։ Ախալցխա երկաթուղային կայարանից 28 կմ հյուսիս-արևմուտք և Թբիլիսիից 287 կմ արևմուտք։

Անվան այլ կիրառումների համար տե՛ս՝ Աբասթուման (այլ կիրառումներ)

Քաղաքատիպ ավան
Աբասթուման
վրաց.՝ აბასთუმანი
Աբասթումանի բնությունը
Երկիր	Վրաստան
Մխարե	Սամցխե-ՋավախեթիՍամցխե-Ջավախեթի
Մունիցիպալիտետ	Ադիգենի
Համայնք	Ադիգենի մունիցիպալիտետ
Մակերես	19,54 կմ²
ԲԾՄ	1340±1 մետր
Պաշտոնական լեզու	վրացերեն
Բնակչություն	▼664 մարդ (2023)[1]
Տեղաբնականուն	աբասթումանցի
Ժամային գոտի	UTC+4
Հեռախոսային կոդ	366[2]
Փոստային դասիչ	0301[3]
Աբասթուման (Վրաստան)
Աբասթուման Վիքիպահեստում

Անվանում

Անվանումն առաջացել է վրացերեն հաբազ «հացթուխ» և ուբանի «թաղամաս» բառերից։ Պարսկական տիրապետության շրջանում վերաիմաստավորվել է աբասի և թուման դրամական միավորների անուններով։ Հին անվանումն է Օձխե, որն առաջացել է վրացերեն օձխիս «արջի որս» և խևի «կիրճ» բառերից^[4]։

Աշխարհագրություն

Գտնվում է Մեսխեթի լեռնաշղթայի հարավային լանջին, Օձխե գետի (Կուրի ավազան) կիրճում, 1250-1450 մետր բարձրության վրա։ Աբասթումանի մոտ՝ Կանոբիլե լեռան վրա (բարձրությունը՝ 1650 մ) գտնվում է Աբասթումանի աստղադիտարանը։

Շրջակա լեռները ծածկված են փշատերև անտառներով։ Ունի տաք ջրեր (40 °C-48 °C)։ Առողջարանում բուժում են թոքերի տուբերկուլոզի ակտիվ ձևերը և դրան ուղեկցող հիվանդություններ (հոդերի, ծայրամասային նյարդային համակարգության, կանացի)։ Առողջարանը գործում է ամբողջ տարին։

Բնակչություն

1907 թվականին ուներ 418, 1969 թվականին՝ 5000 բնակիչ՝ վրացիներ և հայեր^[5]։

Աղբյուրներ

1. https://www.geostat.ge/en/modules/categories/41/population
2. http://silknet.com/?module=popup_content&language=ge&product_id=8&type_id=20&attr=city_indexes
3. http://georgianpost.ge/?site-lang=ka&site-path=help%2Fzipcodes%2F&group=3
4. Հ. Ղ. Գրգեարյան, Ն. Մ. Հարությունյան (1987). Աշխարհագրական անունների բառարան. Երևան: «Լույս». էջ 7.
5. Հակոբյան Թ. Խ., Մելիք-Բախշյան Ստ. Տ., Բարսեղյան Հ. Խ., Հայաստանի և հարակից շրջանների տեղանունների բառարան, հ. 1 [Ա-Գ] (խմբ. Մանուկյան Լ. Գ.), Երևան, «Երևանի համալսարանի հրատարակչություն», 1986, էջ 4 — 992 էջ։

Վիքիպահեստն ունի նյութեր, որոնք վերաբերում են «Աբասթուման» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 15)։